سورۃ عبس

تیوری چڑہائی · 42 آیات · مکی · پارہ 30 · صفحہ 585

سورۃ عبس قرآن مجید کی 80ویں سورۃ ہے، اس میں 42 آیات ہیں اور یہ مکی ہے۔ یہ سورۃ پارہ 30 میں، مصحفِ مدینہ کے صفحہ 585 سے شروع ہوتی ہے۔ اس کے نام کا مطلب “تیوری چڑہائی” ہے اور ترتیبِ نزول میں اس کا نمبر 24 ہے۔ عربی متن تنزیل کے عثمانی رسم الخط کے مطابق اور ترجمہ ترجمہ: محمد جوناگڑھی (QuranEnc v1.1.3) ہے۔

تازہ کاری: 10 نومبر، 2026
متن: رسمِ عثمانی (تنزیل)
ترجمہ: ترجمہ: محمد جوناگڑھی (QuranEnc v1.1.3)

بِسْمِ ٱللَّهِ ٱلرَّحْمَٰنِ ٱلرَّحِيمِ

80:1

عبس · آیت 1

عَبَسَ وَتَوَلَّىٰٓ

وه ترش رو ہوا اور منھ موڑ لیا.

سورۃ 'Abasa [80]: 1 · ترجمہ: محمد جوناگڑھی (QuranEnc v1.1.3)

80:2

عبس · آیت 2

أَن جَآءَهُ ٱلْأَعْمَىٰ

(صرف اس لئے) کہ اس کے پاس ایک نابینا آیا.[1]

مترجم کے حواشی

[1] ابن ام مکتوم سےنبی (صلى الله عليه وسلم) کے چہرے پر جو ناگواری کے اثرات ظاہر ہوئے، اسے عَبَسَ سے اور توجہی کو تَوَلَّى ٰ سے تعبیر فرمایا۔

سورۃ 'Abasa [80]: 2 · ترجمہ: محمد جوناگڑھی (QuranEnc v1.1.3)

80:3

عبس · آیت 3

وَمَا يُدْرِيكَ لَعَلَّهُۥ يَزَّكَّىٰٓ

تجھے کیا خبر شاید وه سنور جاتا.[1]

مترجم کے حواشی

[1] یعنی وہ نابینا تجھ سے دینی رہنمائی حاصل کرکے عمل صالح کرتا جس سے اس کا اخلا ق وکردار سنور جاتا، اس کے باطن کی اصلاح ہو جاتی اور تیری نصیحت سننے سے اس کو فائدہ ہوتا۔

سورۃ 'Abasa [80]: 3 · ترجمہ: محمد جوناگڑھی (QuranEnc v1.1.3)

80:4

عبس · آیت 4

أَوْ يَذَّكَّرُ فَتَنفَعَهُ ٱلذِّكْرَىٰٓ

یا نصیحت سنتا اور اسے نصیحت فائده پہنچاتی.

سورۃ 'Abasa [80]: 4 · ترجمہ: محمد جوناگڑھی (QuranEnc v1.1.3)

80:5

عبس · آیت 5

أَمَّا مَنِ ٱسْتَغْنَىٰ

جو بے پرواہی کرتا ہے.[1]

مترجم کے حواشی

[1] ایمان سے اور اس علم سے جو تیرے پاس اللہ کی طرف سے آیا ہے۔ یا دوسرا ترجمہ ہے جو صاحب ثروت وغنا ہے۔

سورۃ 'Abasa [80]: 5 · ترجمہ: محمد جوناگڑھی (QuranEnc v1.1.3)

80:6

عبس · آیت 6

فَأَنتَ لَهُۥ تَصَدَّىٰ

اس کی طرف تو تو پوری توجہ کرتا ہے.[1]

مترجم کے حواشی

[1] اس میں آپ (صلى الله عليه وسلم) کو مزید توجہ دلائی گئی ہے کہ مخلصین کو چھوڑ کر معرضین کی طرف توجہ مبذول رکھنا صحیح بات نہیں ہے۔

سورۃ 'Abasa [80]: 6 · ترجمہ: محمد جوناگڑھی (QuranEnc v1.1.3)

80:7

عبس · آیت 7

وَمَا عَلَيْكَ أَلَّا يَزَّكَّىٰ

حاﻻنکہ اس کے نہ سنورنے سے تجھ پر کوئی الزام نہیں.[1]

مترجم کے حواشی

[1] کیوں کہ تیرا کام تو صرف تبلیغ ہے۔ اس لئے اس قسم کے کفار کے پیچھے پڑنے کی ضرورت نہیں ہے۔

سورۃ 'Abasa [80]: 7 · ترجمہ: محمد جوناگڑھی (QuranEnc v1.1.3)

80:8

عبس · آیت 8

وَأَمَّا مَن جَآءَكَ يَسْعَىٰ

اور جو شخص تیرے پاس دوڑتا ہوا آتا ہے.[1]

مترجم کے حواشی

[1] اس بات کا طالب بن کر کہ تو خیر کی طرف اس کی رہنمائی کرے اور اسے وعظ ونصیحت سے نوازے۔

سورۃ 'Abasa [80]: 8 · ترجمہ: محمد جوناگڑھی (QuranEnc v1.1.3)

80:9

عبس · آیت 9

وَهُوَ يَخْشَىٰ

اور وه ڈر (بھی) رہا ہے.[1]

مترجم کے حواشی

[1] یعنی اللہ کا خوف بھی اس کے دل میں ہے، جس کی وجہ سے یہ امید ہے کہ تیری باتیں اس کےلئے مفید ہوں گی اور وہ ان کو اپنائے گا اور ان پر عمل کرے گا۔

سورۃ 'Abasa [80]: 9 · ترجمہ: محمد جوناگڑھی (QuranEnc v1.1.3)

80:10

عبس · آیت 10

فَأَنتَ عَنْهُ تَلَهَّىٰ

تو اس سے بےرخی برتتا ہے.[1]

مترجم کے حواشی

[1] یعنی ایسے لوگوں کی تو قدر افزائی کی ضرورت ہے نہ کہ ان سے بےرخی برتنے کی۔ ان آیات سے یہ بات معلوم ہوئی کہ دعوت وتبلیغ میں کسی کو خاص نہیں کرنا چاہئے بلکہ اصحاب حیثیت اور بےحیثیت، امیر اور غریب، آقا وغلام، مرد اور عورت، چھوٹے اور بڑے سب کو یکساں حیثیت دی جائے اور سب کو مشترکہ خطاب کیا جائے۔ اللہ تعالیٰ جس کو چاہے گا اپنی حکمت بالغہ کے تحت، ہدایت سے نواز دے گا۔ ( ابن کثیر ) ۔

سورۃ 'Abasa [80]: 10 · ترجمہ: محمد جوناگڑھی (QuranEnc v1.1.3)

80:11

عبس · آیت 11

كَلَّآ إِنَّهَا تَذْكِرَةٌ

یہ ٹھیک نہیں[1] قرآن تو نصیحت (کی چیز) ہے.

مترجم کے حواشی

[1] یعنی غریب سے یہ اعراض اور اصحاب حیثیت کی طرف خصوصی توجہ، یہ ٹھیک نہیں۔ مطلب ہے کہ آئندہ اس کا اعادہ نہ ہو۔

سورۃ 'Abasa [80]: 11 · ترجمہ: محمد جوناگڑھی (QuranEnc v1.1.3)

80:12

عبس · آیت 12

فَمَن شَآءَ ذَكَرَهُۥ

جو چاہے اس سے نصیحت لے.[1]

مترجم کے حواشی

[1] یعنی جو اس میں رغبت کرے، وہ اس سے نصیحت حاصل کرے، اسے یاد کرے اور اس کے موجبات پر عمل کرے۔ اور جو اس اعراض سے کرے اور بے رخی برتے، جیسے اشراف قریش نے کیا، تو ان کی فکر کرنے کی ضرورت نہیں ہے۔

سورۃ 'Abasa [80]: 12 · ترجمہ: محمد جوناگڑھی (QuranEnc v1.1.3)

80:13

عبس · آیت 13

فِى صُحُفٍ مُّكَرَّمَةٍ

(یہ تو) پر عظمت صحیفوں میں (ہے).[1]

مترجم کے حواشی

[1] یعنی لوح محفوظ میں، کیوں کہ وہیں سے یہ قرآن اترتا ہے۔ یا مطلب ہے کہ یہ صحیفے اللہ کے ہاں بڑےمحترم ہیں کیوں کہ وہ علم وحکمت سے پر ہیں۔

سورۃ 'Abasa [80]: 13 · ترجمہ: محمد جوناگڑھی (QuranEnc v1.1.3)

80:14

عبس · آیت 14

مَّرْفُوعَةٍ مُّطَهَّرَةٍۭ

جو بلند وباﻻ اور پاک صاف ہے.[1]

مترجم کے حواشی

[1] مَرْفُوعَةٍ اللہ کے ہاں رفیع القدر ہیں، یا شبہات اور تناقض سے بلند ہیں۔ مُطَهَّرَةٍ، وہ بالکل پاک ہیں کیوں کہ انہیں پاک لوگوں ( فرشتوں ) کے سوا کوئی چھوتا ہی نہیں، یا کمی بیشی سے پاک ہے۔

سورۃ 'Abasa [80]: 14 · ترجمہ: محمد جوناگڑھی (QuranEnc v1.1.3)

80:15

عبس · آیت 15

بِأَيْدِى سَفَرَةٍ

ایسے لکھنے والوں کے ہاتھوں میں ہے.[1]

مترجم کے حواشی

[1] سَفَرَةٍ، سَافِرٌ کی جمع ہے، یہ سفارت سے ہے۔ مراد یہاں وہ فرشتے ہیں جو اللہ کی وحی اس کےرسولوں تک پہنچاتے ہیں۔ یعنی اللہ اور اس کےرسول کے درمیان سفارت کا کام کرتے ہیں۔ یہ قرآن ایسے سفیروں کے ہاتھوں میں ہےجو اسے لوح محفوظ سے نقل کرتے ہیں۔

سورۃ 'Abasa [80]: 15 · ترجمہ: محمد جوناگڑھی (QuranEnc v1.1.3)

80:16

عبس · آیت 16

كِرَامٍۭ بَرَرَةٍ

جو بزرگ اور پاکباز ہیں.[1]

مترجم کے حواشی

[1] یعنی خلق کے اعتبار سے وہ کریم یعنی شریف اور بزرگ ہیں اور افعال کے اعتبار سے وہ نیکو کار اور پاکباز ہیں۔ یہاں سے یہ بات معلوم ہوئی کہ حامل قرآن ( حافظ اور عالم ) کو بھی اخلاق وکردار اور افعال واطوار میں كِرَامٍ بَرَرَةٍ کا مصداق ہونا چاہئے۔ (ابن کثیر) حدیث میں بھی سَفَرَةٍ کا لفظ فرشتوں کے لئے استعمال ہوا ہے۔ نبی (صلى الله عليه وسلم) نے فرمایا جو قرآن پڑھتا ہے اور وہ اس کا ماہر ہے، وہ السَّفَرَةُ الكِرَامُ الْبَرَرَةُ ( فرشتوں ) کے ساتھ ہوگا اور جو قرآن پڑھتا ہے، لیکن مشقت کےساتھ۔ ( یعنی ماہرین کی طرح سہولت اور روانی سےنہیں پڑھتا ) اس کے لئے دوگنا اجر ہے۔ (صحيح بخاري، تفسير سورة عبس مسلم، كتاب الصلاة، باب فضل الماهر بالقرآن....)۔

سورۃ 'Abasa [80]: 16 · ترجمہ: محمد جوناگڑھی (QuranEnc v1.1.3)

80:17

عبس · آیت 17

قُتِلَ ٱلْإِنسَٰنُ مَآ أَكْفَرَهُۥ

اللہ کی مار انسان پر کیسا ناشکرا ہے.[1]

مترجم کے حواشی

[1] اس سے وہ انسان مراد ہے جو بغیر کسی سند اور دلیل کے قیامت کی تکذیب کرتا ہے۔ قُتِلَ بمعنی لُعِنَ اور مَا أَكْفَرَهُ ! فعل تعجب ہے، کس قدر ناشکرا ہے۔ آگے اس انسان کفور کو غور وفکر کی دعوت دی جا رہی ہے کہ شاید وہ اپنے کفر سے باز آجائے۔

سورۃ 'Abasa [80]: 17 · ترجمہ: محمد جوناگڑھی (QuranEnc v1.1.3)

80:18

عبس · آیت 18

مِنْ أَىِّ شَىْءٍ خَلَقَهُۥ

اسے اللہ نے کس چیز سے پیدا کیا.

سورۃ 'Abasa [80]: 18 · ترجمہ: محمد جوناگڑھی (QuranEnc v1.1.3)

80:19

عبس · آیت 19

مِن نُّطْفَةٍ خَلَقَهُۥ فَقَدَّرَهُۥ

اسے) ایک نطفہ[1] سے پیدا کیا،پھراس کا اندازہ مقررکیا .[2]

مترجم کے حواشی

[1] یعنی جس کی پیدائش ایسے حقیر قطرۂ آب سے ہوئی ہے، کیا اسے تکبر زیب دیتا ہے؟ [2] اس کا مطلب ہے کہ اس کے مصالح نفس اسے مہیا کیے، اس کو دو ہاتھ دو پیر اوردو آنکھیں اور دیگر آلات وخواص عطا کیے۔

سورۃ 'Abasa [80]: 19 · ترجمہ: محمد جوناگڑھی (QuranEnc v1.1.3)

80:20

عبس · آیت 20

ثُمَّ ٱلسَّبِيلَ يَسَّرَهُۥ

پھر اس کے لئے راستہ آسان کیا.[1]

مترجم کے حواشی

[1] یعنی خیر اور شر کے راستے اس کے لئے واضح کر دیئے۔ بعض کہتے ہیں اس سے مراد ماں کے پیٹ سے نکلنے کا راستہ ہے۔ لیکن پہلا مفہوم زیادہ صحیح ہے۔

سورۃ 'Abasa [80]: 20 · ترجمہ: محمد جوناگڑھی (QuranEnc v1.1.3)

80:21

عبس · آیت 21

ثُمَّ أَمَاتَهُۥ فَأَقْبَرَهُۥ

پھر اسے موت دی اور پھر قبر میں دفن کیا.

سورۃ 'Abasa [80]: 21 · ترجمہ: محمد جوناگڑھی (QuranEnc v1.1.3)

80:22

عبس · آیت 22

ثُمَّ إِذَا شَآءَ أَنشَرَهُۥ

پھر جب چاہے گا اسے زنده کر دے گا۔

سورۃ 'Abasa [80]: 22 · ترجمہ: محمد جوناگڑھی (QuranEnc v1.1.3)

80:23

عبس · آیت 23

كَلَّا لَمَّا يَقْضِ مَآ أَمَرَهُۥ

ہرگز نہیں[1] ۔ اس نے اب تک اللہ کے حکم کی بجا آوری نہیں کی.

مترجم کے حواشی

[1] یعنی معاملہ اس طرح نہیں ہے‘ جس طرح یہ کافر کہتا ہے۔

سورۃ 'Abasa [80]: 23 · ترجمہ: محمد جوناگڑھی (QuranEnc v1.1.3)

80:24

عبس · آیت 24

فَلْيَنظُرِ ٱلْإِنسَٰنُ إِلَىٰ طَعَامِهِۦٓ

انسان کو چاہئے کہ اپنے کھانے کو دیکھے.[1]

مترجم کے حواشی

[1] کہ اسے اللہ نے کس طرح پیدا کیا، جو اس کی زندگی کا سبب ہے اور کس طرح اس کے لئے اسباب معاش مہیا کئے تاکہ وہ ان کے ذریعے سے سعادت اخروی حاصل کر سکے۔

سورۃ 'Abasa [80]: 24 · ترجمہ: محمد جوناگڑھی (QuranEnc v1.1.3)