التكوير · آیت 1
إِذَا ٱلشَّمْسُ كُوِّرَتْ
جب سورج لپیٹ لیا جائے گا.
سورۃ At-Takwir [81]: 1 · ترجمہ: محمد جوناگڑھی (QuranEnc v1.1.3)
81
سورۃ التكوير
لپیٹنا · 29 آیات · مکی · پارہ 30 · صفحہ 586
سورۃ التكوير
سورۃ التكوير قرآن مجید کی 81ویں سورۃ ہے، اس میں 29 آیات ہیں اور یہ مکی ہے۔ یہ سورۃ پارہ 30 میں، مصحفِ مدینہ کے صفحہ 586 سے شروع ہوتی ہے۔ اس کے نام کا مطلب “لپیٹنا” ہے اور ترتیبِ نزول میں اس کا نمبر 7 ہے۔ عربی متن تنزیل کے عثمانی رسم الخط کے مطابق اور ترجمہ ترجمہ: محمد جوناگڑھی (QuranEnc v1.1.3) ہے۔
قرآن کے کسی صفحے پر اشتہار نہیں۔
بِسْمِ ٱللَّهِ ٱلرَّحْمَٰنِ ٱلرَّحِيمِ
التكوير · آیت 2
وَإِذَا ٱلنُّجُومُ ٱنكَدَرَتْ
اور جب ستارے بے نور ہو جائیں گی.[1]
مترجم کے حواشی
[1] دوسرا ترجمہ ہےجھڑ کر گر جائیں گے۔ یعنی آسمان پر ان کا وجود ہی نہیں رہے گا۔
سورۃ At-Takwir [81]: 2 · ترجمہ: محمد جوناگڑھی (QuranEnc v1.1.3)
التكوير · آیت 3
وَإِذَا ٱلْجِبَالُ سُيِّرَتْ
اور جب پہاڑ چلائے جائیں گے.[1]
مترجم کے حواشی
[1] یعنی انہیں زمین سے اکھیڑ کر ہواؤں میں چلا دیا جائے گا اور وہ دھنی ہوئی روئی کی طرح اڑیں گے۔
سورۃ At-Takwir [81]: 3 · ترجمہ: محمد جوناگڑھی (QuranEnc v1.1.3)
التكوير · آیت 4
وَإِذَا ٱلْعِشَارُ عُطِّلَتْ
اور جب دس ماه کی حاملہ اونٹنیاں چھوڑ دی جائیں.[1]
مترجم کے حواشی
[1] عِشَارٌ ، عُشَراءُ کی جمع ہے، حمل والیاں یعنی گابھن اونٹیناں، جب ان کا حمل دس مہینوں کا ہو جاتا ہےتو عربوں میں یہ بہت نفیس اور قیمتی سمجھیں جاتی تھیں۔ جب قیامت برپا ہوگی تو ایسا ہولناک منظر ہوگا کہ اگر کسی کے پاس اس قسم کی قیمتی اونٹنی بھی ہوں گی تو وہ ان کی بھی پروا نہیں کرے گا۔
سورۃ At-Takwir [81]: 4 · ترجمہ: محمد جوناگڑھی (QuranEnc v1.1.3)
التكوير · آیت 5
وَإِذَا ٱلْوُحُوشُ حُشِرَتْ
اور جب وحشی جانور اکھٹے کیے جائیں گے.[1]
مترجم کے حواشی
[1] یعنی انہیں بھی قیامت والے دن جمع کیا جائے گا۔
سورۃ At-Takwir [81]: 5 · ترجمہ: محمد جوناگڑھی (QuranEnc v1.1.3)
التكوير · آیت 6
وَإِذَا ٱلْبِحَارُ سُجِّرَتْ
اور جب سمندر بھڑکائے جائیں گے.[1]
مترجم کے حواشی
[1] یعنی ان میں اللہ کے حکم سے آگ بھڑک اٹھے گی۔
سورۃ At-Takwir [81]: 6 · ترجمہ: محمد جوناگڑھی (QuranEnc v1.1.3)
التكوير · آیت 7
وَإِذَا ٱلنُّفُوسُ زُوِّجَتْ
اور جب جانیں (جسموں سے) ملا دی جائیں گی.[1]
مترجم کے حواشی
[1] اس کے کئی مفہوم بیان کئے گئے ہیں۔ زیادہ قرین قیاس یہ معلوم ہوتاہے کہ ہر انسان کو اس کے ہم مذہب وہم مشرب کےساتھ ملا دیا جائے گا۔ مومن کو مومنوں کےساتھ اور بدکو بدوں کے ساتھ، یہودی کو یہودیوں کے ساتھ اور عیسائی کو عیسائیوں کے ساتھ، وَعَلَى هَذَا الْقِيَاسِ ۔
سورۃ At-Takwir [81]: 7 · ترجمہ: محمد جوناگڑھی (QuranEnc v1.1.3)
التكوير · آیت 8
وَإِذَا ٱلْمَوْءُۥدَةُ سُئِلَتْ
اور جب زنده گاڑی ہوئی لڑکی سے سوال کیا جائے گا.
سورۃ At-Takwir [81]: 8 · ترجمہ: محمد جوناگڑھی (QuranEnc v1.1.3)
التكوير · آیت 9
بِأَىِّ ذَنۢبٍ قُتِلَتْ
کہ کس گناه کی وجہ سے وه قتل کی گئی؟[1]
مترجم کے حواشی
[1] اس طرح دراصل قاتل کو سرزنش کی جائے گی کیونکہ اصل مجرم تو وہی ہوگا نہ کہ موءدۃ جس سے بظاہر سوال ہوگا۔
سورۃ At-Takwir [81]: 9 · ترجمہ: محمد جوناگڑھی (QuranEnc v1.1.3)
التكوير · آیت 10
وَإِذَا ٱلصُّحُفُ نُشِرَتْ
اور جب نامہٴ اعمال کھول دیئے جائیں گے.[1]
مترجم کے حواشی
[1] موت کے وقت یہ صحیفے لپیٹ دیئے جاتے ہیں، پھر قیامت والے دن حساب کےلئے کھول دیئے جائیں گے، جنہیں ہر شخص دیکھ لے گا بلکہ ہاتھوں میں پکڑا دیئے جائیں گے ۔
سورۃ At-Takwir [81]: 10 · ترجمہ: محمد جوناگڑھی (QuranEnc v1.1.3)
التكوير · آیت 11
وَإِذَا ٱلسَّمَآءُ كُشِطَتْ
اور جب آسمان کی کھال اتار لی جائے گی.[1]
مترجم کے حواشی
[1] یعنی وہ اس طرح ادھیڑ دیئے جائیں گےجس طرح چھت ادھیڑ دی جاتی ہے۔
سورۃ At-Takwir [81]: 11 · ترجمہ: محمد جوناگڑھی (QuranEnc v1.1.3)
التكوير · آیت 12
وَإِذَا ٱلْجَحِيمُ سُعِّرَتْ
اور جب جہنم بھڑکائی جائے گی.
سورۃ At-Takwir [81]: 12 · ترجمہ: محمد جوناگڑھی (QuranEnc v1.1.3)
التكوير · آیت 13
وَإِذَا ٱلْجَنَّةُ أُزْلِفَتْ
اور جب جنت نزدیک کر دی جائے گی.
سورۃ At-Takwir [81]: 13 · ترجمہ: محمد جوناگڑھی (QuranEnc v1.1.3)
التكوير · آیت 14
عَلِمَتْ نَفْسٌ مَّآ أَحْضَرَتْ
تو اس دن ہر شخص جان لے گا جو کچھ لے کر آیا ہوگا.[1]
مترجم کے حواشی
[1] یہ جواب ہے یعنی جب مذکورہ امور ظہور پذیر ہوں گے، جن میں سے پہلے چھ امور کا تعلق دنیا سے ہے اور دوسرے چھ امور کا آخرت سے۔ اس وقت ہر ایک کے سامنے اس کی حقیقت آجائے گی۔
سورۃ At-Takwir [81]: 14 · ترجمہ: محمد جوناگڑھی (QuranEnc v1.1.3)
التكوير · آیت 15
فَلَآ أُقْسِمُ بِٱلْخُنَّسِ
میں قسم کھاتا ہوں پیچھے ہٹنے والے.
سورۃ At-Takwir [81]: 15 · ترجمہ: محمد جوناگڑھی (QuranEnc v1.1.3)
التكوير · آیت 16
ٱلْجَوَارِ ٱلْكُنَّسِ
چلنے پھرنے والے چھپنے والے ستاروں کی.[1]
مترجم کے حواشی
[1] اس سے مراد ستارے خُنَّسٌ، خَنَسَ سے ہے جس کے معنی پیچھےہٹنے کے ہیں۔ یہ ستارے دن کے وقت اپنے منظر سے پیچھے ہٹ جاتے ہیں اور نظر نہیں آتے۔ اور یہ زخل، مشتری، مریخ، زہرہ، عطارد ہیں، یہ خاص طور پر سورج کے رخ پر ہوتے ہیں بعض کہتے ہیں کہ سارے ہی ستارےمراد ہیں، کیوں کہ سب ہی اپنے غائب ہونے کی جگہ پر غائب ہو جاتے ہیں یا دن کو چھپے رہتے ہیں الْجَوَارِ چلنے والے، الْكُنَّسِ چھپ جانے والے، جیسے ہرن اپنے مکان اور مسکن میں چھپ جاتا ہے۔
سورۃ At-Takwir [81]: 16 · ترجمہ: محمد جوناگڑھی (QuranEnc v1.1.3)
التكوير · آیت 17
وَٱلَّيْلِ إِذَا عَسْعَسَ
اور رات کی جب جانے لگے.[1]
مترجم کے حواشی
[1] عَسْعَسَ، اضداد میں سے ہے، یعنی آنے اور جانے دونوں معنوں میں اس کا استعمال ہوتا ہے، تاہم یہاں جانے کے معنی میں ہے۔
سورۃ At-Takwir [81]: 17 · ترجمہ: محمد جوناگڑھی (QuranEnc v1.1.3)
التكوير · آیت 18
وَٱلصُّبْحِ إِذَا تَنَفَّسَ
اور صبح کی جب چمکنے لگے.[1]
مترجم کے حواشی
[1] یعنی جب اس کا ظہور وطلوع ہو جائے، یا وہ پھٹ اور نکل آئے۔
سورۃ At-Takwir [81]: 18 · ترجمہ: محمد جوناگڑھی (QuranEnc v1.1.3)
التكوير · آیت 19
إِنَّهُۥ لَقَوْلُ رَسُولٍ كَرِيمٍ
یقیناً یہ ایک بزرگ رسول کا کہا ہوا ہے.[1]
مترجم کے حواشی
[1] اس لئے وہ اسے اللہ کی طرف لے کر آیا ہے۔ مراد حضرت جبرائیل (عليه السلام) ہیں۔
سورۃ At-Takwir [81]: 19 · ترجمہ: محمد جوناگڑھی (QuranEnc v1.1.3)
التكوير · آیت 20
ذِى قُوَّةٍ عِندَ ذِى ٱلْعَرْشِ مَكِينٍ
جو قوت واﻻ ہے[1] ، عرش والے (اللہ) کے نزدیک بلند مرتبہ ہے.
مترجم کے حواشی
[1] یعنی جو کام اس کےسپرد کیاجائے،اسے پوری قوت سے کرتا ہے۔
سورۃ At-Takwir [81]: 20 · ترجمہ: محمد جوناگڑھی (QuranEnc v1.1.3)
التكوير · آیت 21
مُّطَاعٍ ثَمَّ أَمِينٍ
جس کی (آسمانوں میں) اطاعت کی جاتی ہے اورامین[1] ہے.
مترجم کے حواشی
[1] یعنی فرشتوں کے درمیان اس کی اطاعت کی جاتی ہے۔ وہ فرشتوں کا مرجع اور مطاع ہے نیز وحی کےسلسلے میں امین ہے۔
سورۃ At-Takwir [81]: 21 · ترجمہ: محمد جوناگڑھی (QuranEnc v1.1.3)
التكوير · آیت 22
وَمَا صَاحِبُكُم بِمَجْنُونٍ
اور تمہارا ساتھی دیوانہ نہیں ہے.[1]
مترجم کے حواشی
[1] یہ خطاب اہل مکہ سے ہے اور صاحب مراد رسول اللہ (صلى الله عليه وسلم) ہیں۔ یعنی تم جو گمان رکھتے ہو کہ تمہارا ہم نسب اور ہم وطن ساتھ ساتھی، ( محمد صلى الله عليه وسلم) دیوانہ ہے ۔ نعوذ باللہ ۔ ایسا نہیں ہے، ذرا قرآن پڑھ کر تو دیکھوکہ کیا کوئی دیوانہ ایسے معارف وحقائق بیان کر سکتا ہے اور گزشتہ قوموں کے صحیح صحیح حالات بتلا سکتا ہے جو اس قرآن میں بیان کئے گئے ہیں۔
سورۃ At-Takwir [81]: 22 · ترجمہ: محمد جوناگڑھی (QuranEnc v1.1.3)
التكوير · آیت 23
وَلَقَدْ رَءَاهُ بِٱلْأُفُقِ ٱلْمُبِينِ
اس نے اس (فرشتے) کو آسمان کے کھلے کنارے پر دیکھا بھی ہے.[1]
مترجم کے حواشی
[1] یہ پہلے ذکر گزر چکا ہے کہ رسول اللہ (صلى الله عليه وسلم) نے حضرت جبرائیل کو دو مرتبہ ان کی اصل حالت میں دیکھا ہے، جن میں سے ایک کا یہاں ذکر ہے۔ یہ ابتدائے نبوت کا واقعہ ہے، اس وقت حضرت جبرائیل (عليه السلام) کے چھ سو پر تھے، جنہوں نے آسمان کے کناروں کو بھر دیا تھا۔ دوسری مرتبہ معراج کے موقعے پر دیکھا۔ جیسا کہ سورۂ نجم میں تفصیل گزر چکی ہے۔
سورۃ At-Takwir [81]: 23 · ترجمہ: محمد جوناگڑھی (QuranEnc v1.1.3)
التكوير · آیت 24
وَمَا هُوَ عَلَى ٱلْغَيْبِ بِضَنِينٍ
اور یہ غیب کی باتوں کو بتلانے میں بخیل بھی نہیں.[1]
مترجم کے حواشی
[1] یہ نبی (صلى الله عليه وسلم) کی بابت وضاحت کی جا رہی ہے کہ آپ کو جن باتوں کی اطلاع دی جاتی ہے، جو احکام وفرائض آپ کو بتلائے جاتے ہیں، ان میں سےکوئی بات آپ اپنے پاس نہیں رکھتے بلکہ فریضۂ رسالت کی ذمے داریوں کا احساس کرتے ہوئے ہر بات اور ہر حکم لوگوں تک پہنچا دیتے ہیں۔
سورۃ At-Takwir [81]: 24 · ترجمہ: محمد جوناگڑھی (QuranEnc v1.1.3)
التكوير · آیت 25
وَمَا هُوَ بِقَوْلِ شَيْطَٰنٍ رَّجِيمٍ
اور یہ قرآن شیطان مردود کا کلام نہیں.[1]
مترجم کے حواشی
[1] جس طرح نجومیوں کے پاس شیطان آتے ہیں اور آسمانوں کی بعض چوری چھپی باتیں ادھوری شکل میں انہیں بتلا دیتے ہیں۔ قرآن ایسا نہیں ہے۔
سورۃ At-Takwir [81]: 25 · ترجمہ: محمد جوناگڑھی (QuranEnc v1.1.3)
التكوير · آیت 26
فَأَيْنَ تَذْهَبُونَ
پھر تم کہاں جا رہے ہو.[1]
مترجم کے حواشی
[1] یعنی کیوں اس سےاعراض کرتے ہو ؟ اور اس کی اطاعت نہیں کرتے ؟
سورۃ At-Takwir [81]: 26 · ترجمہ: محمد جوناگڑھی (QuranEnc v1.1.3)
التكوير · آیت 27
إِنْ هُوَ إِلَّا ذِكْرٌ لِّلْعَٰلَمِينَ
یہ تو تمام جہان والوں کے لئے نصیحت نامہ ہے.
سورۃ At-Takwir [81]: 27 · ترجمہ: محمد جوناگڑھی (QuranEnc v1.1.3)
التكوير · آیت 28
لِمَن شَآءَ مِنكُمْ أَن يَسْتَقِيمَ
(بالخصوص) اس کے لئے جو تم میں سے سیدھی راه پر چلنا چاہے.
سورۃ At-Takwir [81]: 28 · ترجمہ: محمد جوناگڑھی (QuranEnc v1.1.3)
التكوير · آیت 29
وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلْعَٰلَمِينَ
اور تم بغیر پروردگار عالم کے چاہے کچھ نہیں چاه سکتے.[1]
مترجم کے حواشی
[1] یعنی تمہاری چاہت ، اللہ کی توفیق پر منحصر ہے، جب تک تمہاری چاہت کے ساتھ اللہ کی مشیت اور اس کی توفیق بھی شامل نہیں ہوگی، اس وقت تک تم سیدھا راستہ بھی اختیار نہیں کر سکتے۔ یہ وہی مضمون ہے جو إِنَّكَ لا تَهْدِي مَنْ أَحْبَبْتَ (القصص: 56) وغیرہ آیات میں بیان ہوا ہے۔
سورۃ At-Takwir [81]: 29 · ترجمہ: محمد جوناگڑھی (QuranEnc v1.1.3)
اکثر پوچھے جانے والے سوالات
سورۃ التكوير میں کتنی آیات ہیں؟
29 آیات۔ التكوير قرآن کی 81ویں سورۃ ہے اور مکی ہے۔
سورۃ التكوير کس پارے میں ہے؟
پارہ 30۔ اس کی پہلی آیت مصحفِ مدینہ کے صفحہ 586 پر ہے۔
التكوير کے نام کا کیا مطلب ہے؟
التكوير کا مطلب “لپیٹنا” ہے۔
عربی متن اور ترجمہ کہاں سے لیا گیا ہے؟
عربی متن تنزیل (رسمِ عثمانی، ورژن 1.1) سے اور ترجمہ ترجمہ: محمد جوناگڑھی (QuranEnc v1.1.3) سے۔ دونوں بغیر کسی تبدیلی کے دکھائے گئے ہیں۔
متن کے مآخذ
-
عربی متن · Tanzil Project (tanzil.net)، رسمِ عثمانی ورژن 1.1، CC BY 3.0، بغیر تبدیلی کے نقل
-
ترجمہ · Urdu Translation - Muhammad Junagarhi · QuranEnc.com v1.1.3
-
پارے اور صفحات · Tanzil Quran Metadata 1.0 (مصحفِ مدینہ، 604 صفحات)، CC BY 3.0