المطففين · آیت 1
وَيْلٌ لِّلْمُطَفِّفِينَ
بڑی خرابی ہے ناپ تول میں کمی کرنے والوں کی.
سورۃ Al-Mutaffifin [83]: 1 · ترجمہ: محمد جوناگڑھی (QuranEnc v1.1.3)
83
سورۃ المطففين
ناپ تول میں کمی کرنے والے · 36 آیات · مکی · پارہ 30 · صفحہ 587
سورۃ المطففين
سورۃ المطففين قرآن مجید کی 83ویں سورۃ ہے، اس میں 36 آیات ہیں اور یہ مکی ہے۔ یہ سورۃ پارہ 30 میں، مصحفِ مدینہ کے صفحہ 587 سے شروع ہوتی ہے۔ اس کے نام کا مطلب “ناپ تول میں کمی کرنے والے” ہے اور ترتیبِ نزول میں اس کا نمبر 86 ہے۔ عربی متن تنزیل کے عثمانی رسم الخط کے مطابق اور ترجمہ ترجمہ: محمد جوناگڑھی (QuranEnc v1.1.3) ہے۔
قرآن کے کسی صفحے پر اشتہار نہیں۔
بِسْمِ ٱللَّهِ ٱلرَّحْمَٰنِ ٱلرَّحِيمِ
المطففين · آیت 2
ٱلَّذِينَ إِذَا ٱكْتَالُوا۟ عَلَى ٱلنَّاسِ يَسْتَوْفُونَ
کہ جب لوگوں سے ناپ کر لیتے ہیں تو پورا پورا لیتے ہیں.
سورۃ Al-Mutaffifin [83]: 2 · ترجمہ: محمد جوناگڑھی (QuranEnc v1.1.3)
المطففين · آیت 3
وَإِذَا كَالُوهُمْ أَو وَّزَنُوهُمْ يُخْسِرُونَ
اور جب انہیں ناپ کر یا تول کر دیتے ہیں تو کم دیتے ہیں.[1]
مترجم کے حواشی
[1] یعنی لینے اور دینے کے الگ الگ پیمانے رکھنا اور اس طرح ڈنڈی مار کر ناپ تول میں کمی کرنا، بہت بڑی اخلاقی بیماری ہے جس کا نتیجہ دین وآخرت میں تباہی ہے۔ ایک حدیث میں ہے، جو قوم ناپ تول میں کمی کرتی ہے، تو اس پر قحط سالی، سخت محنت اور حکمرانوں کا ظلم مسلط کر دیا جاتا ہے۔ ( ابن ماجه ، نمبر 4019 ذكره الألباني في الصحيحة نمبر 106 من عدة طرق وله شواهد) ۔
سورۃ Al-Mutaffifin [83]: 3 · ترجمہ: محمد جوناگڑھی (QuranEnc v1.1.3)
المطففين · آیت 4
أَلَا يَظُنُّ أُو۟لَٰٓئِكَ أَنَّهُم مَّبْعُوثُونَ
کیا انہیں اپنے مرنے کے بعد جی اٹھنے کا خیال نہیں.
سورۃ Al-Mutaffifin [83]: 4 · ترجمہ: محمد جوناگڑھی (QuranEnc v1.1.3)
المطففين · آیت 5
لِيَوْمٍ عَظِيمٍ
اس عظیم دن کے لئے.
سورۃ Al-Mutaffifin [83]: 5 · ترجمہ: محمد جوناگڑھی (QuranEnc v1.1.3)
المطففين · آیت 6
يَوْمَ يَقُومُ ٱلنَّاسُ لِرَبِّ ٱلْعَٰلَمِينَ
جس دن سب لوگ رب العالمین کے سامنے کھڑے ہوں گے.[1]
مترجم کے حواشی
[1] یہ ڈنڈی مارنے والے اس بات سے نہیں ڈرتے کہ ایک بڑا ہولناک دن آنے والا ہے جس میں سب لوگ رب العالمین کے سامنے کھڑے ہوں گے جو تمام پوشیدہ باتوں کوجانتا ہے ؟ مطلب یہ ہے کہ یہ کام وہی لوگ کرتے ہیں جن کے دلوں میں اللہ کا خوف اور قیامت کا ڈر نہیں ہے۔ احادیث میں آتا ہے، کہ جس وقت رب العالمین کے لئے کھڑے ہوں گے تو پسینہ انسانوں کے آدھے آدھے کانوں تک پہنچا ہوگا۔ ( صحيح، بخاري، تفسير سورة المطففين ) ایک اور روایت میں ہے کہ قیامت والے دن سورج مخلوق کے اتنا قریب ہوگا کہ ایک میل کی مقدار کے قریب فاصلہ ہوگا۔ حدیث کے راوی حضرت سلیم بن عامر کہتے ہیں کہ میں نہیں جانتا کہ نبی (صلى الله عليه وسلم) نے میل سے زمین کے مسافت والا میل مراد لیا ہے یا وہ سلائی جس سے سرمہ آنکھوں میں ڈالا جاتا ہے۔ پس لوگ اپنے اعمال کے مطابق پسینے میں ہوں گے، یہ پسینہ کسی کے ٹخنوں تک، کسی کے گھٹنوں تک، کسی کی کمر تک ہوگا اور کسی کے لئے یہ لگام بنا ہوا ہوگا، یعنی اس کے منہ تک پسینہ ہوگا۔ ( صحيح مسلم، صفة القيامة والجنة، باب في صفة يوم القيامة) ۔
سورۃ Al-Mutaffifin [83]: 6 · ترجمہ: محمد جوناگڑھی (QuranEnc v1.1.3)
المطففين · آیت 7
كَلَّآ إِنَّ كِتَٰبَ ٱلْفُجَّارِ لَفِى سِجِّينٍ
یقیناً بدکاروں کا نامہٴ اعمال سِجِّينٌ میں ہے.[1]
مترجم کے حواشی
[1] سِجِّينٌ، بعض کہتے ہیں سِجْنٌ ( قید خانہ ) سے ہے، مطلب ہے کہ قید خانے کی طرح ایک نہایت تنگ مقام ہے اور بعض کہتے ہیں کہ یہ زمین کے سب سے نچلے حصے میں ایک جگہ ہے، جہاں کافروں، ظالموں اور مشرکوں کی روحیں اور ان کے اعمال نامے جمع اور محفوظ ہوتے ہیں۔ اسی لئے آگے اسے (لکھی ہوئی کتاب) قرار دیا ہے۔
سورۃ Al-Mutaffifin [83]: 7 · ترجمہ: محمد جوناگڑھی (QuranEnc v1.1.3)
المطففين · آیت 8
وَمَآ أَدْرَىٰكَ مَا سِجِّينٌ
تجھے کیا معلوم سِجِّينٌ کیا ہے؟
سورۃ Al-Mutaffifin [83]: 8 · ترجمہ: محمد جوناگڑھی (QuranEnc v1.1.3)
المطففين · آیت 9
كِتَٰبٌ مَّرْقُومٌ
(یہ تو) لکھی ہوئی کتاب ہے.
سورۃ Al-Mutaffifin [83]: 9 · ترجمہ: محمد جوناگڑھی (QuranEnc v1.1.3)
المطففين · آیت 10
وَيْلٌ يَوْمَئِذٍ لِّلْمُكَذِّبِينَ
اس دن جھٹلانے والوں کی بڑی خرابی ہے.
سورۃ Al-Mutaffifin [83]: 10 · ترجمہ: محمد جوناگڑھی (QuranEnc v1.1.3)
المطففين · آیت 11
ٱلَّذِينَ يُكَذِّبُونَ بِيَوْمِ ٱلدِّينِ
جو جزا وسزا کے دن کو جھٹلاتے رہے.
سورۃ Al-Mutaffifin [83]: 11 · ترجمہ: محمد جوناگڑھی (QuranEnc v1.1.3)
المطففين · آیت 12
وَمَا يُكَذِّبُ بِهِۦٓ إِلَّا كُلُّ مُعْتَدٍ أَثِيمٍ
اسے صرف وہی جھٹلاتا ہےجو حد سے آگے نکل جانے واﻻ (اور) گناه گار ہوتا ہے.
سورۃ Al-Mutaffifin [83]: 12 · ترجمہ: محمد جوناگڑھی (QuranEnc v1.1.3)
المطففين · آیت 13
إِذَا تُتْلَىٰ عَلَيْهِ ءَايَٰتُنَا قَالَ أَسَٰطِيرُ ٱلْأَوَّلِينَ
جب اس کے سامنے ہماری آیتیں پڑھی جاتی ہیں تو کہہ دیتا ہے کہ یہ اگلوں کے افسانے ہیں.[1]
مترجم کے حواشی
[1] یعنی اس کا گناہوں میں انہماک اور حد سے تجاوز اتنا بڑھ گیا ہے کہ اللہ کی آیات سن کر ان پر غور وفکر کرنے کے بجائے، انہیں اگلوں کی کہانیاں بتلاتا ہے۔
سورۃ Al-Mutaffifin [83]: 13 · ترجمہ: محمد جوناگڑھی (QuranEnc v1.1.3)
المطففين · آیت 14
كَلَّا بَلْ رَانَ عَلَىٰ قُلُوبِهِم مَّا كَانُوا۟ يَكْسِبُونَ
یوں نہیں[1] بلکہ ان کے دلوں پر ان کےاعمال کی وجہ سے زنگ (چڑھ گیا) ہے.[2]
مترجم کے حواشی
[1] یعنی یہ قرآن کہانیاں نہیں، جیسا کہ کافر کہتے اور سمجھتے ہیں۔ بلکہ یہ اللہ کا کلام اور اس کی وحی ہے جو اس کےرسول پر جبرائیل (عليه السلام) امین کے ذریعے سے نازل ہوئی ہے ۔ [2] یعنی ان کے دل اس قرآن اور وحی الٰہی پر ایمان اس لئے نہیں لاتے کہ ان کےدلوں پر گناہوں کی کثرت کی وجہ سے پردے پڑ گئے ہیں اور وہ زنگ آلود ہوگئے ہیں رَيْنٌ، گناہوں کی وہ سیاہی ہےجو مسلسل ارتکاب گناہ کی وجہ سے اس کے دل پر چھا جاتی ہے۔ حدیث میں ہے ”بندہ جب گناہ کرتا ہے تو اس کے دل پر ایک سیاہ نکتہ پڑ جاتا ہے، اگر وہ توبہ کر لیتا ہے تو وہ سیاہی دور کر دی جاتی ہے، اور اگر توبہ کے بجائے، گناہ پر گناہ کیے جاتا ہے تو وہ سیاہی بڑھتی جاتی ہے، حتیٰ کہ اس کےپورے دل پر چھا جاتی ہے۔ یہی وہ رَيْنٌ ہے جس کا ذکر قرآن مجید میں ہے“۔ ( ترمذي، باب تفسير سورة المطففين، ابن ماجه، كتاب الزهد، باب الذنوب - مسند أحمد 2 / 297 ) ۔
سورۃ Al-Mutaffifin [83]: 14 · ترجمہ: محمد جوناگڑھی (QuranEnc v1.1.3)
المطففين · آیت 15
كَلَّآ إِنَّهُمْ عَن رَّبِّهِمْ يَوْمَئِذٍ لَّمَحْجُوبُونَ
ہرگز نہیں یہ لوگ اس دن اپنے رب سےاوٹ میں رکھے جائیں گے.[1]
مترجم کے حواشی
[1] ان کے برعکس اہل ایمان روئیت باری تعالیٰ سےمشرف ہوں گے۔
سورۃ Al-Mutaffifin [83]: 15 · ترجمہ: محمد جوناگڑھی (QuranEnc v1.1.3)
المطففين · آیت 16
ثُمَّ إِنَّهُمْ لَصَالُوا۟ ٱلْجَحِيمِ
پھر یہ لوگ بالیقین جہنم میں جھونکے جائیں گے.
سورۃ Al-Mutaffifin [83]: 16 · ترجمہ: محمد جوناگڑھی (QuranEnc v1.1.3)
المطففين · آیت 17
ثُمَّ يُقَالُ هَٰذَا ٱلَّذِى كُنتُم بِهِۦ تُكَذِّبُونَ
پھر کہہ دیا جائے گا کہ یہی ہے وه جسے تم جھٹلاتے رہے.
سورۃ Al-Mutaffifin [83]: 17 · ترجمہ: محمد جوناگڑھی (QuranEnc v1.1.3)
المطففين · آیت 18
كَلَّآ إِنَّ كِتَٰبَ ٱلْأَبْرَارِ لَفِى عِلِّيِّينَ
لرگزنہیں،بےشک نیکوکاروں کے اعمال نامے علییں میں ہیں .[1]
مترجم کے حواشی
[1] عِلِّيِّينُ، عُلُوٌّ ( بلندی ) سے ہے۔ یہ سِجِّينٌ کے برعکس، آسمانوں میں یا جنت میں یا سدرۃ المنتہیٰ یا عرش کے پاس جگہ ہے جہاں نیک لوگوں کی روحیں اور ان کے اعمال نامے محفوظ ہیں، جس کے پاس مقرب فرشتے حاضر ہوتے ہیں۔
سورۃ Al-Mutaffifin [83]: 18 · ترجمہ: محمد جوناگڑھی (QuranEnc v1.1.3)
المطففين · آیت 19
وَمَآ أَدْرَىٰكَ مَا عِلِّيُّونَ
اورتجھے کیا پتہ کہ عِلِّیین کیا ہے؟
سورۃ Al-Mutaffifin [83]: 19 · ترجمہ: محمد جوناگڑھی (QuranEnc v1.1.3)
المطففين · آیت 20
كِتَٰبٌ مَّرْقُومٌ
(وه تو) لکھی ہوئی کتاب ہے.
سورۃ Al-Mutaffifin [83]: 20 · ترجمہ: محمد جوناگڑھی (QuranEnc v1.1.3)
المطففين · آیت 21
يَشْهَدُهُ ٱلْمُقَرَّبُونَ
مقرب (فرشتے) اس کا مشاہده کرتے ہیں.
سورۃ Al-Mutaffifin [83]: 21 · ترجمہ: محمد جوناگڑھی (QuranEnc v1.1.3)
المطففين · آیت 22
إِنَّ ٱلْأَبْرَارَ لَفِى نَعِيمٍ
یقیناً نیک لوگ (بڑی) نعمتوں میں ہوں گے.
سورۃ Al-Mutaffifin [83]: 22 · ترجمہ: محمد جوناگڑھی (QuranEnc v1.1.3)
المطففين · آیت 23
عَلَى ٱلْأَرَآئِكِ يَنظُرُونَ
مسہریوں پر بیٹھے دیکھ رہے ہوں گے.
سورۃ Al-Mutaffifin [83]: 23 · ترجمہ: محمد جوناگڑھی (QuranEnc v1.1.3)
المطففين · آیت 24
تَعْرِفُ فِى وُجُوهِهِمْ نَضْرَةَ ٱلنَّعِيمِ
تو ان کے چہروں سے ہی نعمتوں کی تروتازگی پہچان لے گا.[1]
مترجم کے حواشی
[1] جس طرح دنیا میں خوش حال لوگوں کے چہروں پر بالعموم تازگی اور شادابی ہوتی ہے۔ جو ان آسائشوں، سہولتوں اور دینوی نعمتوں کی مظہر ہوتی ہے جو فراوانی سے حاصل ہوتی ہیں۔ اسی طرح اہل جنت پر اعزاز وتکریم اور نعمتوں کی جوار زانی ہوگی، اس کے اثرات ان کے چہروں پر بھی ظاہر ہوں گے، وہ اپنے حسن وجمال اور رونق وبہجت سےپہچان لئے جائیں گے کہ یہ جنتی ہیں۔
سورۃ Al-Mutaffifin [83]: 24 · ترجمہ: محمد جوناگڑھی (QuranEnc v1.1.3)
المطففين · آیت 25
يُسْقَوْنَ مِن رَّحِيقٍ مَّخْتُومٍ
یہ لوگ سربمہر خالص شراب پلائے جائیں گے.[1]
مترجم کے حواشی
[1] رَحِيقٌ صاف، شفاف اور خالص شراب کو کہتے ہیں جس میں کسی چیز کی آمیزش نہ ہو۔ مَخْتُومٌ ( سر بہ مہر ) اس کے خالص پن کی مزید وضاحت کے لئےہے، بعض کےنزدیک یہ مخلوط کےمعنی میں ہے، یعنی شراب میں کستوری کی آمیزش ہوگی جس سے اس کا ذائقہ دوبالا اورخوشبو مزید خوش کن اور راحت افزا ہو جائے گی۔ بعض کہتے ہیں،یہ ختم سے ہے۔ یعنی اس کا آخری گھونٹ کستوری کا ہوگا۔ بعض ختام کےمعنی خوشبو کرتے ہیں، ایسی شراب جس کی خوشبو کستوری کی طرح ہوگی۔ ( ابن کثیر) حدیث میں بھی یہی لفظ آیا ہے۔ نبی (صلى الله عليه وسلم) نے فرمایا ہے ”جس مومن نے کسی پیا سے مومن کوایک گھونٹ پانی پلایا، اللہ تعالیٰ اسے قیامت والے دن الرَّحِيقُ الْمَخْتُومُ پلائے گا، جس نے کسی بھوکے مومن کو کھانا کھلایا، اللہ تعالیٰ اسے جنت کے پھل کھلائے گا، جس نے کسی ننگے مومن کو لباس پہنایا، اللہ تعالیٰ اسے جنت کا سبز لباس پہنائے گا“۔ ( مسند احمد، 3/ 13 ۔ 14 ) ۔
سورۃ Al-Mutaffifin [83]: 25 · ترجمہ: محمد جوناگڑھی (QuranEnc v1.1.3)
المطففين · آیت 26
خِتَٰمُهُۥ مِسْكٌ وَفِى ذَٰلِكَ فَلْيَتَنَافَسِ ٱلْمُتَنَٰفِسُونَ
جس پر مشک کی مہر ہوگی، سبقت لے جانے والوں کو اسی میں سبقت کرنی چاہئے.[1]
مترجم کے حواشی
[1] یعنی عمل کرنے والےکو ایسے عملوں میں سبقت کرنی چاہئے جس کے صلے میں جنت اور اس کی یہ نعمتیں حاصل ہوں۔ جیسے فرمایا، لِمِثْلِ هَذَا فَلْيَعْمَلِ الْعَامِلُونَ ( الصافات:61 ) ۔
سورۃ Al-Mutaffifin [83]: 26 · ترجمہ: محمد جوناگڑھی (QuranEnc v1.1.3)
المطففين · آیت 27
وَمِزَاجُهُۥ مِن تَسْنِيمٍ
اور اس کی آمیزش تسنیم کی ہوگی.[1]
مترجم کے حواشی
[1] تَسْنِيمٌ کےمعنی، بلندی کے ہیں، اونٹ کی کوہان، جو اس کےجسم سےبلند ہوتی ہے، اسے سِنَامٌ کہتےہیں۔ قبر کے اونچا کرنے کو بھی تَسْنِيمُ الْقُبُورِ کہا جاتا ہے۔ مطلب یہ ہے کہ اس میں تسنیم شراب کی آمیزش ہوگی جو جنت کے بالائی علاقوں سے ایک چشمے کے ذریعے سے آئے گی۔ یہ جنت کی بہترین اور اعلیٰ شراب ہوگی۔
سورۃ Al-Mutaffifin [83]: 27 · ترجمہ: محمد جوناگڑھی (QuranEnc v1.1.3)
المطففين · آیت 28
عَيْنًا يَشْرَبُ بِهَا ٱلْمُقَرَّبُونَ
(یعنی) وه چشمہ جس کا پانی مقرب لوگ پیئں گے.
سورۃ Al-Mutaffifin [83]: 28 · ترجمہ: محمد جوناگڑھی (QuranEnc v1.1.3)
المطففين · آیت 29
إِنَّ ٱلَّذِينَ أَجْرَمُوا۟ كَانُوا۟ مِنَ ٱلَّذِينَ ءَامَنُوا۟ يَضْحَكُونَ
گنہگار لوگ ایمان والوں کی ہنسی اڑایا کرتے تھے.[1]
مترجم کے حواشی
[1] یعنی انہیں حقیر جانتے ہوئے ان کا استہزا کرتے اور مذاق اڑاتے تھے۔
سورۃ Al-Mutaffifin [83]: 29 · ترجمہ: محمد جوناگڑھی (QuranEnc v1.1.3)
المطففين · آیت 30
وَإِذَا مَرُّوا۟ بِهِمْ يَتَغَامَزُونَ
اور ان کے پاس سے گزرتے ہوئے آپس میں آنکھ کےاشارے کرتے تھے.[1]
مترجم کے حواشی
[1] غَمْزٌ کے معنی ہوتے ہیں، پلکوں اور ابروں سے اشارہ کرنا۔ یعنی ایک دوسرے کو اپنی پلکوں اور ابروں سے اشارہ کر کے ان کی تحقیرا ور ان کے مذہب پر طعن کرتے۔
سورۃ Al-Mutaffifin [83]: 30 · ترجمہ: محمد جوناگڑھی (QuranEnc v1.1.3)
المطففين · آیت 31
وَإِذَا ٱنقَلَبُوٓا۟ إِلَىٰٓ أَهْلِهِمُ ٱنقَلَبُوا۟ فَكِهِينَ
اور جب اپنے والوں کی طرف لوٹتے تو دل لگیاں کرتے تھے.[1]
مترجم کے حواشی
[1] یعنی اہل ایمان کا ذکر کرکے خوش ہوتے اور دل لگیاں کرتے۔ دوسرا مطلب اس کا یہ ہے کہ جب اپنے گھروں میں لوٹتے تو وہاں خوشحالی اور فراغت ان کا استقبال کرتی اور جو چاہتے وہ انہیں مل جاتا۔ اس کے باوجود انہوں نے اللہ کا شکر ادا نہیں کیا بلکہ اہل ایمان کی تحقیر اور ان پر حسد کرنے میں ہی مشغول رہے۔ ( ابن کثیر ) ۔
سورۃ Al-Mutaffifin [83]: 31 · ترجمہ: محمد جوناگڑھی (QuranEnc v1.1.3)
المطففين · آیت 32
وَإِذَا رَأَوْهُمْ قَالُوٓا۟ إِنَّ هَٰٓؤُلَآءِ لَضَآلُّونَ
اور جب انہیں دیکھتے تو کہتے یقیناً یہ لوگ گمراه (بے راه) ہیں.[1]
مترجم کے حواشی
[1] یعنی اہل توحید، اہل شرک کی نظر میں اور اہل ایمان اہل کفر کے نزدیک گمراہ ہوتے ہیں۔ یہی صورت حال آج بھی ہے۔ گمراہ اپنے کو اہل حق اور اہل حق کو گمراہ باور کراتے ہیں۔ حتیٰ کہ ایک سراسر باطل فرقہ اپنے سوا کسی کو مومن کہتا ہے اور نہ سمجھتا ہے۔ هَدَاهَا اللهُ تَعَالَى ۔
سورۃ Al-Mutaffifin [83]: 32 · ترجمہ: محمد جوناگڑھی (QuranEnc v1.1.3)
المطففين · آیت 33
وَمَآ أُرْسِلُوا۟ عَلَيْهِمْ حَٰفِظِينَ
یہ ان پر پاسبان بنا کر تو نہیں بھیجے گئے.[1]
مترجم کے حواشی
[1] یعنی یہ کافر مسلمانوں پر نگران بنا کر تو نہیں بھیجے گئے ہیں کہ یہ ہر وقت مسلمانوں کےاعمال واحوال ہی دیکھتے اور ان پر تبصرے کرتے رہیں، یعنی جب یہ ان کے مکلف ہی نہیں ہیں تو پھر کیوں ایسا کرتے ہیں۔ٍ
سورۃ Al-Mutaffifin [83]: 33 · ترجمہ: محمد جوناگڑھی (QuranEnc v1.1.3)
المطففين · آیت 34
فَٱلْيَوْمَ ٱلَّذِينَ ءَامَنُوا۟ مِنَ ٱلْكُفَّارِ يَضْحَكُونَ
پس آج ایمان والے ان کافروں پر ہنسیں گے.[1]
مترجم کے حواشی
[1] یعنی جس طرح دنیا میں کافر اہل ایمان پر ہنستے تھے، قیامت والے دن یہ کافر اللہ کی گرفت میں ہوں گے اور اہل ایمان ان پر ہنسیں گے۔ ان کو ہنسی اس بات پر آئے گی کہ یہ گمراہ ہونے کے باوجود ہمیں گمراہ کہتے اور ہم پر ہنستے تھے۔ آج ان کو پتہ چل گیا کہ گمراہ کون تھا ؟ اور کون اس قابل تھا کہ اس کا استہزا کیا جائے۔
سورۃ Al-Mutaffifin [83]: 34 · ترجمہ: محمد جوناگڑھی (QuranEnc v1.1.3)
المطففين · آیت 35
عَلَى ٱلْأَرَآئِكِ يَنظُرُونَ
تختوں پر بیٹھے دیکھ رہے ہوں گے.
سورۃ Al-Mutaffifin [83]: 35 · ترجمہ: محمد جوناگڑھی (QuranEnc v1.1.3)
المطففين · آیت 36
هَلْ ثُوِّبَ ٱلْكُفَّارُ مَا كَانُوا۟ يَفْعَلُونَ
کہ اب ان منکروں نے جیسا یہ کرتے تھے پورا پورا بدلہ پالیا.[1]
مترجم کے حواشی
[1] ثُوِّبَ بمعنی أُثِيبَ، بدلہ دے دیئے گئے، یعنی کیا کافروں کو، جو کچھ وہ کرتے تھے، اس کا بدلہ دے دیا گیا ہے۔
سورۃ Al-Mutaffifin [83]: 36 · ترجمہ: محمد جوناگڑھی (QuranEnc v1.1.3)
اکثر پوچھے جانے والے سوالات
سورۃ المطففين میں کتنی آیات ہیں؟
36 آیات۔ المطففين قرآن کی 83ویں سورۃ ہے اور مکی ہے۔
سورۃ المطففين کس پارے میں ہے؟
پارہ 30۔ اس کی پہلی آیت مصحفِ مدینہ کے صفحہ 587 پر ہے۔
المطففين کے نام کا کیا مطلب ہے؟
المطففين کا مطلب “ناپ تول میں کمی کرنے والے” ہے۔
عربی متن اور ترجمہ کہاں سے لیا گیا ہے؟
عربی متن تنزیل (رسمِ عثمانی، ورژن 1.1) سے اور ترجمہ ترجمہ: محمد جوناگڑھی (QuranEnc v1.1.3) سے۔ دونوں بغیر کسی تبدیلی کے دکھائے گئے ہیں۔
متن کے مآخذ
-
عربی متن · Tanzil Project (tanzil.net)، رسمِ عثمانی ورژن 1.1، CC BY 3.0، بغیر تبدیلی کے نقل
-
ترجمہ · Urdu Translation - Muhammad Junagarhi · QuranEnc.com v1.1.3
-
پارے اور صفحات · Tanzil Quran Metadata 1.0 (مصحفِ مدینہ، 604 صفحات)، CC BY 3.0