الإنشقاق · آیت 1
إِذَا ٱلسَّمَآءُ ٱنشَقَّتْ
جب آسمان پھٹ جائے گا.[1]
مترجم کے حواشی
[1] یعنی جب قیامت برپا ہوگی۔
سورۃ الإنشقاق [84]: 1 · ترجمہ: محمد جوناگڑھی (QuranEnc v1.1.3)
84
سورۃ الإنشقاق
پھٹنا · 25 آیات · مکی · پارہ 30 · صفحہ 589
سورۃ الإنشقاق
سورۃ الإنشقاق قرآن مجید کی 84ویں سورۃ ہے، اس میں 25 آیات ہیں اور یہ مکی ہے۔ یہ سورۃ پارہ 30 میں، مصحفِ مدینہ کے صفحہ 589 سے شروع ہوتی ہے۔ اس کے نام کا مطلب “پھٹنا” ہے اور ترتیبِ نزول میں اس کا نمبر 83 ہے۔ عربی متن تنزیل کے عثمانی رسم الخط کے مطابق اور ترجمہ ترجمہ: محمد جوناگڑھی (QuranEnc v1.1.3) ہے۔
قرآن کے کسی صفحے پر اشتہار نہیں۔
بِسْمِ ٱللَّهِ ٱلرَّحْمَٰنِ ٱلرَّحِيمِ
الإنشقاق · آیت 2
وَأَذِنَتْ لِرَبِّهَا وَحُقَّتْ
اور اپنے رب کے حکم پر کان لگائے گا[1] اور اسی کے ﻻئق وه ہے.[2]
مترجم کے حواشی
[1] یعنی اللہ اس کوپھٹنے کا جو حکم دے گا، اسے سنے گا اور اطاعت کرے گا۔ [2] یعنی اس کے یہی لائق ہے کہ سنے اور اطاعت کرے، اس لئے کہ وہ سب پرغالب ہے اور سب اس کے ماتحت ہیں، اس کے حکم سے سرتابی کرنے کی کس کو مجال ہو سکتی ہے ؟
سورۃ الإنشقاق [84]: 2 · ترجمہ: محمد جوناگڑھی (QuranEnc v1.1.3)
الإنشقاق · آیت 3
وَإِذَا ٱلْأَرْضُ مُدَّتْ
اور جب زمین (کھینچ کر) پھیلا دی جائے گی.[1]
مترجم کے حواشی
[1] یعنی اس کے طول وعرض میں مزید وسعت کر دی جائےگی۔ یا یہ مطلب ہے کہ اس پر جو پہاڑ وغیرہ ہیں، سب کو ریزہ ریزہ کر کے زمین کو صاف اور ہموار کرکے بچھا دیا جائے گا۔ اس میں کوئی اونچ نیچ نہیں رہے گی۔
سورۃ الإنشقاق [84]: 3 · ترجمہ: محمد جوناگڑھی (QuranEnc v1.1.3)
الإنشقاق · آیت 4
وَأَلْقَتْ مَا فِيهَا وَتَخَلَّتْ
اور اس میں جو ہے اسے وه اگل دے گی اور خالی ہو جائے گی.[1]
مترجم کے حواشی
[1] یعنی اس میں جو مردے دفن ہیں، سب زندہ ہو کر باہر نکل آئیں گے جو خزانے اس کے بطن میں موجود ہیں، وہ انہیں ظاہر کر دے گی، اور خود بالکل خالی ہو جائے گی۔
سورۃ الإنشقاق [84]: 4 · ترجمہ: محمد جوناگڑھی (QuranEnc v1.1.3)
الإنشقاق · آیت 5
وَأَذِنَتْ لِرَبِّهَا وَحُقَّتْ
اور اپنے رب کے حکم پر کان لگائے گی[1] اور اسی کے ﻻئق وه ہے.
مترجم کے حواشی
[1] یعنی القا اور تخلی کا جو حکم اسے دیا جائے گا، وہ اس کے مطابق عمل کرے گی ۔
سورۃ الإنشقاق [84]: 5 · ترجمہ: محمد جوناگڑھی (QuranEnc v1.1.3)
الإنشقاق · آیت 6
يَٰٓأَيُّهَا ٱلْإِنسَٰنُ إِنَّكَ كَادِحٌ إِلَىٰ رَبِّكَ كَدْحًا فَمُلَٰقِيهِ
اے انسان! تو اپنے رب سے ملنے تک یہ کوشش اور تمام کام اور محنتیں کرکے اس سے ملاقات کرنے واﻻ ہے.[1]
مترجم کے حواشی
[1] یہاں انسان بطور جنس کے ہے جس میں مومن اور کافر دونوں شامل ہیں۔ کدح،سخت محنت کو کہتے ہیں، وہ محنت خیر کے کاموں کے لئے ہو یا شر کےلئے۔ مطلب یہ ہے کہ جب مذکورہ چیزیں ظہور پذیر ہوں گی یعنی قیامت آجائے گی تو اے انسان تو نے جو بھی، اچھا یا برا عمل کیا ہوگا، وہ تو اپنے سامنے پالے گا اور اسی کے مطابق تجھے اچھی یا بری جزا بھی ملے گی۔ آگے اس کی مزید تفصیل ووضاحت ہے۔
سورۃ الإنشقاق [84]: 6 · ترجمہ: محمد جوناگڑھی (QuranEnc v1.1.3)
الإنشقاق · آیت 7
فَأَمَّا مَنْ أُوتِىَ كِتَٰبَهُۥ بِيَمِينِهِۦ
تو (اس وقت) جس شخص کے داہنے ہاتھ میں اعمال نامہ دیا جائے گا.
سورۃ الإنشقاق [84]: 7 · ترجمہ: محمد جوناگڑھی (QuranEnc v1.1.3)
الإنشقاق · آیت 8
فَسَوْفَ يُحَاسَبُ حِسَابًا يَسِيرًا
اس کا حساب تو بڑی آسانی سے لیا جائے گا.[1]
مترجم کے حواشی
[1] آسان حساب یہ ہے کہ مومن کا اعمال نامہ پیش ہوگا۔ اس کی غلطیاں بھی اس کے سامنے لائی جائیں گی، پھر اللہ تعالیٰ اپنی رحمت اور فضل وکرم سے انہیں معاف فرما دے گا۔ حضرت عائشہ (رضی الله عنها) فرماتی ہیں کہ رسول اللہ (صلى الله عليه وسلم) نے فرمایا ”جس کا حساب لیا گیا وہ ہلاک ہوگیا“۔ میں نے کہا اے اللہ کے رسول! اللہ مجھے آپ پر قربان کرے کیا اللہ تعالیٰ نے یہ نہیں فرمایا، جس کے دائیں ہاتھ میں نامہ اعمال دیا گیا، اس کا حساب آسان ہوگا۔ مطلب حضرت عائشہ (رضی الله عنها) کا یہ تھا کہ اس آیت کی رو سے حساب تو مومن کا بھی ہوگا لیکن وہ ہلاکت سےدوچار نہیں ہوگا۔ آپ (صلى الله عليه وسلم) نے وضاحت فرمائی ”یہ تو پیشی ہے“۔ یعنی مومن کے ساتھ معاملہ حساب کا نہیں ہوگا، ایک سرسری سی پیشی ہوگی مومن رب کے سامنے پیش کیے جائیں گے، جس کا مناقشہ ہوا یعنی پوچھ گچھ ہوئی وہ مارا گیا۔ ( صحيح البخاري، تفسير سورة انشقاق ) ایک اور روایت میں حضرت عائشہ (رضی الله عنها) فرماتی ہیں۔ نبی (صلى الله عليه وسلم) اپنی بعض نماز میں یہ دعا پڑھتے تھے۔ ”اللَّهُمَّ حَاسِبْنِي حِسَابًا يَسِيرًا“ (اے اللہ میرا حساب آسان فرمانا) نماز سے فراغت کے بعد میں نے پوچھا، حسابا یسیرا ”آسان حساب“ کا کیا مطلب ہے ؟ آپ (صلى الله عليه وسلم) نے فرمایا، اللہ تعالیٰ اس کا اعمال نامہ دیکھے گا اور پھر اسے معاف فرما دے گا۔۔۔ ( مسند احمد،6 / 48 ) ۔
سورۃ الإنشقاق [84]: 8 · ترجمہ: محمد جوناگڑھی (QuranEnc v1.1.3)
الإنشقاق · آیت 9
وَيَنقَلِبُ إِلَىٰٓ أَهْلِهِۦ مَسْرُورًا
اور وه اپنے اہل کی طرف ہنسی خوشی لوٹ آئے گا.[1]
مترجم کے حواشی
[1] یعنی جو اس کے گھر والوں میں سے جنتی ہوں گے۔ یا اس سے مراد وہ حورعین اور ولدان ہیں جو جنتیوں کو ملیں گے۔
سورۃ الإنشقاق [84]: 9 · ترجمہ: محمد جوناگڑھی (QuranEnc v1.1.3)
الإنشقاق · آیت 10
وَأَمَّا مَنْ أُوتِىَ كِتَٰبَهُۥ وَرَآءَ ظَهْرِهِۦ
ہاں جس شخص کا اعمال نامہ اس کی پیٹھ کے پیچھے سے دیا جائے گا.
سورۃ الإنشقاق [84]: 10 · ترجمہ: محمد جوناگڑھی (QuranEnc v1.1.3)
الإنشقاق · آیت 11
فَسَوْفَ يَدْعُوا۟ ثُبُورًا
تو وه موت کو بلانے لگے گا.[1]
مترجم کے حواشی
[1] ثُبُورًا ہلاکت، خسارہ۔ یعنی وہ چیخے گا، پکارے گا، واویلا کرے گا کہ میں تو مارا گیا، ہلاک ہوگیا۔
سورۃ الإنشقاق [84]: 11 · ترجمہ: محمد جوناگڑھی (QuranEnc v1.1.3)
الإنشقاق · آیت 12
وَيَصْلَىٰ سَعِيرًا
اور بھڑکتی ہوئی جہنم میں داخل ہوگا.
سورۃ الإنشقاق [84]: 12 · ترجمہ: محمد جوناگڑھی (QuranEnc v1.1.3)
الإنشقاق · آیت 13
إِنَّهُۥ كَانَ فِىٓ أَهْلِهِۦ مَسْرُورًا
یہ شخص اپنے متعلقین میں (دنیا میں) خوش تھا.[1]
مترجم کے حواشی
[1] یعنی دنیا میں اپنی خواہشات میں مگن اور اپنے گھر والوں کےدرمیان بڑا خوش تھا۔
سورۃ الإنشقاق [84]: 13 · ترجمہ: محمد جوناگڑھی (QuranEnc v1.1.3)
الإنشقاق · آیت 14
إِنَّهُۥ ظَنَّ أَن لَّن يَحُورَ
اس کا خیال تھا کہ اللہ کی طرف لوٹ کر ہی نہ جائے گا.[1]
مترجم کے حواشی
[1] یہ اس کے خوش ہونے کی علت ہے۔ یعنی آخرت پر اس کا عقیدہ ہی نہیں تھا ۔ حور کےمعنی ہیں، لوٹنا۔ جس طرح نبی (صلى الله عليه وسلم) کی دعا ہے اللَّهُمَّ إِنِّي أَعُوذُ بِكَ مِنَ الْحَورِ بَعْدَ الْكَورِ(صحيح مسلم، الحج، باب ما يقول إذا ركب إلى سفر الحج وغيره، ترمذي، ابن ماجه ) مسلم میں بعد الكون ہے۔ مطلب ہے، اس بات سے میں پناہ مانگتا ہوں کہ ایمان کے بعد کفر، اطاعت کے بعد معصیت یاخیر کے بعد شر کی طرف لوٹوں۔
سورۃ الإنشقاق [84]: 14 · ترجمہ: محمد جوناگڑھی (QuranEnc v1.1.3)
الإنشقاق · آیت 15
بَلَىٰٓ إِنَّ رَبَّهُۥ كَانَ بِهِۦ بَصِيرًا
کیوں نہیں[1] ، حاﻻنکہ اس کا رب اسے بخوبی دیکھ رہا تھا.[2]
مترجم کے حواشی
[1] ایک ترجمہ اس کا یہ بھی ہے کہ یہ کیسے ہو سکتا ہے کہ یہ نہ لوٹے اور دوبارہ زندہ نہ ہو، یا بَلَى، کیوں نہیں، یہ ضرور اپنے رب کی طرف لوٹے گا۔ [2] یعنی اس سے اس کا کوئی عمل مخفی نہیں تھا۔
سورۃ الإنشقاق [84]: 15 · ترجمہ: محمد جوناگڑھی (QuranEnc v1.1.3)
الإنشقاق · آیت 16
فَلَآ أُقْسِمُ بِٱلشَّفَقِ
مجھے شفق کی قسم[1] ! اور رات کی!
مترجم کے حواشی
[1] شَفَقٌ، اس سرخی کو کہتے ہیں جو سورج غروب ہونے کے بعد آسمان پر ظاہر ہوتی ہے اور عشا کا وقت شروع ہونے تک رہتی ہے۔
سورۃ الإنشقاق [84]: 16 · ترجمہ: محمد جوناگڑھی (QuranEnc v1.1.3)
الإنشقاق · آیت 17
وَٱلَّيْلِ وَمَا وَسَقَ
اور اس کی جمع کرده[1] چیزوں کی قسم.
مترجم کے حواشی
[1] اندھیرا ہوتے ہی ہر چیز اپنےماویٰ اور مسکن کی طرف جمع اور سمٹ آتی ہے یعنی رات کا اندھیرا جن چیزوں کو اپنے دامن میں سمیٹ لیتا ہے۔
سورۃ الإنشقاق [84]: 17 · ترجمہ: محمد جوناگڑھی (QuranEnc v1.1.3)
الإنشقاق · آیت 18
وَٱلْقَمَرِ إِذَا ٱتَّسَقَ
اور چاند کی جب کہ وه کامل ہو جاتا ہے.[1]
مترجم کے حواشی
[1] إِذَا اتَّسَقَ کے معنی ہیں، جب وہ مکمل ہو جائے جیسے وہ تیرھویں کی رات سے سولھویں تاریخ کی رات تک رہتا ہے۔
سورۃ الإنشقاق [84]: 18 · ترجمہ: محمد جوناگڑھی (QuranEnc v1.1.3)
الإنشقاق · آیت 19
لَتَرْكَبُنَّ طَبَقًا عَن طَبَقٍ
یقیناً تم ایک حالت سے دوسری حالت پر پہنچو گے.[1]
مترجم کے حواشی
[1] طَبَقٌ کے اصل معنی شدت کے ہیں۔ یہاں مراد وہ شدائد ہیں جو قیامت والے دن واقع ہوں گے۔ یعنی اس روز ایک سے بڑھ کر ایک حالت طاری ہوگی۔ (فتح الباري ، تفسير سورة انشقاق) یہ جواب قسم ہے۔
سورۃ الإنشقاق [84]: 19 · ترجمہ: محمد جوناگڑھی (QuranEnc v1.1.3)
الإنشقاق · آیت 20
فَمَا لَهُمْ لَا يُؤْمِنُونَ
انہیں کیا ہو گیا کہ ایمان نہیں ﻻتے.
سورۃ الإنشقاق [84]: 20 · ترجمہ: محمد جوناگڑھی (QuranEnc v1.1.3)
الإنشقاق · آیت 21
وَإِذَا قُرِئَ عَلَيْهِمُ ٱلْقُرْءَانُ لَا يَسْجُدُونَ
اور جب ان کے پاس قرآن پڑھا جاتا ہے تو سجده نہیں کرتے.[1]
مترجم کے حواشی
[1] احادیث سے یہاں نبی (صلى الله عليه وسلم) اور صحابہ کرام کا سجدہ کرنا ثابت ہے۔
سورۃ الإنشقاق [84]: 21 · ترجمہ: محمد جوناگڑھی (QuranEnc v1.1.3)
الإنشقاق · آیت 22
بَلِ ٱلَّذِينَ كَفَرُوا۟ يُكَذِّبُونَ
بلکہ جنہوں نے کفر کیا وه جھٹلا رہے ہیں.[1]
مترجم کے حواشی
[1] یعنی ایمان لانے کےبجائے جھٹلاتے ہیں۔
سورۃ الإنشقاق [84]: 22 · ترجمہ: محمد جوناگڑھی (QuranEnc v1.1.3)
الإنشقاق · آیت 23
وَٱللَّهُ أَعْلَمُ بِمَا يُوعُونَ
اور اللہ تعالیٰ خوب جانتا ہے جو کچھ یہ دلوں میں رکھتے ہیں.[1]
مترجم کے حواشی
[1] یعنی تکذیب، یاجو افعال وہ چھپ کر کرتے ہیں۔
سورۃ الإنشقاق [84]: 23 · ترجمہ: محمد جوناگڑھی (QuranEnc v1.1.3)
الإنشقاق · آیت 24
فَبَشِّرْهُم بِعَذَابٍ أَلِيمٍ
انہیں المناک عذابوں کی خوشخبری سنا دو.
سورۃ الإنشقاق [84]: 24 · ترجمہ: محمد جوناگڑھی (QuranEnc v1.1.3)
الإنشقاق · آیت 25
إِلَّا ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ لَهُمْ أَجْرٌ غَيْرُ مَمْنُونٍۭ
ہاں ایمان والوں اور نیک اعمال والوں کو بے شمار اور نہ ختم ہونے واﻻ اجر ہے.
سورۃ الإنشقاق [84]: 25 · ترجمہ: محمد جوناگڑھی (QuranEnc v1.1.3)
اکثر پوچھے جانے والے سوالات
سورۃ الإنشقاق میں کتنی آیات ہیں؟
25 آیات۔ الإنشقاق قرآن کی 84ویں سورۃ ہے اور مکی ہے۔
سورۃ الإنشقاق کس پارے میں ہے؟
پارہ 30۔ اس کی پہلی آیت مصحفِ مدینہ کے صفحہ 589 پر ہے۔
الإنشقاق کے نام کا کیا مطلب ہے؟
الإنشقاق کا مطلب “پھٹنا” ہے۔
عربی متن اور ترجمہ کہاں سے لیا گیا ہے؟
عربی متن تنزیل (رسمِ عثمانی، ورژن 1.1) سے اور ترجمہ ترجمہ: محمد جوناگڑھی (QuranEnc v1.1.3) سے۔ دونوں بغیر کسی تبدیلی کے دکھائے گئے ہیں۔
متن کے مآخذ
-
عربی متن · Tanzil Project (tanzil.net)، رسمِ عثمانی ورژن 1.1، CC BY 3.0، بغیر تبدیلی کے نقل
-
ترجمہ · Urdu Translation - Muhammad Junagarhi · QuranEnc.com v1.1.3
-
پارے اور صفحات · Tanzil Quran Metadata 1.0 (مصحفِ مدینہ، 604 صفحات)، CC BY 3.0