سورۃ المعارج

عروج · 44 آیات · مکی · پارہ 29 · صفحہ 568

سورۃ المعارج قرآن مجید کی 70ویں سورۃ ہے، اس میں 44 آیات ہیں اور یہ مکی ہے۔ یہ سورۃ پارہ 29 میں، مصحفِ مدینہ کے صفحہ 568 سے شروع ہوتی ہے۔ اس کے نام کا مطلب “عروج” ہے اور ترتیبِ نزول میں اس کا نمبر 79 ہے۔ عربی متن تنزیل کے عثمانی رسم الخط کے مطابق اور ترجمہ محمد جوناگڑھی (QuranEnc v1.1.3) ہے۔

تازہ کاری: 10 نومبر، 2026
متن: رسمِ عثمانی (تنزیل)
ترجمہ: محمد جوناگڑھی (QuranEnc v1.1.3)

بِسْمِ ٱللَّهِ ٱلرَّحْمَٰنِ ٱلرَّحِيمِ

70:1

المعارج · آیت 1

سَأَلَ سَآئِلٌۢ بِعَذَابٍ وَاقِعٍ

ایک سوال کرنے والے[1] نے اس عذاب کا سوال کیا جو واضح ہونے واﻻ ہے.

مترجم کے حواشی

[1] کہتے ہیں نضر بن حارث تھا یا ابو جہل تھا جس نے کہا تھا «اللَّهُمَّ إِنْ كَانَ هَذَا هُوَ الْحَقَّ مِنْ عِنْدِكَ فَأَمْطِرْ عَلَيْنَا حِجَارَةً مِنَ السَّمَاءِ» الآية (الأنفال: 32) چنانچہ یہ شخص جنگ بدر میں مارا گیا۔ بعض کہتے ہیں اس سے مراد رسول اللہ (صلى الله عليه وسلم) ہیں۔ جنہوں نے اپنی قوم کے لئے بد دعا کی تھی اور اس کے نتیجے میں اہل مکہ پر قحط سالی مسلط کی گئی تھی۔

سورۃ المعارج [70]: 1 · محمد جوناگڑھی (QuranEnc v1.1.3)

70:2

المعارج · آیت 2

لِّلْكَٰفِرِينَ لَيْسَ لَهُۥ دَافِعٌ

کافروں پر، جسے کوئی ہٹانے واﻻ نہیں.

سورۃ المعارج [70]: 2 · محمد جوناگڑھی (QuranEnc v1.1.3)

70:3

المعارج · آیت 3

مِّنَ ٱللَّهِ ذِى ٱلْمَعَارِجِ

اس اللہ کی طرف سے جو سیڑھیوں واﻻ ہے.[1]

مترجم کے حواشی

[1] یا درجات والا، بلندیوں والا ہے، جس کی طرف فرشتے چڑھتے ہیں۔

سورۃ المعارج [70]: 3 · محمد جوناگڑھی (QuranEnc v1.1.3)

70:4

المعارج · آیت 4

تَعْرُجُ ٱلْمَلَٰٓئِكَةُ وَٱلرُّوحُ إِلَيْهِ فِى يَوْمٍ كَانَ مِقْدَارُهُۥ خَمْسِينَ أَلْفَ سَنَةٍ

جس کی طرف فرشتے اور روح چڑھتے ہیں[1] ایک دن میں جس کی مقدار پچاس ہزار سال کی ہے.

مترجم کے حواشی

[1] روح سے مراد حضرت جبرائیل (عليه السلام) ہیں، ان کی عظمت شان کے پیش نظر ان کا الگ خصوصی ذکر کیا گیا ہے ورنہ فرشتوں میں وہ بھی شامل ہیں۔ یا روح سے مراد انسانی روحیں ہیں جو مرنے کے بعد آسمان پر لے جاتی ہیں جیسا کہ بعض روایات میں ہے۔

سورۃ المعارج [70]: 4 · محمد جوناگڑھی (QuranEnc v1.1.3)

70:5

المعارج · آیت 5

فَٱصْبِرْ صَبْرًا جَمِيلًا

پس تو اچھی طرح صبر کر.

سورۃ المعارج [70]: 5 · محمد جوناگڑھی (QuranEnc v1.1.3)

70:6

المعارج · آیت 6

إِنَّهُمْ يَرَوْنَهُۥ بَعِيدًا

بیشک یہ اس (عذاب) کو دور سمجھ رہے ہیں.[1]

مترجم کے حواشی

[1] اس یوم کی تعریف میں بہت اختلاف ہے جیسا کہ الم سجدہ کے آغاز میں ہم بیان کر آئے ہیں۔ یہاں امام ابن کثیر نے چار اقوال نقل فرمائےہیں۔ پہلا قول ہے کہ اس سے وہ مسافت مراد ہے جو عرش عظیم سے اسفل سافلین (زمین کے ساتویں طبقے) تک ہے۔ یہ مسافت 50 ہزار سال میں طے ہونے والی ہے۔ دوسرا قول ہے کہ یہ دنیا کی کل مدت ہے۔ ابتدائے آفرینش سے وقوع قیامت تک، اس میں سے کتنی مدت گزر گئی اور کتنی باقی ہے، اسے صرف اللہ تعالیٰ جانتا ہے۔ تیسرا قول ہے کہ یہ دنیا و آخرت کے درمیان فاصلہ ہے۔ چوتھا قول یہ ہے کہ یہ قیامت کے دن کی مقدار ہے۔ یعنی کافروں پر یہ یوم حساب پچاس ہزار سال کی طرح بھاری ہوگا۔ لیکن مومن کے لئے دنیا میں ایک فرض نماز پڑھنے سے بھی مختصر ہوگا۔ (مسند احمد، 3/75) امام ابن کثیر نے اسی قول کو ترجیح دی ہے کیوں کہ احادیث سے بھی اس کی تائید ہوتی ہے۔ چنانچہ ایک حدیث میں زکوٰۃ ادا نہ کرنے والے کو قیامت والے دن جو عذاب دیا جائے گا اس کی تفصیل بیان فرماتے ہوئے رسول اللہ (صلى الله عليه وسلم) نے فرمایا: «حَتَّى يَحْكُمَ اللَّهُ بَيْنَ عِبَادِهِ فِى يَوْمٍ كَانَ مِقْدَارُهُ خَمْسِينَ أَلْفَ سَنَةٍ مِمَّا تَعُدُّونَ»۔ (صحیح مسلم، کتاب الزکوٰۃ، باب اثم مانع الزکوٰۃ)، ”یہاں تک کہ اللہ اپنے بندوں کے درمیان فیصلہ فرمائے گا، ایسے دن میں، جس کی مدت تمہاری گنتی کے مطابق پچاس ہزار سال ہوگی“۔ اس تفسیر کی رو سے فی یوم کا تعلق عذاب سے ہوگا، یعنی وہ واقع ہونے والا عذاب قیامت والے دن ہوگا جو کافروں پر پچاس ہزار سال کی طرح بھاری ہوگا۔

سورۃ المعارج [70]: 6 · محمد جوناگڑھی (QuranEnc v1.1.3)

70:7

المعارج · آیت 7

وَنَرَىٰهُ قَرِيبًا

اور ہم اسے قریب ہی دیکھتے ہیں.[1]

مترجم کے حواشی

[1] دور سے مراد ناممکن اور قریب سے اس کا یقینی واقع ہونا ہے۔ یعنی کافر قیامت کو ناممکن سمجھتے ہیں اور مسلمانوں کا عقیدہ ہے کہ وہ ضرور آکر رہے گیاس لئے کہ کل ما ھوا آت فھوا قریب"ہر آبت واکئ چیز قریب ہے۔

سورۃ المعارج [70]: 7 · محمد جوناگڑھی (QuranEnc v1.1.3)

70:8

المعارج · آیت 8

يَوْمَ تَكُونُ ٱلسَّمَآءُ كَٱلْمُهْلِ

جس دن آسمان مثل تیل کی تلچھٹ کے ہو جائے گا۔

سورۃ المعارج [70]: 8 · محمد جوناگڑھی (QuranEnc v1.1.3)

70:9

المعارج · آیت 9

وَتَكُونُ ٱلْجِبَالُ كَٱلْعِهْنِ

اور پہاڑ مثل رنگین اون کے ہو جائیں گے.[1]

مترجم کے حواشی

[1] یعنی دھنی ہوئی روئی کی طرح، جیسے سورہ القارعۃ میں ہے۔(كَالْعِهْنِ الْمَنْفُوشِ)

سورۃ المعارج [70]: 9 · محمد جوناگڑھی (QuranEnc v1.1.3)

70:10

المعارج · آیت 10

وَلَا يَسْـَٔلُ حَمِيمٌ حَمِيمًا

اور کوئی دوست کسی دوست کو نہ پوچھے گا.

سورۃ المعارج [70]: 10 · محمد جوناگڑھی (QuranEnc v1.1.3)

70:11

المعارج · آیت 11

يُبَصَّرُونَهُمْ يَوَدُّ ٱلْمُجْرِمُ لَوْ يَفْتَدِى مِنْ عَذَابِ يَوْمِئِذٍۭ بِبَنِيهِ

(حاﻻنکہ) ایک دوسرے کو دکھا دیئے جائیں گے[1] ، گناهگار اس دن کے عذاب کے بدلے فدیے میں اپنے بیٹوں کو.

مترجم کے حواشی

[1] لیکن سب کو اپنی اپنی پڑی ہوگی، اس لئے تعارف اور شناخت کے باوجود ایک دوسرے کو نہیں پوچھیں گے۔

سورۃ المعارج [70]: 11 · محمد جوناگڑھی (QuranEnc v1.1.3)

70:12

المعارج · آیت 12

وَصَٰحِبَتِهِۦ وَأَخِيهِ

اپنی بیوی کو اور اپنے بھائی کو.

سورۃ المعارج [70]: 12 · محمد جوناگڑھی (QuranEnc v1.1.3)

70:13

المعارج · آیت 13

وَفَصِيلَتِهِ ٱلَّتِى تُـْٔوِيهِ

اور اپنے کنبے کو جو اسے پناه دیتا تھا.

سورۃ المعارج [70]: 13 · محمد جوناگڑھی (QuranEnc v1.1.3)

70:14

المعارج · آیت 14

وَمَن فِى ٱلْأَرْضِ جَمِيعًا ثُمَّ يُنجِيهِ

اور روئے زمین کے سب لوگوں کو دینا چاہے گا تاکہ یہ اسے نجات دﻻ دے.[1]

مترجم کے حواشی

[1] یعنی اولاد، بیوی، بھائی اور خاندان یہ ساری چیزیں انسان کو نہایت عزیز ہوتی ہیں، لیکن قیامت والے دن مجرم چاہے گا کہ اس سے فدیے میں یہ عزیز چیزیں قبول کر لی جائیں اور اسے چھوڑ دیا جائے۔فصيلةٌ ،خاندان کو کہتے ہیں، کیوں کہ وہ قبیلے سے جدا ہوتا ہے۔

سورۃ المعارج [70]: 14 · محمد جوناگڑھی (QuranEnc v1.1.3)

70:15

المعارج · آیت 15

كَلَّآ إِنَّهَا لَظَىٰ

(مگر) ہرگز یہ نہ ہوگا، یقیناً وه شعلہ والی (آگ) ہے.[1]

مترجم کے حواشی

[1] یعنی وہ جہنم، یہ اس کی شدت حرارت کا بیان ہے۔

سورۃ المعارج [70]: 15 · محمد جوناگڑھی (QuranEnc v1.1.3)

70:16

المعارج · آیت 16

نَزَّاعَةً لِّلشَّوَىٰ

جو منھ اور سر کی کھال کھینچ ﻻنے والی ہے.[1]

مترجم کے حواشی

[1] یعنی گوشت اور کھال کو جلا کر رکھ دے گی۔ انسان صرف ہڈیوں کا ڈھانچہ رہ جائے گا۔

سورۃ المعارج [70]: 16 · محمد جوناگڑھی (QuranEnc v1.1.3)

70:17

المعارج · آیت 17

تَدْعُوا۟ مَنْ أَدْبَرَ وَتَوَلَّىٰ

وه ہر اس شخص کو پکارے گی جو پیچھے ہٹتا اور منھ موڑتا ہے.

سورۃ المعارج [70]: 17 · محمد جوناگڑھی (QuranEnc v1.1.3)

70:18

المعارج · آیت 18

وَجَمَعَ فَأَوْعَىٰٓ

اور جمع کرکے سنبھال رکھتا ہے.[1]

مترجم کے حواشی

[1] یعنی دنیا میں حق سے پیٹھ پھیرتا اور منہ موڑتا تھا اور مال جمع کرکے خزانوں میں سنبھال سنبھال کر رکھتا تھا، اسے اللہ کی راہ میں خرچ کرتا تھا نہ اس میں سے زکوۃ نکالتا تھا۔ اللہ تعالٰی جہنم کو قوت گویائی عطا فرمائے گا اور جہنم بزبان قال خود ایسے لوگوں کو پکارے گی، بعض کہتے ہیں، پکارنے والے فرشتے ہی ہونگے اسے منسوب جہنم کی طرف کر دیا گیا ہے۔ بعض کہتے ہیں کوئی نہیں پکارے گا، یہ صرف تمثیل کے طور پر ایسا کہا گیا ہے۔ مطلب ہے کہ مذکورہ افراد کا ٹھکانا جہنم ہوگا۔

سورۃ المعارج [70]: 18 · محمد جوناگڑھی (QuranEnc v1.1.3)

70:19

المعارج · آیت 19

إِنَّ ٱلْإِنسَٰنَ خُلِقَ هَلُوعًا

بیشک انسان بڑے کچے دل واﻻ بنایا گیا ہے.[1]

مترجم کے حواشی

[1] سخت حریص اور بہت جزع فزع کرنے والے کو ھلوع کہا جاتا ہے۔ جس کو ترجمے میں انسان کچے دل والا سے تعبیر کیا گیا ہے کیونکہ ایسا شخص ہی بخیل و حریص اور زیادہ گریہ جاری کرنے والا ہوتا ہے۔آگےاس کی صفت بیان کی گئی ہے۔

سورۃ المعارج [70]: 19 · محمد جوناگڑھی (QuranEnc v1.1.3)

70:20

المعارج · آیت 20

إِذَا مَسَّهُ ٱلشَّرُّ جَزُوعًا

جب اسے مصیبت پہنچتی ہے تو ہڑبڑا اٹھتا ہے.

سورۃ المعارج [70]: 20 · محمد جوناگڑھی (QuranEnc v1.1.3)

70:21

المعارج · آیت 21

وَإِذَا مَسَّهُ ٱلْخَيْرُ مَنُوعًا

اور جب راحت ملتی ہے تو بخل کرنے لگتا ہے.

سورۃ المعارج [70]: 21 · محمد جوناگڑھی (QuranEnc v1.1.3)

70:22

المعارج · آیت 22

إِلَّا ٱلْمُصَلِّينَ

مگر وه نمازی.

سورۃ المعارج [70]: 22 · محمد جوناگڑھی (QuranEnc v1.1.3)

70:23

المعارج · آیت 23

ٱلَّذِينَ هُمْ عَلَىٰ صَلَاتِهِمْ دَآئِمُونَ

جو اپنی نماز پر ہمیشگی کرنے والے ہیں.[1]

مترجم کے حواشی

[1] مراد ہیں مومن کامل اور اہل توحید، ان کے اندر مذکورہ اخلاقی کمزوریاں نہیں ہوتیں بلکہ اس کے برعکس وہ صفات محمودہ کے پیکر ہوتے ہیں۔ ہمیشہ نماز پڑھنے کا مطلب ہے کہ نماز میں کوتاہی نہیں کرتے ہر نماز اپنے وقت پر نہایت پابندی اور التزام سے پڑھ لیتے ہیں۔ کوئی مشغولیت انہیں نماز سے نہیں روکتی اور دنیا کا کوئی فائدہ انہیں نماز سے غافل نہیں کرتا۔

سورۃ المعارج [70]: 23 · محمد جوناگڑھی (QuranEnc v1.1.3)

70:24

المعارج · آیت 24

وَٱلَّذِينَ فِىٓ أَمْوَٰلِهِمْ حَقٌّ مَّعْلُومٌ

اور جن کے مالوں میں مقرره حصہ ہے.[1]

مترجم کے حواشی

[1] یعنی زکوۃ مفروضۃ، بعض کے نزدیک یہ عام ہے، صدقات واجبہ اور نافلہ دونوں اس میں شامل ہیں۔

سورۃ المعارج [70]: 24 · محمد جوناگڑھی (QuranEnc v1.1.3)

70:25

المعارج · آیت 25

لِّلسَّآئِلِ وَٱلْمَحْرُومِ

مانگنے والوں کا بھی اور سوال سے بچنے والوں کا بھی.[1]

مترجم کے حواشی

[1] محروم میں وہ شخص بھی داخل ہے جو رزق سے ہی محروم ہے وہ بھی جو کسی آفت سماوی وارضی کی زد میں آکر اپنی پونجی سے محروم ہوگیا اور وہ بھی جو ضرورت مند ہونے کے باوجود اپنی صفت تعفف کی وجہ سے لوگوں کی عطا اور صدقات سے محروم رہتا ہے۔

سورۃ المعارج [70]: 25 · محمد جوناگڑھی (QuranEnc v1.1.3)

70:26

المعارج · آیت 26

وَٱلَّذِينَ يُصَدِّقُونَ بِيَوْمِ ٱلدِّينِ

اور جو انصاف کے دن پر یقین رکھتے ہیں.[1]

مترجم کے حواشی

[1] یعنی وہ اس کا انکار کرتے ہیں نہ اس میں شک وشبہ کا اظہار۔

سورۃ المعارج [70]: 26 · محمد جوناگڑھی (QuranEnc v1.1.3)

70:27

المعارج · آیت 27

وَٱلَّذِينَ هُم مِّنْ عَذَابِ رَبِّهِم مُّشْفِقُونَ

اور جو اپنے رب کے عذاب سے ڈرتے رہتے ہیں.[1]

مترجم کے حواشی

[1] یعنی اطاعت اور اعمال صالحہ کے باوجود اللہ کی عظمت وجلالت کے پیش نظر اس کی گرفت سے لرزاں وترساں رہتے ہیں اور یقین رکھتے ہیں کہ جب تک اللہ کی رحمت ہمیں اپنے دامن میں نہیں ڈھانک لے گی ہمارے یہ اعمال نجات کے لیے کافی نہیں ہوں گے جیسا کہ اس مفہوم کی حدیث پہلے گزر چکی ہے۔

سورۃ المعارج [70]: 27 · محمد جوناگڑھی (QuranEnc v1.1.3)

70:28

المعارج · آیت 28

إِنَّ عَذَابَ رَبِّهِمْ غَيْرُ مَأْمُونٍ

بیشک ان کے رب کا عذاب بے خوف ہونے کی چیز نہیں.[1]

مترجم کے حواشی

[1] یہ سابقہ مضمون ہی کی تاکید ہے کہ اللہ کے عذاب سے کسی کو بھی بےخوف نہیں ہونا چاہیے بلکہ ہر وقت اس سے ڈرتے رہنا اور اس سے بچاؤ کی ممکنہ تدابیر اختیار کرتے رہنا چاہیے۔

سورۃ المعارج [70]: 28 · محمد جوناگڑھی (QuranEnc v1.1.3)

70:29

المعارج · آیت 29

وَٱلَّذِينَ هُمْ لِفُرُوجِهِمْ حَٰفِظُونَ

اور جو لوگ اپنی شرم گاہوں کی (حرام سے) حفاﻇت کرتے ہیں.

سورۃ المعارج [70]: 29 · محمد جوناگڑھی (QuranEnc v1.1.3)

70:30

المعارج · آیت 30

إِلَّا عَلَىٰٓ أَزْوَٰجِهِمْ أَوْ مَا مَلَكَتْ أَيْمَٰنُهُمْ فَإِنَّهُمْ غَيْرُ مَلُومِينَ

ہاں ان کی بیویوں اور لونڈیوں کے بارے میں جن کے وه مالک ہیں انہیں کوئی ملامت نہیں.[1]

مترجم کے حواشی

[1] یعنی انسان کے جنسی تسکین کے لئے اللہ نے دو جائز ذرائع رکھے ہیں ایک بیوی اور دوسری (لونڈی) بہرحال اہل ایمان کی ایک صفت یہ بھی ہے کہ جنسی خواہش کی تکمیل و تسکین کے لئے ناجائز ذریعہ اختیار نہیں کرتے۔

سورۃ المعارج [70]: 30 · محمد جوناگڑھی (QuranEnc v1.1.3)

70:31

المعارج · آیت 31

فَمَنِ ٱبْتَغَىٰ وَرَآءَ ذَٰلِكَ فَأُو۟لَٰٓئِكَ هُمُ ٱلْعَادُونَ

اب جو کوئی اس کے علاوه (راه) ڈھونڈے گا توایسے لوگ حد سے گزر جانے والے ہوں گے.

سورۃ المعارج [70]: 31 · محمد جوناگڑھی (QuranEnc v1.1.3)

70:32

المعارج · آیت 32

وَٱلَّذِينَ هُمْ لِأَمَٰنَٰتِهِمْ وَعَهْدِهِمْ رَٰعُونَ

اور جو اپنی امانتوں کا اور اپنے قول و قرار کا پاس رکھتے ہیں.[1]

مترجم کے حواشی

[1] یعنی ان کے پاس جو لوگوں کی امانتیں ہیں اس میں وہ خیانت نہیں کرتے اور لوگوں سے جو عہد کرتے ہیں انہیں توڑتے نہیں بلکہ ان کی پاسداری کرتے ہیں۔

سورۃ المعارج [70]: 32 · محمد جوناگڑھی (QuranEnc v1.1.3)

70:33

المعارج · آیت 33

وَٱلَّذِينَ هُم بِشَهَٰدَٰتِهِمْ قَآئِمُونَ

اور جو اپنی گواہیوں پر سیدھے اور قائم رہتے ہیں.[1]

مترجم کے حواشی

[1] یعنی اسے صحیح صحیح ادا کرتے ہیں چاہے اس کی زد میں ان کے قریبی عزیز ہی آجائیں علاوہ ازیں اسے چھپاتے بھی نہیں، نہ اس میں تبدیلی ہی کرتے ہیں۔

سورۃ المعارج [70]: 33 · محمد جوناگڑھی (QuranEnc v1.1.3)

70:34

المعارج · آیت 34

وَٱلَّذِينَ هُمْ عَلَىٰ صَلَاتِهِمْ يُحَافِظُونَ

اور جو اپنی نمازوں کی حفاﻇت کرتے ہیں.

سورۃ المعارج [70]: 34 · محمد جوناگڑھی (QuranEnc v1.1.3)

70:35

المعارج · آیت 35

أُو۟لَٰٓئِكَ فِى جَنَّٰتٍ مُّكْرَمُونَ

یہی لوگ جنتوں میں عزت والے ہوں گے.

سورۃ المعارج [70]: 35 · محمد جوناگڑھی (QuranEnc v1.1.3)

70:36

المعارج · آیت 36

فَمَالِ ٱلَّذِينَ كَفَرُوا۟ قِبَلَكَ مُهْطِعِينَ

پس کافروں کو کیاہو گیا ہے کہ وه تیری طرف دوڑتے آتے ہیں.

سورۃ المعارج [70]: 36 · محمد جوناگڑھی (QuranEnc v1.1.3)

70:37

المعارج · آیت 37

عَنِ ٱلْيَمِينِ وَعَنِ ٱلشِّمَالِ عِزِينَ

دائیں اور بائیں سے گروه کے گروه..[1]

مترجم کے حواشی

[1] یہ نبی (صلى الله عليه وسلم) کے زمانے کے کفار کا ذکر ہے کہ وہ آپ کی مجلس میں دوڑتے دوڑتے آتے، لیکن آپ کی باتیں سن کر عمل کرنے کی بجائے ان کا مذاق اڑاتے اور ٹولیوں میں بٹ جاتے۔ اور دعویٰ یہ کرتے کہ اگر مسلمان جنت میں گئے تو ہم ان سے پہلے جنت میں جائیں گے۔ اللہ نے اگلی آیت میں ان کے اس زعم باطل کی تردید فرمائی۔

سورۃ المعارج [70]: 37 · محمد جوناگڑھی (QuranEnc v1.1.3)

70:38

المعارج · آیت 38

أَيَطْمَعُ كُلُّ ٱمْرِئٍ مِّنْهُمْ أَن يُدْخَلَ جَنَّةَ نَعِيمٍ

کیا ان میں سے ہر ایک کی توقع یہ ہے کہ وه نعمتوں والی جنت میں داخل کیا جائے گا؟

سورۃ المعارج [70]: 38 · محمد جوناگڑھی (QuranEnc v1.1.3)

70:39

المعارج · آیت 39

كَلَّآ إِنَّا خَلَقْنَٰهُم مِّمَّا يَعْلَمُونَ

(ایسا) ہرگز نہ ہوگا[1] ۔ ہم نے انہیں اس (چیز) سے پیدا کیا ہے جسے وه جانتے ہیں.[2]

مترجم کے حواشی

[1] یعنی یہ کس طرح ممکن ہے کہ مومن اور کافر دونوں جنت میں جائیں؟ رسول کو ماننے والے اور اس کی تکذیب کرنے والے دونوں کو اخروی نعمتیں ملیں ایسا کبھی نہیں ہو سکتا۔ [2] یعنی ماءٍ مَّهِين (حقیر قطرے) سے۔ جب یہ بات ہے تو کیا تکبر اس انسان کو زیب دیتا ہے؟ جس تکبر کی وجہ سے ہی یہ اللہ اور اس کے رسول کی تکذیب بھی کرتا ہے۔

سورۃ المعارج [70]: 39 · محمد جوناگڑھی (QuranEnc v1.1.3)

70:40

المعارج · آیت 40

فَلَآ أُقْسِمُ بِرَبِّ ٱلْمَشَٰرِقِ وَٱلْمَغَٰرِبِ إِنَّا لَقَٰدِرُونَ

پس مجھے قسم ہے مشرقوں اور مغربوں[1] کے رب کی (کہ) ہم یقیناً قادر ہیں.

مترجم کے حواشی

[1] ہر روز سورج ایک الگ جگہ سے نکلتا اور الگ مغرب میں غروب ہوتا ہے۔ اس لحاظ سے مشرق بھی بہت ہیں اور مغرب بھی اتنے ہی۔ مزید تفصیل کے لئے سورۂ صافات، 5 دیکھئے۔

سورۃ المعارج [70]: 40 · محمد جوناگڑھی (QuranEnc v1.1.3)

70:41

المعارج · آیت 41

عَلَىٰٓ أَن نُّبَدِّلَ خَيْرًا مِّنْهُمْ وَمَا نَحْنُ بِمَسْبُوقِينَ

اس پر کہ ان کے عوض ان سے اچھے لوگ لے آئیں[1] اور ہم عاجز نہیں ہیں.[2]

مترجم کے حواشی

[1] یعنی ان کو ختم کرکے ایک نئی مخلوق آباد کر دینے پر ہم پوری طرح قادر ہیں۔ [2] جب ایسا ہے تو کیا ہم قیامت والے دن ان کو دوبارہ نہیں اٹھا سکیں گے۔

سورۃ المعارج [70]: 41 · محمد جوناگڑھی (QuranEnc v1.1.3)

70:42

المعارج · آیت 42

فَذَرْهُمْ يَخُوضُوا۟ وَيَلْعَبُوا۟ حَتَّىٰ يُلَٰقُوا۟ يَوْمَهُمُ ٱلَّذِى يُوعَدُونَ

پس تو انہیں جھگڑتا کھیلتا چھوڑ دے[1] یہاں تک کہ یہ اپنے اس دن سے جاملیں جس کا ان سے وعده کیا جاتا ہے.

مترجم کے حواشی

[1] یعنی فضول اور لایعنی بحثوں میں پھنسے اور اپنی دنیا میں مگن رہیں تاہم آپ اپنی تبلیغ کا کام جاری رکھیں ان کا رویہ آپ کو اپنے منصب سے غافل یا بد دل نہ کر دے۔

سورۃ المعارج [70]: 42 · محمد جوناگڑھی (QuranEnc v1.1.3)

70:43

المعارج · آیت 43

يَوْمَ يَخْرُجُونَ مِنَ ٱلْأَجْدَاثِ سِرَاعًا كَأَنَّهُمْ إِلَىٰ نُصُبٍ يُوفِضُونَ

جس دن یہ قبروں سے دوڑتے ہوئے نکلیں گے، گویا کہ وه کسی جگہ کی طرف تیز تیز جا رہے ہیں.[1]

مترجم کے حواشی

[1] اجداث جمع ہے ۔جدث کے معنی ہیں قبر۔ نصب تھانے جہاں بتوں کے نام پر جانور ذبح کیے جاتے ہیں اور بتوں کے معنی میں بھی استعمال ہے۔ بتوں کے پجاری جب سورج طلوع ہوتا تھا تو نہایت تیزی سے اپنے بتوں کی طرف دوڑتے کہ کون پہلے اسے بوسہ دیتا ہے۔ اسی طرح قیامت والے دن اپنی قبروں سے برق رفتاری سے نکلیں گے۔یوفضون یسرعون کے معنی میں ہے۔

سورۃ المعارج [70]: 43 · محمد جوناگڑھی (QuranEnc v1.1.3)

70:44

المعارج · آیت 44

خَٰشِعَةً أَبْصَٰرُهُمْ تَرْهَقُهُمْ ذِلَّةٌ ذَٰلِكَ ٱلْيَوْمُ ٱلَّذِى كَانُوا۟ يُوعَدُونَ

ان کی آنکھیں جھکی ہوئی ہوں گی[1] ، ان پر ذلت چھا رہی ہوگی[2]، یہ ہے وه دن جس کا ان سے وعده کیا جاتا تھا.[3]

مترجم کے حواشی

[1] جس طرح مجرموں کی آنکھیں جھکی ہوتی ہیں کیونکہ انہیں اپنے کرتوتوں کا علم ہوتا ہے۔ [2] یعنی سخت ذلت انہیں اپنی لپیٹ میں لے رہی ہوگی اور ان کے چہرے مارے خوف کے سیاہ ہوں گے۔ [3] یعنی رسولوں کی زبانی اور آسمانی کتابوں کے ذریعے سے۔

سورۃ المعارج [70]: 44 · محمد جوناگڑھی (QuranEnc v1.1.3)

اکثر پوچھے جانے والے سوالات

سورۃ المعارج میں کتنی آیات ہیں؟

44 آیات۔ المعارج قرآن کی 70ویں سورۃ ہے اور مکی ہے۔

سورۃ المعارج کس پارے میں ہے؟

پارہ 29۔ اس کی پہلی آیت مصحفِ مدینہ کے صفحہ 568 پر ہے۔

المعارج کے نام کا کیا مطلب ہے؟

المعارج کا مطلب “عروج” ہے۔

عربی متن اور ترجمہ کہاں سے لیا گیا ہے؟

عربی متن تنزیل (رسمِ عثمانی، ورژن 1.1) سے اور ترجمہ محمد جوناگڑھی (QuranEnc v1.1.3) سے۔ دونوں بغیر کسی تبدیلی کے دکھائے گئے ہیں۔

متن کے مآخذ

عربی متن · Tanzil Project (tanzil.net)، رسمِ عثمانی ورژن 1.1، CC BY 3.0، بغیر تبدیلی کے نقل
ترجمہ · Urdu Translation - Muhammad Junagarhi · QuranEnc.com v1.1.3
پارے اور صفحات · Tanzil Quran Metadata 1.0 (مصحفِ مدینہ، 604 صفحات)، CC BY 3.0