تمام ممالک اور زبانیں
ملک کے مطابق حساب کا طریقہ، عصر کا مسلک اور ہجری تاریخ طے ہوتی ہے۔
چھا جانے والی · 26 آیات · مکی · پارہ 30 · صفحہ 592
سورۃ الغاشية قرآن مجید کی 88ویں سورۃ ہے، اس میں 26 آیات ہیں اور یہ مکی ہے۔ یہ سورۃ پارہ 30 میں، مصحفِ مدینہ کے صفحہ 592 سے شروع ہوتی ہے۔ اس کے نام کا مطلب “چھا جانے والی” ہے اور ترتیبِ نزول میں اس کا نمبر 68 ہے۔ عربی متن تنزیل کے عثمانی رسم الخط کے مطابق اور ترجمہ ترجمہ: محمد جوناگڑھی (QuranEnc v1.1.3) ہے۔
قرآن کے کسی صفحے پر اشتہار نہیں۔
بِسْمِ ٱللَّهِ ٱلرَّحْمَٰنِ ٱلرَّحِيمِ
هَلْ أَتَىٰكَ حَدِيثُ ٱلْغَٰشِيَةِ
کیا تجھے بھی چھپا لینے والی (قیامت) کی خبر پہنچی ہے.[1]
[1] هَلْ بمعنی قَدْ ہے۔ غَاشِيَةٌ سے مراد قیامت ہے۔ اس لئے کہ اس کی ہولناکیاں تمام مخلوق کو ڈھانک لیں گی۔
سورۃ الغاشية [88]: 1 · ترجمہ: محمد جوناگڑھی (QuranEnc v1.1.3)
وُجُوهٌ يَوْمَئِذٍ خَٰشِعَةٌ
اس دن بہت سے چہرے ذلیل ہوں گے.[1]
[1] یعنی کافروں کے چہرے۔ خَاشِعَةٌ جھکے ہوئے، پست اور ذلیل۔ جیسے، نمازی، نماز کی حالت میں اللہ کے سامنے عاجزی اور تذلل سےجھکا ہوتا ہے۔
سورۃ الغاشية [88]: 2 · ترجمہ: محمد جوناگڑھی (QuranEnc v1.1.3)
عَامِلَةٌ نَّاصِبَةٌ
(اور) محنت کرنے والے تھکے ہوئے ہوں گے.[1]
[1] نَاصِبَةٌ کے معنی ہیں، تھک کر چور ہو جانا۔ یعنی انہیں اتنا پر مشقت عذاب ہوگا کہ اس سے ان کا سخت برا حال ہو گا۔ اس کا ایک دوسرا مفہوم یہ ہے کہ دنیا میں عمل کرکرے تھکے ہوئے ہوں گے یعنی بہت عمل کرتے رہے ہوں گے۔ لیکن وہ عمل باطل مذہب کے مطابق یا بدعات پر مبنی ہوں گے، اس لئے عبادات اور اعمال شاقہ کے باوجود جہنم میں جائیں گے۔ چنانچہ اسی مفہوم کی رو سے حضرت ابن عباس (رضي الله عنه) ما نے ”عَامِلَةٌ نَاصِبَةٌ“ سے نصاریٰ مراد لئے ہیں (صحيح البخاري تفسير سورة غاشية)۔
سورۃ الغاشية [88]: 3 · ترجمہ: محمد جوناگڑھی (QuranEnc v1.1.3)
تَصْلَىٰ نَارًا حَامِيَةً
وه دہکتی ہوئی آگ میں جائیں گے.
سورۃ الغاشية [88]: 4 · ترجمہ: محمد جوناگڑھی (QuranEnc v1.1.3)
تُسْقَىٰ مِنْ عَيْنٍ ءَانِيَةٍ
اور نہایت گرم چشمے کا پانی ان کو پلایا جائے گا.[1]
[1] یہاں وہ سخت کھولتا ہوا پانی مراد ہے جس کی گرمی انتہا کو پہنچی ہوئی ہو۔ ( فتح القدیر ) ۔
سورۃ الغاشية [88]: 5 · ترجمہ: محمد جوناگڑھی (QuranEnc v1.1.3)
لَّيْسَ لَهُمْ طَعَامٌ إِلَّا مِن ضَرِيعٍ
ان کے لئے سوائے کانٹے دار درختوں کے اور کچھ کھانے کو نہ ہوگا.[1]
[1] یہ ایک کانٹے دار درخت ہوتا ہے جسے خشک ہونے پر جانور بھی کھانا پسند نہیں کرتے۔ بہرحال یہ بھی زقوم کی طرح ایک نہایت تلخ، بدمزہ اور ناپاک ترین کھانا ہوگا، جو جز وبدن بنے گا، نہ اس سے بھوک ہی مٹے گی۔
سورۃ الغاشية [88]: 6 · ترجمہ: محمد جوناگڑھی (QuranEnc v1.1.3)
لَّا يُسْمِنُ وَلَا يُغْنِى مِن جُوعٍ
جو نہ موٹا کرے گا نہ بھوک مٹائے گا.
سورۃ الغاشية [88]: 7 · ترجمہ: محمد جوناگڑھی (QuranEnc v1.1.3)
وُجُوهٌ يَوْمَئِذٍ نَّاعِمَةٌ
بہت سے چہرے اس دن تروتازه اور (آسوده حال) ہوں گے.
سورۃ الغاشية [88]: 8 · ترجمہ: محمد جوناگڑھی (QuranEnc v1.1.3)
لِّسَعْيِهَا رَاضِيَةٌ
اپنی کوشش پر خوش ہوں گے.
سورۃ الغاشية [88]: 9 · ترجمہ: محمد جوناگڑھی (QuranEnc v1.1.3)
فِى جَنَّةٍ عَالِيَةٍ
بلند وباﻻ جنتوں میں ہوں گے.
سورۃ الغاشية [88]: 10 · ترجمہ: محمد جوناگڑھی (QuranEnc v1.1.3)
لَّا تَسْمَعُ فِيهَا لَٰغِيَةً
جہاں کوئی بیہوده بات نہیں سنیں گے.
سورۃ الغاشية [88]: 11 · ترجمہ: محمد جوناگڑھی (QuranEnc v1.1.3)
فِيهَا عَيْنٌ جَارِيَةٌ
جہاں بہتا ہوا چشمہ ہوگا.
سورۃ الغاشية [88]: 12 · ترجمہ: محمد جوناگڑھی (QuranEnc v1.1.3)
فِيهَا سُرُرٌ مَّرْفُوعَةٌ
(اور) اس میں اونچے اونچے تخت ہوں گے.
سورۃ الغاشية [88]: 13 · ترجمہ: محمد جوناگڑھی (QuranEnc v1.1.3)
وَأَكْوَابٌ مَّوْضُوعَةٌ
اور آبخورے رکھے ہوئے (ہوں گے).
سورۃ الغاشية [88]: 14 · ترجمہ: محمد جوناگڑھی (QuranEnc v1.1.3)
وَنَمَارِقُ مَصْفُوفَةٌ
اور ایک قطار میں لگے ہوئے تکیے ہوں گے.
سورۃ الغاشية [88]: 15 · ترجمہ: محمد جوناگڑھی (QuranEnc v1.1.3)
وَزَرَابِىُّ مَبْثُوثَةٌ
اور مخملی مسندیں پھیلی پڑی ہوں گی.[1]
[1] یہ اہل جنت کا تذکرہ ہے، جو جہنمیوں کے برعکس نہایت آسودہ حال اور ہر قسم کی آسائشوں سے بہرہ ور ہوں گے۔ عَيْنٌ بطور جنس کے ہے یعنی متعدد چشمے ہوں گے۔ نَمَارِقُ بمعنی وَسَائِدَ ( تکیے ) ہے زَرَابِيُّ مسندیں، قالین اور گدے بستر مَبْثُوثَةٌ پھیلی ہوئی۔ یعنی یہ مسندیں جگہ جگہ بچھی ہوئی ہوں گی۔ اہل جنت جہاں آرام کرنا چاہیں گے، کر سکیں گے۔
سورۃ الغاشية [88]: 16 · ترجمہ: محمد جوناگڑھی (QuranEnc v1.1.3)
أَفَلَا يَنظُرُونَ إِلَى ٱلْإِبِلِ كَيْفَ خُلِقَتْ
کیا یہ اونٹوں کو نہیں دیکھتے کہ وه کس طرح پیدا کیے گئے ہیں.[1]
[1] اونٹ عرب میں عام تھے اور ان عربوں کی غالب سواری یہی تھی، اس لئے اللہ نے اسی کا ذکر کر کے فرمایا کہ اس کی خلقت پر غور کرو، اللہ نے اسے کتنا بڑا وجود عطا کیا ہے اور کتنی قوت وطاقت اس کے اندر رکھی ہے۔ اس کے باوجود وہ تمہارے لئے نرم اور تابع ہے، تم اس پر جتنا چاہو بوجھ لاد دو، وہ انکار نہیں کرے گا، تمہارا ماتحت ہو کر رہے گا۔ علاوہ ازیں اس کا گوشت تمہارے کھانے کے، اس کا دودھ تمہارے پینے کے اور اس کی اون، گرمی حاصل کرنے کے کام آتی ہے۔
سورۃ الغاشية [88]: 17 · ترجمہ: محمد جوناگڑھی (QuranEnc v1.1.3)
وَإِلَى ٱلسَّمَآءِ كَيْفَ رُفِعَتْ
اور آسمان کو کہ کس طرح اونچا کیا گیا ہے.[1]
[1] یعنی آسمان کتنی بلندی پر ہے، پانچ سو سال کی مسافت پر، پھر بھی بغیر ستون کے وہ کھڑا ہے۔ اس میں کوئی شگاف اور کجی بھی نہیں ہے۔ نیز ہم نے اسے ستاروں سے مزین کیا ہوا ہے۔
سورۃ الغاشية [88]: 18 · ترجمہ: محمد جوناگڑھی (QuranEnc v1.1.3)
وَإِلَى ٱلْجِبَالِ كَيْفَ نُصِبَتْ
اور پہاڑوں کی طرف کہ کس طرح گاڑ دیئے گئے ہیں.[1]
[1] یعنی کس طرح انہیں زمین پر میخوں کی طرح گاڑ دیا گیا ہے تاکہ زمین حرکت نہ کرے۔ نیز ان میں جو معدنیات اور دیگر منافع ہیں، وہ اس کے علاوہ ہیں۔
سورۃ الغاشية [88]: 19 · ترجمہ: محمد جوناگڑھی (QuranEnc v1.1.3)
وَإِلَى ٱلْأَرْضِ كَيْفَ سُطِحَتْ
اور زمین کی طرف کہ کس طرح بچھائی گئی ہے.[1]
[1] یعنی کس طرح اسے ہموار کرکے انسان کے رہنے کے قابل بنایا ہے، وہ اس پر چلتا پھرتا، کاروبار کرتا اور فلک بوس عمارتیں تعمیر کرتا ہے۔
سورۃ الغاشية [88]: 20 · ترجمہ: محمد جوناگڑھی (QuranEnc v1.1.3)
فَذَكِّرْ إِنَّمَآ أَنتَ مُذَكِّرٌ
پس آپ نصیحت کر دیا کریں (کیونکہ) آپ صرف نصیحت کرنے والے ہیں.[1]
[1] یعنی آپ کا کام صرف تذکیر اور تبلیغ ودعوت ہے، اس کے علاوہ یا اس سے بڑھ کر نہیں۔
سورۃ الغاشية [88]: 21 · ترجمہ: محمد جوناگڑھی (QuranEnc v1.1.3)
لَّسْتَ عَلَيْهِم بِمُصَيْطِرٍ
آپ کچھ ان پر داروغہ نہیں ہیں.[1]
[1] کہ انہیں ایمان لانے پر مجبور کریں۔ بعض کہتے ہیں کہ یہ ہجرت سے قبل کا حکم ہے جو آیت سیف سے منسوخ ہو گیا، کیوں کہ اس کے بعد نبی (صلى الله عليه وسلم) نے فرمایا۔ ”أُمِرْتُ أَنْ أُقَاتِلَ النَّاسَ حَتَّى يَقُولُوا : لا إِلَهَ إِلا اللهُ فَإِذَا قَالُوهَا، عَصَمُوا مِنِّي دِمَاءَهُمْ وَأَمْوَالَهُمْ إِلا بِحَقِّهَا؛ وَحِسَابُهُمْ عَلَى اللهِ“۔ (صحيح بخاري، باب وجوب الزكاة مسلم كتاب الإيمان، باب الأمر بقتال الناس حتى يقولوا...) ”مجھے حکم دیا گیا ہے کہ میں لوگوں سے قتال کروں یہاں تک کہ وہ لا الہ الا اللہ کا اقرار کر لیں۔ جب وہ یہ اقرار کر لیں گے تو انہوں نے مجھ سے اپنے خونوں اور مالوں کو بچا لیا۔ سوائے حق اسلام کے، ( جو اگر ہمارے علم میں نہ آیا تو ) ان کا حساب اللہ کے ذمے ہے“۔
سورۃ الغاشية [88]: 22 · ترجمہ: محمد جوناگڑھی (QuranEnc v1.1.3)
إِلَّا مَن تَوَلَّىٰ وَكَفَرَ
ہاں! جو شخص روگردانی کرے اور کفر کرے.
سورۃ الغاشية [88]: 23 · ترجمہ: محمد جوناگڑھی (QuranEnc v1.1.3)
فَيُعَذِّبُهُ ٱللَّهُ ٱلْعَذَابَ ٱلْأَكْبَرَ
اسے اللہ تعالیٰ بہت بڑا عذاب دے گا.[1]
[1] یعنی جہنم کا دائمی عذاب۔
سورۃ الغاشية [88]: 24 · ترجمہ: محمد جوناگڑھی (QuranEnc v1.1.3)
إِنَّ إِلَيْنَآ إِيَابَهُمْ
بیشک ہماری طرف ان کا لوٹنا ہے.
سورۃ الغاشية [88]: 25 · ترجمہ: محمد جوناگڑھی (QuranEnc v1.1.3)
ثُمَّ إِنَّ عَلَيْنَا حِسَابَهُم
پھر بیشک ہمارے ذمہ ہے ان سے حساب لینا.[1]
[1] مشہور ہے کہ اس کے جواب میں اللَّهُمَّ! حَاسِبْنَا حِسَابًا يَسِيرًا ۔ پڑھا جائے۔ یہ دعا تو نبی (صلى الله عليه وسلم) سے ثابت ہے جو آپ (صلى الله عليه وسلم) اپنی بعض نمازوں میں پڑھتے تھے، جیسا کہ سورۂ انشقاق میں گزرا۔ لیکن اس کے جواب میں پڑھنا، یہ آپ (صلى الله عليه وسلم) سے ثابت نہیں ہے۔
سورۃ الغاشية [88]: 26 · ترجمہ: محمد جوناگڑھی (QuranEnc v1.1.3)
26 آیات۔ الغاشية قرآن کی 88ویں سورۃ ہے اور مکی ہے۔
پارہ 30۔ اس کی پہلی آیت مصحفِ مدینہ کے صفحہ 592 پر ہے۔
الغاشية کا مطلب “چھا جانے والی” ہے۔
عربی متن تنزیل (رسمِ عثمانی، ورژن 1.1) سے اور ترجمہ ترجمہ: محمد جوناگڑھی (QuranEnc v1.1.3) سے۔ دونوں بغیر کسی تبدیلی کے دکھائے گئے ہیں۔
عربی متن · Tanzil Project (tanzil.net)، رسمِ عثمانی ورژن 1.1، CC BY 3.0، بغیر تبدیلی کے نقل
ترجمہ · Urdu Translation - Muhammad Junagarhi · QuranEnc.com v1.1.3
پارے اور صفحات · Tanzil Quran Metadata 1.0 (مصحفِ مدینہ، 604 صفحات)، CC BY 3.0