سورۃ القيامة

قیامۃ · 40 آیات · مکی · پارہ 29 · صفحہ 577

سورۃ القيامة قرآن مجید کی 75ویں سورۃ ہے، اس میں 40 آیات ہیں اور یہ مکی ہے۔ یہ سورۃ پارہ 29 میں، مصحفِ مدینہ کے صفحہ 577 سے شروع ہوتی ہے۔ اس کے نام کا مطلب “قیامۃ” ہے اور ترتیبِ نزول میں اس کا نمبر 31 ہے۔ عربی متن تنزیل کے عثمانی رسم الخط کے مطابق اور ترجمہ ترجمہ: محمد جوناگڑھی (QuranEnc v1.1.3) ہے۔

تازہ کاری: 10 نومبر، 2026
متن: رسمِ عثمانی (تنزیل)
ترجمہ: ترجمہ: محمد جوناگڑھی (QuranEnc v1.1.3)

بِسْمِ ٱللَّهِ ٱلرَّحْمَٰنِ ٱلرَّحِيمِ

75:1

القيامة · آیت 1

لَآ أُقْسِمُ بِيَوْمِ ٱلْقِيَٰمَةِ

میں قسم کھاتا ہوں قیامت کے دن کی.[1]

مترجم کے حواشی

[1] لا اقسم میں لا زائد ہے جو عربی زبان کا ایک اسلوب ہے جیسے ”مَا مَنَعَكَ أَلَّا تَسْجُدَ“ (الاعراف: 12) اور ”لِئَلَّا يَعْلَمَ أَهْلُ الْكِتَابِ“ (الحدید: 29) اور دیگر بہت سے مقامات میں ہے بعض کہتے ہیں کہ قسم سے پہلے کفار کے کلام کا رد ہے وہ کہتے تھے مرنے کے بعد کوئی زندگی نہیں۔لا کے زیعے سے کہا گیا ، جس طرح کہتے ہو معاملہ اس طرح نہیں ہے میں قیامت کے دن کی قسم کھاتا ہوں، قیامت کے دن کی قسم کھانے کا مقصد اس کی اہمیت اور عظمت کو واضح کرنا ہے۔

سورۃ القيامة [75]: 1 · ترجمہ: محمد جوناگڑھی (QuranEnc v1.1.3)

75:2

القيامة · آیت 2

وَلَآ أُقْسِمُ بِٱلنَّفْسِ ٱللَّوَّامَةِ

اور قسم کھاتا ہوں اس نفس کی جو ملامت کرنے واﻻ ہو.[1]

مترجم کے حواشی

[1] یعنی بھلائی پر بھی کرتا ہے کہ زیادہ کیوں نہیں کی۔ اور برائی پر بھی، کہ اس سے باز کیوں نہیں آتا؟ دنیا میں بھی جن کے ضمیر بیدار ہوتے ہیں ان کے نفس انہیں ملامت کرتے ہیں، تاہم آخرت میں تو سب کے ہی نفس ملامت کریں گے۔

سورۃ القيامة [75]: 2 · ترجمہ: محمد جوناگڑھی (QuranEnc v1.1.3)

75:3

القيامة · آیت 3

أَيَحْسَبُ ٱلْإِنسَٰنُ أَلَّن نَّجْمَعَ عِظَامَهُۥ

کیا انسان یہ خیال کرتا ہے کہ ہم اس کی ہڈیاں جمع کریں گے ہی نہیں.[1]

مترجم کے حواشی

[1] یہ جواب قسم ہے انسان سے مراد یہاں کافر اور بےدین انسان ہے جو قیامت کو نہیں مانتا۔ اس کا گمان غلط ہے، اللہ تعالٰی یقینا انسانوں کے اجزا کو جمع فرمائے گا یہاں ہڈیوں کا بطور خاص ذکر ہے، اس لیئے کہ ہڈیاں ہی پیدائش کا اصل ڈھانچہ اور قالب ہیں۔

سورۃ القيامة [75]: 3 · ترجمہ: محمد جوناگڑھی (QuranEnc v1.1.3)

75:4

القيامة · آیت 4

بَلَىٰ قَٰدِرِينَ عَلَىٰٓ أَن نُّسَوِّىَ بَنَانَهُۥ

ہاں ضرور کریں گے ہم تو قادر ہیں کہ اس کی پور پور تک درست کردیں.[1]

مترجم کے حواشی

[1] بَنَان (پور پور) جوڑوں، ناخن، لطیف رگوں اور باریک ہڈیوں پر مشتمل ہوتے ہیں۔ جب یہ باریک اور لطیف چیزیں ہم بالکل صحیح صحیح جوڑ دیں گے تو بڑے حصے کو جوڑ دینا ہمارے لئے کیا مشکل ہوگا۔

سورۃ القيامة [75]: 4 · ترجمہ: محمد جوناگڑھی (QuranEnc v1.1.3)

75:5

القيامة · آیت 5

بَلْ يُرِيدُ ٱلْإِنسَٰنُ لِيَفْجُرَ أَمَامَهُۥ

بلکہ انسان تو چاہتا ہے کہ آگے آگے نافرمانیاں کرتا جائے.[1]

مترجم کے حواشی

[1] یعنی اس امید پر نافرمانی اور حق کا انکار کرتا ہے کہ کون سی قیامت آنی ہے۔

سورۃ القيامة [75]: 5 · ترجمہ: محمد جوناگڑھی (QuranEnc v1.1.3)

75:6

القيامة · آیت 6

يَسْـَٔلُ أَيَّانَ يَوْمُ ٱلْقِيَٰمَةِ

پوچھتا ہے کہ قیامت کا دن کب آئے گا.[1]

مترجم کے حواشی

[1] یہ سوال اس لئے نہیں کرتا کہ گناہوں سے تائب ہو جائے، بلکہ قیامت کو ناممکن الو قوع سمجھتے ہوئے پوچھتا ہے۔ اسی لیے فسق وفجور سے باز نہیں آتا۔ تاہم اگلی ٓآیت میں اللہ تعالٰی قیامت کے آنے کا وقت بیان فرما رہاہے۔

سورۃ القيامة [75]: 6 · ترجمہ: محمد جوناگڑھی (QuranEnc v1.1.3)

75:7

القيامة · آیت 7

فَإِذَا بَرِقَ ٱلْبَصَرُ

پس جس وقت کہ نگاه پتھرا جائے گی.[1]

مترجم کے حواشی

[1] دہشت اور حیرانی سے برق ،تحیر و اندھش جیسے موت کے وقت عام طور پر ہوتا ہے۔

سورۃ القيامة [75]: 7 · ترجمہ: محمد جوناگڑھی (QuranEnc v1.1.3)

75:8

القيامة · آیت 8

وَخَسَفَ ٱلْقَمَرُ

اور چاند بے نور ہو جائے گا.[1]

مترجم کے حواشی

[1] جب چاند کو گرہن لگ جاتا ہے تو اس وقت بھی وہ بےنور ہو جاتا ہے۔ لیکن جو علامات قیامت میں سے ہے، جب ہوگا تو اس کے بعد اس میں روشنی نہیں آئے گی۔

سورۃ القيامة [75]: 8 · ترجمہ: محمد جوناگڑھی (QuranEnc v1.1.3)

75:9

القيامة · آیت 9

وَجُمِعَ ٱلشَّمْسُ وَٱلْقَمَرُ

اور سورج اور چاند جمع کردیئے جائیں گے.[1]

مترجم کے حواشی

[1] یعنی بےنوری میں۔ مطلب ہے کہ چاند کی طرح سورج کی روشنی بھی ختم ہو جائے گی۔

سورۃ القيامة [75]: 9 · ترجمہ: محمد جوناگڑھی (QuranEnc v1.1.3)

75:10

القيامة · آیت 10

يَقُولُ ٱلْإِنسَٰنُ يَوْمَئِذٍ أَيْنَ ٱلْمَفَرُّ

اس دن انسان کہے گا کہ آج بھاگنے کی جگہ کہاں ہے؟[1]

مترجم کے حواشی

[1] یعنی جب یہ واقعات ظہور پذیر ہونگے تو پھر اللہ سے یا جہنم کے عذاب سے راہ فرار ڈھونڈے گا، لیکن اس وقت راہ فرار کہاں ہوگی؟

سورۃ القيامة [75]: 10 · ترجمہ: محمد جوناگڑھی (QuranEnc v1.1.3)

75:11

القيامة · آیت 11

كَلَّا لَا وَزَرَ

نہیں نہیں کوئی پناہ گاه نہیں.[1]

مترجم کے حواشی

[1] وَزَرَ پہاڑ یا قعلے کو کہتے ہیں جہاں انسان پناہ حاصل کرلے۔ وہاں ایسی کوئی پناہ گاہ نہیں ہوگی۔

سورۃ القيامة [75]: 11 · ترجمہ: محمد جوناگڑھی (QuranEnc v1.1.3)

75:12

القيامة · آیت 12

إِلَىٰ رَبِّكَ يَوْمَئِذٍ ٱلْمُسْتَقَرُّ

آج تو تیرے پروردگار کی طرف ہی قرار گاه ہے.[1]

مترجم کے حواشی

[1] جہاں وہ بندوں کے درمیان فیصلے فرمائے گا۔ یہ ممکن نہیں ہوگا کہ کوئی اللہ کی اس عدالت سے چھپ جائے۔

سورۃ القيامة [75]: 12 · ترجمہ: محمد جوناگڑھی (QuranEnc v1.1.3)

75:13

القيامة · آیت 13

يُنَبَّؤُا۟ ٱلْإِنسَٰنُ يَوْمَئِذٍۭ بِمَا قَدَّمَ وَأَخَّرَ

آج انسان کو اس کے آگے بھیجے ہوئے اور پیچھے چھوڑے ہوئے سے آگاه کیا جائے گا.[1]

مترجم کے حواشی

[1] یعنی اس کے تمام اعمال سے آگاہ کیا جائے گا قدیم ہو یا جدید، اول ہو یا آخر چھوٹا ہو یا بڑا۔ ”وَوَجَدُوا مَا عَمِلُوا حَاضِرًا“ (الکھف:49)

سورۃ القيامة [75]: 13 · ترجمہ: محمد جوناگڑھی (QuranEnc v1.1.3)

75:14

القيامة · آیت 14

بَلِ ٱلْإِنسَٰنُ عَلَىٰ نَفْسِهِۦ بَصِيرَةٌ

بلکہ انسان خود اپنے اوپر آپ حجت ہے.[1]

مترجم کے حواشی

[1] یعنی اس کے اپنے ہاتھ، پاؤں، زبان اور دیگر اعضاء گواہی دیں گے، یا یہ مطلب ہے کہ انسان اپنے عیوب خود جانتا ہے۔

سورۃ القيامة [75]: 14 · ترجمہ: محمد جوناگڑھی (QuranEnc v1.1.3)

75:15

القيامة · آیت 15

وَلَوْ أَلْقَىٰ مَعَاذِيرَهُۥ

اگر چہ کتنے ہی بہانے پیش کرے.[1]

مترجم کے حواشی

[1] یعنی لڑے جھگڑے، ایک سے ایک بہانہ کرے، لیکن ایسا کرنا نہ اس کے لئے مفید ہے اور نہ وہ اپنے ضمیر کو مطمئن کر سکتا ہے۔

سورۃ القيامة [75]: 15 · ترجمہ: محمد جوناگڑھی (QuranEnc v1.1.3)

75:16

القيامة · آیت 16

لَا تُحَرِّكْ بِهِۦ لِسَانَكَ لِتَعْجَلَ بِهِۦٓ

(اے نبی) آپ قرآن کو جلدی (یاد کرنے) کے لیے اپنی زبان کو حرکت[1] نہ دیں.

مترجم کے حواشی

[1] حضرت جبرائیل (عليه السلام) جب وحی لے کر آتے نبی (صلى الله عليه وسلم) بھی ان کے ساتھ جلدی سے پڑھتے جاتے کہ کہیں کوئی لفظ بھول نہ جائے۔ اللہ نے اپنے فرشتے کے ساتھ ساتھ اس طرح پڑھنے سے منع فرمایا۔ (صحیح بخاری' تفسہر سورۃ القیامہ) یہ مضمون پہلے بھی گزر چکا ہے ”وَلَا تَعْجَلْ بِالْقُرْآنِ مِنْ قَبْلِ أَنْ يُقْضَى إِلَيْكَ وَحْيُهُ“ (سورۃ طٰہٰ:114) چنانچہ اس حکم کے بعد آپ خاموشی سے سنتے۔

سورۃ القيامة [75]: 16 · ترجمہ: محمد جوناگڑھی (QuranEnc v1.1.3)

75:17

القيامة · آیت 17

إِنَّ عَلَيْنَا جَمْعَهُۥ وَقُرْءَانَهُۥ

اس کا جمع کرنا اور (آپ کی زبان سے) پڑھنا ہمارے ذمہ ہے.[1]

مترجم کے حواشی

[1] یعنی آپ کے سینے میں اس کا جمع کر دینا اور آپ کی زبان پر اس کی قرأت کو جاری کر دینا ہماری ذمہ داری ہے۔ تاکہ اس کا کوئی حصہ آپ کی یاداشت سے نہ نکلے اور آپ کے ذہن سے محو نہ ہو۔

سورۃ القيامة [75]: 17 · ترجمہ: محمد جوناگڑھی (QuranEnc v1.1.3)

75:18

القيامة · آیت 18

فَإِذَا قَرَأْنَٰهُ فَٱتَّبِعْ قُرْءَانَهُۥ

ہم جب اسے پڑھ[1] لیں تو آپ اس کے پڑھنے کی پیروی کریں.[2]

مترجم کے حواشی

[1] یعنی فرشتے کے ذریعے سے جب ہم اس کی قرأت آپ پوری کرلیں۔ [2] یعنی اس کے شرائع و احکام لوگوں کو پڑھ کر سنائیں اور ان کی پیروی بھی کریں۔

سورۃ القيامة [75]: 18 · ترجمہ: محمد جوناگڑھی (QuranEnc v1.1.3)

75:19

القيامة · آیت 19

ثُمَّ إِنَّ عَلَيْنَا بَيَانَهُۥ

پھر اس کا واضح کر دینا ہمارے ذمہ ہے.[1]

مترجم کے حواشی

[1] یعنی اس کے مشکل مقامات کی تشریح اور حلال وحرام کی توضیح یہ بھی ہمارے ذمے ہے اس کا صاف مطلب ہے کہ نبی (صلى الله عليه وسلم) نے قرآن کے مجملات کی توضیح جو تخصیص بیان فرمائی ہے جسے حدیث کہاجاتا ہے یہ بھی اللہ کی طرف سے ہی الہام اور سمجھائی ہوئی باتیں ہیں اس لیے انہیں بھی قرآن کی طرح ماننا ضروری ہے۔

سورۃ القيامة [75]: 19 · ترجمہ: محمد جوناگڑھی (QuranEnc v1.1.3)

75:20

القيامة · آیت 20

كَلَّا بَلْ تُحِبُّونَ ٱلْعَاجِلَةَ

نہیں نہیں تم جلدی ملنے والی (دنیا) کی محبت رکھتے ہو.

سورۃ القيامة [75]: 20 · ترجمہ: محمد جوناگڑھی (QuranEnc v1.1.3)

75:21

القيامة · آیت 21

وَتَذَرُونَ ٱلْـَٔاخِرَةَ

اور آخرت کو چھوڑ بیٹھے ہو.[1]

مترجم کے حواشی

[1] یعنی یوم قیامت کو جھٹلانا اور حق سے اعراض، اسلئے ہے کہ تم نے دنیا کی زندگی کو ہی سب کچھ سمجھ رکھا ہے اور آخرت تمہیں بالکل فراموش ہے۔

سورۃ القيامة [75]: 21 · ترجمہ: محمد جوناگڑھی (QuranEnc v1.1.3)

75:22

القيامة · آیت 22

وُجُوهٌ يَوْمَئِذٍ نَّاضِرَةٌ

اس روز بہت سے چہرے تروتازه اور بارونق ہوں گے.

سورۃ القيامة [75]: 22 · ترجمہ: محمد جوناگڑھی (QuranEnc v1.1.3)

75:23

القيامة · آیت 23

إِلَىٰ رَبِّهَا نَاظِرَةٌ

اپنے رب کی طرف دیکھتے ہوں گے.[1]

مترجم کے حواشی

[1] یہ اہل ایمان کے چہرے ہونگے جو اپنے حسن انجام کی وجہ سے مطمئن، مسرور اور منور ہونگے۔ مذید دیدار الٰہی سے بھی لطف اندوز ہونگیں۔ جیسا کہ صحیح حدیث سے ثابت ہے اور اہل سنت کا متفقہ عقیدہ ہے۔

سورۃ القيامة [75]: 23 · ترجمہ: محمد جوناگڑھی (QuranEnc v1.1.3)

75:24

القيامة · آیت 24

وَوُجُوهٌ يَوْمَئِذٍۭ بَاسِرَةٌ

اور کتنے چہرے اس دن (بد رونق اور) اداس ہوں گے.[1]

مترجم کے حواشی

[1] یہ کافروں کے چہرے ہونگے سیاہ اور بےرونق۔

سورۃ القيامة [75]: 24 · ترجمہ: محمد جوناگڑھی (QuranEnc v1.1.3)

75:25

القيامة · آیت 25

تَظُنُّ أَن يُفْعَلَ بِهَا فَاقِرَةٌ

سمجھتے ہوں گے کہ ان کے ساتھ کمر توڑ دینے واﻻ معاملہ[1] کیا جائے گا.

مترجم کے حواشی

[1] اور وہ یہی ہے کہ جہنم میں ان کو پھینک دیا جائے گا۔

سورۃ القيامة [75]: 25 · ترجمہ: محمد جوناگڑھی (QuranEnc v1.1.3)

75:26

القيامة · آیت 26

كَلَّآ إِذَا بَلَغَتِ ٱلتَّرَاقِىَ

نہیں نہیں[1] جب روح ہنسلی تک[2] پہنچے گی.

مترجم کے حواشی

[1] یعنی یہ ممکن نہیں کہ کافر قیامت پر ایمان لے آئیں۔ [2] تراقی، ترقوہ کی جمع ہے ۔یہ گردن کے قریب، سینے اور کندھے کے درمیان ایک ہڈی ہے، یعنی جب موت آئے گی آہنی پنجہ تمہیں اپنی گرفت میں لے لے گا۔

سورۃ القيامة [75]: 26 · ترجمہ: محمد جوناگڑھی (QuranEnc v1.1.3)

75:27

القيامة · آیت 27

وَقِيلَ مَنْ رَاقٍ

اور کہا جائے گا کہ کوئی جھاڑ پھونک[1] کرنے واﻻ ہے؟

مترجم کے حواشی

[1] یعنی حاضرین میں سے کوئی ہے جو جھاڑ پھونک کے ذریعہ سے تمہیں موت کے پنجے سے چھڑا لے۔ بعض نے اس کا ترجمہ یہ بھی کیا ہے کہ اس کی روح کون لے کر چڑھے گا ملائکہ رحمت یا ملائکہ عذاب؟ اس صورت میں یہ قول فرشتوں کا ہے۔

سورۃ القيامة [75]: 27 · ترجمہ: محمد جوناگڑھی (QuranEnc v1.1.3)

75:28

القيامة · آیت 28

وَظَنَّ أَنَّهُ ٱلْفِرَاقُ

اور جان لیا اس نے کہ یہ وقت جدائی ہے.[1]

مترجم کے حواشی

[1] یعنی وہ شخص یقین کر لے گا جس کی روح ہنسلی تک پہنچ گئی ہے کہ اب، مال، اولاد اور دنیا کی ہرچیز سے جدائی کا مرحلہ آگیا ہے۔

سورۃ القيامة [75]: 28 · ترجمہ: محمد جوناگڑھی (QuranEnc v1.1.3)

75:29

القيامة · آیت 29

وَٱلْتَفَّتِ ٱلسَّاقُ بِٱلسَّاقِ

اور پنڈلی سے پنڈلی لپٹ جائے گی.[1]

مترجم کے حواشی

[1] اس سے یا تو موت کے وقت پنڈلی کا پنڈلی کے ساتھ مل جانا مراد ہے یا پے درپے تکلیفیں، بہت سے مفسرین نے دوسرے معنی کئے ہیں۔ (فتح القدیر)

سورۃ القيامة [75]: 29 · ترجمہ: محمد جوناگڑھی (QuranEnc v1.1.3)

75:30

القيامة · آیت 30

إِلَىٰ رَبِّكَ يَوْمَئِذٍ ٱلْمَسَاقُ

آج تیرے پروردگار کی طرف چلنا ہے.

سورۃ القيامة [75]: 30 · ترجمہ: محمد جوناگڑھی (QuranEnc v1.1.3)

75:31

القيامة · آیت 31

فَلَا صَدَّقَ وَلَا صَلَّىٰ

اس نے نہ تو تصدیق کی نہ نماز ادا کی.[1]

مترجم کے حواشی

[1] یعنی اس انسان نے رسول اور قرآن کی تصدیق کی اور نہ نماز پڑھی یعنی اللہ کی عبادت نہیں کی۔

سورۃ القيامة [75]: 31 · ترجمہ: محمد جوناگڑھی (QuranEnc v1.1.3)

75:32

القيامة · آیت 32

وَلَٰكِن كَذَّبَ وَتَوَلَّىٰ

بلکہ جھٹلایا اور روگردانی کی.[1]

مترجم کے حواشی

[1] یعنی رسول کو جھٹلایا اور ایمان و اطاعت سے روگردانی کی۔

سورۃ القيامة [75]: 32 · ترجمہ: محمد جوناگڑھی (QuranEnc v1.1.3)

75:33

القيامة · آیت 33

ثُمَّ ذَهَبَ إِلَىٰٓ أَهْلِهِۦ يَتَمَطَّىٰٓ

پھر اپنے گھر والوں کے پاس اتراتا ہوا گیا.[1]

مترجم کے حواشی

[1] یَتَمَطَّیٰ اتراتا اور اکڑاتا ہوا۔

سورۃ القيامة [75]: 33 · ترجمہ: محمد جوناگڑھی (QuranEnc v1.1.3)

75:34

القيامة · آیت 34

أَوْلَىٰ لَكَ فَأَوْلَىٰ

افسوس ہے تجھ پر حسرت ہے تجھ پر.

سورۃ القيامة [75]: 34 · ترجمہ: محمد جوناگڑھی (QuranEnc v1.1.3)

75:35

القيامة · آیت 35

ثُمَّ أَوْلَىٰ لَكَ فَأَوْلَىٰٓ

وائے ہے اور خرابی ہے تیرے لیے.[1]

مترجم کے حواشی

[1] یہ کلمہ وعید سے کہا جاتا ہے کہ اس کی اصل ہے، اللہ تجھے ایسی چیز سے دو چار کرے جسے تو ناپسند کرے۔

سورۃ القيامة [75]: 35 · ترجمہ: محمد جوناگڑھی (QuranEnc v1.1.3)

75:36

القيامة · آیت 36

أَيَحْسَبُ ٱلْإِنسَٰنُ أَن يُتْرَكَ سُدًى

کیا انسان یہ سمجھتا ہے کہ اسے بیکار چھوڑ دیا جائے گا.[1]

مترجم کے حواشی

[1] یعنی اس کو کسی چیز کا حکم دیا جائے گا، نہ کسی چیز سے منع کیا جائے گا، نہ اس کا محاسبہ ہوگا۔ یا اس کی قبر میں ہمیشہ کے لئے چھوڑ دیا جائے گا، وہاں سے اسے دوبارہ زندہ نہیں کیا جائے گا۔

سورۃ القيامة [75]: 36 · ترجمہ: محمد جوناگڑھی (QuranEnc v1.1.3)

75:37

القيامة · آیت 37

أَلَمْ يَكُ نُطْفَةً مِّن مَّنِىٍّ يُمْنَىٰ

کیا وه ایک گاڑھے پانی کا قطره نہ تھا جو ٹپکایا گیا تھا؟

سورۃ القيامة [75]: 37 · ترجمہ: محمد جوناگڑھی (QuranEnc v1.1.3)

75:38

القيامة · آیت 38

ثُمَّ كَانَ عَلَقَةً فَخَلَقَ فَسَوَّىٰ

پھر وه لہو کا لوتھڑا ہوگیا پھر اللہ نے اسے پیدا کیا اور درست بنا دیا.[1]

مترجم کے حواشی

[1] فَسَوَّیٰ، یعنی اسے ٹھیک ٹھاک کیا اور اس کی تکمیل کی اور اس میں روح پھونکی۔

سورۃ القيامة [75]: 38 · ترجمہ: محمد جوناگڑھی (QuranEnc v1.1.3)

75:39

القيامة · آیت 39

فَجَعَلَ مِنْهُ ٱلزَّوْجَيْنِ ٱلذَّكَرَ وَٱلْأُنثَىٰٓ

پھر اس سے جوڑے یعنی نر وماده بنائے.

سورۃ القيامة [75]: 39 · ترجمہ: محمد جوناگڑھی (QuranEnc v1.1.3)

75:40

القيامة · آیت 40

أَلَيْسَ ذَٰلِكَ بِقَٰدِرٍ عَلَىٰٓ أَن يُحْـِۧىَ ٱلْمَوْتَىٰ

کیا (اللہ تعالیٰ) اس (امر) پر قادر نہیں کہ مردے کو زنده کردے.[1]

مترجم کے حواشی

[1] یعنی جواللہ انسان کو اس طرح مختلف اطوار سے گزار کر پیدا فرماتا ہے کیا مرنے کے بعد دوبارہ اسے زندہ کرنے پر قادر نہیں ہے؟

سورۃ القيامة [75]: 40 · ترجمہ: محمد جوناگڑھی (QuranEnc v1.1.3)

اکثر پوچھے جانے والے سوالات

سورۃ القيامة میں کتنی آیات ہیں؟

40 آیات۔ القيامة قرآن کی 75ویں سورۃ ہے اور مکی ہے۔

سورۃ القيامة کس پارے میں ہے؟

پارہ 29۔ اس کی پہلی آیت مصحفِ مدینہ کے صفحہ 577 پر ہے۔

القيامة کے نام کا کیا مطلب ہے؟

القيامة کا مطلب “قیامۃ” ہے۔

عربی متن اور ترجمہ کہاں سے لیا گیا ہے؟

عربی متن تنزیل (رسمِ عثمانی، ورژن 1.1) سے اور ترجمہ ترجمہ: محمد جوناگڑھی (QuranEnc v1.1.3) سے۔ دونوں بغیر کسی تبدیلی کے دکھائے گئے ہیں۔

متن کے مآخذ

عربی متن · Tanzil Project (tanzil.net)، رسمِ عثمانی ورژن 1.1، CC BY 3.0، بغیر تبدیلی کے نقل
ترجمہ · Urdu Translation - Muhammad Junagarhi · QuranEnc.com v1.1.3
پارے اور صفحات · Tanzil Quran Metadata 1.0 (مصحفِ مدینہ، 604 صفحات)، CC BY 3.0