سورۃ المدثر

کپڑا اوڑھنے والا · 56 آیات · مکی · پارہ 29 · صفحہ 575

سورۃ المدثر قرآن مجید کی 74ویں سورۃ ہے، اس میں 56 آیات ہیں اور یہ مکی ہے۔ یہ سورۃ پارہ 29 میں، مصحفِ مدینہ کے صفحہ 575 سے شروع ہوتی ہے۔ اس کے نام کا مطلب “کپڑا اوڑھنے والا” ہے اور ترتیبِ نزول میں اس کا نمبر 4 ہے۔ عربی متن تنزیل کے عثمانی رسم الخط کے مطابق اور ترجمہ ترجمہ: محمد جوناگڑھی (QuranEnc v1.1.3) ہے۔

تازہ کاری: 10 نومبر، 2026
متن: رسمِ عثمانی (تنزیل)
ترجمہ: ترجمہ: محمد جوناگڑھی (QuranEnc v1.1.3)

بِسْمِ ٱللَّهِ ٱلرَّحْمَٰنِ ٱلرَّحِيمِ

74:1

المدثر · آیت 1

يَٰٓأَيُّهَا ٱلْمُدَّثِّرُ

اے کپڑا اوڑھنے والے.[1]

مترجم کے حواشی

[1] سب سے پہلے جو وحی نازل ہوئی وہ «اقْرَأْ بِاسْمِ رَبِّكَ الَّذِي خَلَقَ» ہے اس کے بعد وحی میں وقفہ ہوگیا اور نبی (صلى الله عليه وسلم) سخت مضطرب اور پریشان رہتے۔ ایک روز اچانک پھر وہی فرشتہ، جو غار حرا میں پہلی مرتبہ وحی لے کر آیا تھا۔ آپ نے دیکھا کہ آسمان و زمین کے درمیان ایک کرسی پر بیٹھا ہے، جس سے آپ پر ایک خوف سا طاری ہوگیا اور گھر جاکر گھر والوں سے کہا کہ مجھے کوئی کپڑا اوڑھا دو، مجھے کپڑا اوڑھا دو۔ چنانچہ انہوں نے آپ کے جسم پر ایک کپڑا ڈال دیا، اسی حالت میں وحی نازل ہوئی۔ (صحيح البخاري، ومسلم، سورة المدثر وكتاب الإيمان) اس اعتبار سے یہ دوسری وحی اور احکام کے حساب سے پہلی وحی ہے۔

سورۃ Al-Muddaththir [74]: 1 · ترجمہ: محمد جوناگڑھی (QuranEnc v1.1.3)

74:2

المدثر · آیت 2

قُمْ فَأَنذِرْ

کھڑا ہوجا اور آگاه کردے.[1]

مترجم کے حواشی

[1] یعنی اہل مکہ کو ڈرا، اگر وہ ایمان نہ لائیں۔

سورۃ Al-Muddaththir [74]: 2 · ترجمہ: محمد جوناگڑھی (QuranEnc v1.1.3)

74:3

المدثر · آیت 3

وَرَبَّكَ فَكَبِّرْ

اور اپنے رب ہی کی بڑائیاں بیان کر.

سورۃ Al-Muddaththir [74]: 3 · ترجمہ: محمد جوناگڑھی (QuranEnc v1.1.3)

74:4

المدثر · آیت 4

وَثِيَابَكَ فَطَهِّرْ

اپنے کپڑوں کو پاک رکھا کر.[1]

مترجم کے حواشی

[1] یعنی قلب اور نیت کے ساتھ کپڑے بھی پاک رکھ۔ یہ حکم اس لئے دیا گیا کہ مشرکین مکہ طہارت کا اہتمام نہیں کرتے تھے۔

سورۃ Al-Muddaththir [74]: 4 · ترجمہ: محمد جوناگڑھی (QuranEnc v1.1.3)

74:5

المدثر · آیت 5

وَٱلرُّجْزَ فَٱهْجُرْ

ناپاکی کو چھوڑ دے.[1]

مترجم کے حواشی

[1] یعنی بتوں کی عبادت چھوڑ دے۔ یہ دراصل لوگوں کو آپ کے ذریعے سے حکم دیا جا رہا ہے۔

سورۃ Al-Muddaththir [74]: 5 · ترجمہ: محمد جوناگڑھی (QuranEnc v1.1.3)

74:6

المدثر · آیت 6

وَلَا تَمْنُن تَسْتَكْثِرُ

اور احسان کرکے زیاده لینے کی خواہش نہ کر.[1]

مترجم کے حواشی

[1] یعنی احسان کرکے یہ خواہش نہ کر کہ بدلے میں اس سے زیادہ ملے گا۔

سورۃ Al-Muddaththir [74]: 6 · ترجمہ: محمد جوناگڑھی (QuranEnc v1.1.3)

74:7

المدثر · آیت 7

وَلِرَبِّكَ فَٱصْبِرْ

اور اپنے رب کی راه میں صبر کر.

سورۃ Al-Muddaththir [74]: 7 · ترجمہ: محمد جوناگڑھی (QuranEnc v1.1.3)

74:8

المدثر · آیت 8

فَإِذَا نُقِرَ فِى ٱلنَّاقُورِ

پس جب کہ صور میں پھونک ماری جائے گی.

سورۃ Al-Muddaththir [74]: 8 · ترجمہ: محمد جوناگڑھی (QuranEnc v1.1.3)

74:9

المدثر · آیت 9

فَذَٰلِكَ يَوْمَئِذٍ يَوْمٌ عَسِيرٌ

تو وه دن بڑا سخت دن ہوگا.

سورۃ Al-Muddaththir [74]: 9 · ترجمہ: محمد جوناگڑھی (QuranEnc v1.1.3)

74:10

المدثر · آیت 10

عَلَى ٱلْكَٰفِرِينَ غَيْرُ يَسِيرٍ

جو کافروں پر آسان نہ ہوگا.[1]

مترجم کے حواشی

[1] یعنی قیامت کا دن کافروں پر بھاری ہوگا کیونکہ اس روز کفر کا نتیجہ انہیں بھگتنا ہوگا، جو جرم وہ دنیا میں کرتے رہے ہونگے۔

سورۃ Al-Muddaththir [74]: 10 · ترجمہ: محمد جوناگڑھی (QuranEnc v1.1.3)

74:11

المدثر · آیت 11

ذَرْنِى وَمَنْ خَلَقْتُ وَحِيدًا

مجھے اور اسے چھوڑ دے جسے میں نے اکیلا پیدا کیا ہے.[1]

مترجم کے حواشی

[1] یہ کلمہ وعید و تہدید ہے کہ اسے، جسے میں نے ماں کے پیٹ میں اکیلا پیدا کیا، اس کے پاس مال تھا نہ اولاد، اور مجھے اکیلا چھوڑ دو، یعنی میں خود ہی اس سے نمٹ لوں گا، کہتے ہیں کہ یہ ولید بن مغیرہ کی طرف اشارہ ہے۔ یہ کفر و طغیان میں بہت بڑھا ہوا تھا، اس لئے اس کا خصوصی طور پر ذکر کیا ہے۔ واللہ عالم۔

سورۃ Al-Muddaththir [74]: 11 · ترجمہ: محمد جوناگڑھی (QuranEnc v1.1.3)

74:12

المدثر · آیت 12

وَجَعَلْتُ لَهُۥ مَالًا مَّمْدُودًا

اور اسے بہت سا مال دے رکھا ہے.

سورۃ Al-Muddaththir [74]: 12 · ترجمہ: محمد جوناگڑھی (QuranEnc v1.1.3)

74:13

المدثر · آیت 13

وَبَنِينَ شُهُودًا

اور حاضر باش فرزند بھی.[1]

مترجم کے حواشی

[1] اسے اللہ نے اولاد سے نوازا تھا اور وہ ہر وقت اس کے پاس ہی رہتے تھے، گھر میں دولت کی فروانی تھی، اس لئے بیٹوں کو تجارت و کاروبار کے لئے باہر جانے کی ضرورت پیش نہیں آتی تھی بعض کہتے ہیں کہ اس کے تین بیٹے مسلمان ہوگئے تھے، خالد، ہشام اور ولید بن ولید (فتح القدیر)

سورۃ Al-Muddaththir [74]: 13 · ترجمہ: محمد جوناگڑھی (QuranEnc v1.1.3)

74:14

المدثر · آیت 14

وَمَهَّدتُّ لَهُۥ تَمْهِيدًا

اور میں نے اسے بہت کچھ کشادگی دے رکھی ہے.[1]

مترجم کے حواشی

[1] یعنی مال و دولت میں ریاست و سرداری میں اور درازی عمر میں۔

سورۃ Al-Muddaththir [74]: 14 · ترجمہ: محمد جوناگڑھی (QuranEnc v1.1.3)

74:15

المدثر · آیت 15

ثُمَّ يَطْمَعُ أَنْ أَزِيدَ

پھر بھی اس کی چاہت ہے کہ میں اسے اور زیاده دوں.[1]

مترجم کے حواشی

[1] یعنی کفرو معصیت کے باوجود، اس کی خواہش ہے کہ میں اسے زیادہ دوں۔

سورۃ Al-Muddaththir [74]: 15 · ترجمہ: محمد جوناگڑھی (QuranEnc v1.1.3)

74:16

المدثر · آیت 16

كَلَّآ إِنَّهُۥ كَانَ لِـَٔايَٰتِنَا عَنِيدًا

نہیں نہیں، [1] وه ہماری آیتوں کا مخالف ہے.[2]

مترجم کے حواشی

[1] یعنی میں اسے زیادہ نہیں دونگا۔ [2] یہ کلا کی علت ہے۔ عنید اس شخص کو کہتے ہیں جو جاننے کے باوجود حق کی مخالفت کرے اور اس کو رد کرے۔

سورۃ Al-Muddaththir [74]: 16 · ترجمہ: محمد جوناگڑھی (QuranEnc v1.1.3)

74:17

المدثر · آیت 17

سَأُرْهِقُهُۥ صَعُودًا

عنقریب میں اسے ایک سخت چڑھائی چڑھاؤں گا.[1]

مترجم کے حواشی

[1] یعنی ایسے عذاب میں مبتلا کروں گا جس کا برداشت کرنا نہایت سخت ہوگا، بعض کہتے ہیں، جہنم میں آگ کا پہاڑ ہوگا جس پر اس کو چڑھایا جائے گا۔ ارھاق کے معنی ہیں۔ انسان پر بھاری چیز لاد دینا۔ (فتح القدیر)

سورۃ Al-Muddaththir [74]: 17 · ترجمہ: محمد جوناگڑھی (QuranEnc v1.1.3)

74:18

المدثر · آیت 18

إِنَّهُۥ فَكَّرَ وَقَدَّرَ

اس نے غور کرکے تجویز کی.[1]

مترجم کے حواشی

[1] یعنی قرآن اور نبی (صلى الله عليه وسلم) کا پیغام سن کر، اس نے اس امر پر غور کیا کہ میں اس کا جواب دوں؟ اور اپنے جی میں اس نے وہ تیار کیا۔

سورۃ Al-Muddaththir [74]: 18 · ترجمہ: محمد جوناگڑھی (QuranEnc v1.1.3)

74:19

المدثر · آیت 19

فَقُتِلَ كَيْفَ قَدَّرَ

اسے ہلاکت ہو کیسی (تجویز) سوچی؟

سورۃ Al-Muddaththir [74]: 19 · ترجمہ: محمد جوناگڑھی (QuranEnc v1.1.3)

74:20

المدثر · آیت 20

ثُمَّ قُتِلَ كَيْفَ قَدَّرَ

وه پھر غارت ہو کس طرح اندازه کیا.[1]

مترجم کے حواشی

[1] یہ اس کے حق میں بد دعائیہ کلمے ہیں، کہ ہلاک ہو، مارا جائے، کیا بات اس نے سوچی ہے؟

سورۃ Al-Muddaththir [74]: 20 · ترجمہ: محمد جوناگڑھی (QuranEnc v1.1.3)

74:21

المدثر · آیت 21

ثُمَّ نَظَرَ

اس نے پھر دیکھا.[1]

مترجم کے حواشی

[1] یعنی پھر غور کیا کہ قرآن کا رو کس طرح ممکن ہے۔

سورۃ Al-Muddaththir [74]: 21 · ترجمہ: محمد جوناگڑھی (QuranEnc v1.1.3)

74:22

المدثر · آیت 22

ثُمَّ عَبَسَ وَبَسَرَ

پھر تیوری چڑھائی اور منھ بنایا.[1]

مترجم کے حواشی

[1] یعنی جواب سوچتے وقت چہرے کی سلوٹیں بدلیں، اور منہ بسورا، جیسا کہ عمومًا کسی مشکل بات پر غور کرتے وقت آدمی ایسا کرتا ہے۔

سورۃ Al-Muddaththir [74]: 22 · ترجمہ: محمد جوناگڑھی (QuranEnc v1.1.3)

74:23

المدثر · آیت 23

ثُمَّ أَدْبَرَ وَٱسْتَكْبَرَ

پھر پیچھے ہٹ گیا اور غرور کیا.[1]

مترجم کے حواشی

[1] یعنی حق سے اعرض کیا اور ایمان لانے سے تکبر کیا۔

سورۃ Al-Muddaththir [74]: 23 · ترجمہ: محمد جوناگڑھی (QuranEnc v1.1.3)

74:24

المدثر · آیت 24

فَقَالَ إِنْ هَٰذَآ إِلَّا سِحْرٌ يُؤْثَرُ

اور کہنے لگا تو یہ صرف جادو ہے جو نقل کیا جاتا ہے.[1]

مترجم کے حواشی

[1] یعنی کسی سے یہ سیکھ آیا ہے اور وہاں سے نقل کر لایا ہے اور دعویٰ کر دیا کہ اللہ کا نازل کردہ ہے۔

سورۃ Al-Muddaththir [74]: 24 · ترجمہ: محمد جوناگڑھی (QuranEnc v1.1.3)

74:25

المدثر · آیت 25

إِنْ هَٰذَآ إِلَّا قَوْلُ ٱلْبَشَرِ

سوائے انسانی کلام کے کچھ بھی نہیں ہے.

سورۃ Al-Muddaththir [74]: 25 · ترجمہ: محمد جوناگڑھی (QuranEnc v1.1.3)

74:26

المدثر · آیت 26

سَأُصْلِيهِ سَقَرَ

میں عنقریب اسے دوزخ میں ڈالوں گا.

سورۃ Al-Muddaththir [74]: 26 · ترجمہ: محمد جوناگڑھی (QuranEnc v1.1.3)

74:27

المدثر · آیت 27

وَمَآ أَدْرَىٰكَ مَا سَقَرُ

اور تجھے کیا خبر کہ دوزخ کیا چیز ہے؟[1]

مترجم کے حواشی

[1] دوزخ کے ناموں یا درجات ایک کا نام سَقَرُ بھی ہے۔

سورۃ Al-Muddaththir [74]: 27 · ترجمہ: محمد جوناگڑھی (QuranEnc v1.1.3)

74:28

المدثر · آیت 28

لَا تُبْقِى وَلَا تَذَرُ

نہ وه باقی رکھتی ہے نہ چھوڑتی ہے.[1]

مترجم کے حواشی

[1] ان کے جسموں پر گوشت چھوڑے گی نہ ہڈی، یا مطلب ہے جہنمیوں کو زندہ چھوڑے گی نہ مردہ'لا یموت فیھا و لا یحیٰ

سورۃ Al-Muddaththir [74]: 28 · ترجمہ: محمد جوناگڑھی (QuranEnc v1.1.3)

74:29

المدثر · آیت 29

لَوَّاحَةٌ لِّلْبَشَرِ

کھال کو جھلسا دیتی ہے.

سورۃ Al-Muddaththir [74]: 29 · ترجمہ: محمد جوناگڑھی (QuranEnc v1.1.3)

74:30

المدثر · آیت 30

عَلَيْهَا تِسْعَةَ عَشَرَ

اور اس میں انیس (فرشتے مقرر) ہیں.[1]

مترجم کے حواشی

[1] یعنی جہنم پر بطور دربان ١٩ فرشتے مقرر ہیں

سورۃ Al-Muddaththir [74]: 30 · ترجمہ: محمد جوناگڑھی (QuranEnc v1.1.3)

74:31

المدثر · آیت 31

وَمَا جَعَلْنَآ أَصْحَٰبَ ٱلنَّارِ إِلَّا مَلَٰٓئِكَةً وَمَا جَعَلْنَا عِدَّتَهُمْ إِلَّا فِتْنَةً لِّلَّذِينَ كَفَرُوا۟ لِيَسْتَيْقِنَ ٱلَّذِينَ أُوتُوا۟ ٱلْكِتَٰبَ وَيَزْدَادَ ٱلَّذِينَ ءَامَنُوٓا۟ إِيمَٰنًا وَلَا يَرْتَابَ ٱلَّذِينَ أُوتُوا۟ ٱلْكِتَٰبَ وَٱلْمُؤْمِنُونَ وَلِيَقُولَ ٱلَّذِينَ فِى قُلُوبِهِم مَّرَضٌ وَٱلْكَٰفِرُونَ مَاذَآ أَرَادَ ٱللَّهُ بِهَٰذَا مَثَلًا كَذَٰلِكَ يُضِلُّ ٱللَّهُ مَن يَشَآءُ وَيَهْدِى مَن يَشَآءُ وَمَا يَعْلَمُ جُنُودَ رَبِّكَ إِلَّا هُوَ وَمَا هِىَ إِلَّا ذِكْرَىٰ لِلْبَشَرِ

ہم نے دوزخ کے داروغے صرف فرشتے رکھے ہیں۔ اور ہم نے ان کی تعداد صرف کافروں کی آزمائش کے لیے مقرر کی ہے[1] تاکہ اہل کتاب یقین کرلیں[2]، اوراہل ایمان کے ایمان میں اضافہ ہو جائے[3] اور اہل کتاب اور اہل ایمان شک نہ کریں اور جن کے دلوں میں بیماری ہے وه اور کافر کہیں کہ اس بیان سے اللہ تعالیٰ کی کیا مراد ہے[4]؟ اسی طرح اللہ تعالیٰ جسے چاہتا ہے گمراه کرتا ہے اور جسے چاہتا ہے ہدایت دیتا ہے[5]۔ تیرے رب کے لشکروں کو اس کے سوا کوئی نہیں جانتا[6]، یہ تو کل بنی آدم کے لیے سراسر پند ونصیحت ہے.[7]

مترجم کے حواشی

[1] یہ مشرکین قریش کا رد ہے، جب جہنم کے دروغوں کا اللہ نے ذکر فرمایا تو ابو جہل نے جماعت قریش کو خطاب کرتے ہوئے کہا کہ کیا تم میں سے ہر دس آدمیوں کا گروپ، ایک ایک فرشتے کے لئے کافی نہیں ہوگا، بعض کہتے ہیں کہ کالدہ نامی شخص نے اپنی طاقت پر بڑا گھمنڈ تھا، کہا، تم سب صرف دو فرشتے سنبھال لینا، ١٧ فرشتوں کو تو میں اکیلا ہی کافی ہوں۔ کہتے ہیں اس نے رسول اللہ (صلى الله عليه وسلم) کو کشتی کا بھی کئی مرتبہ چلینج دیا اور ہر مرتبہ شکست کھائی مگر ایمان نہیں لایا، کہتے ہیں اس کے علاوہ رکانہ بن عبد یزید کے ساتھ بھی آپ (صلى الله عليه وسلم) نے کشتی لڑی تھی لیکن وہ شکست کھا کر مسلمان ہوگئے تھے (ابن کثیر) مطلب یہ کہ یہ تعداد بھی ان کے مذاق یا آزمائش کا سبب بن گئی۔ [2] یعنی جان لیں کہ رسول برحق ہے اور اس نے وہی بات کی ہے جو پچھلی کتابوں میں بھی درج ہے۔ [3] کہ اہل کتاب نے ان کے پیغمبر کی بات کی تصدیق کی ہے ۔ [4] بیمار دلوں سے مراد منافقین ہیں یا پھر وہ جن کے دلوں میں شکوک تھے کیونکہ مکہ میں منافقین نہیں تھے۔ یعنی یہ پوچھیں گے کہ اس تعداد کو یہاں ذکر کرنے میں اللہ کی کیا حکمت ہے؟ [5] یعنی گذشتہ گمراہی کی طرح جسے چاہتا ہے گمراہ اور جسے چاہتا ہے، راہ یاب کر دیتا ہے، اس میں حکمت بالغہ ہوتی ہے اسے صرف اللہ ہی جانتا ہے۔ [6] یعنی کفار و مشرکین سمجھتے ہیں کہ جہنم میں 19 فرشتے ہی تو ہیں، جن پر قابو پانا کون سا مشکل کام ہے؟ لیکن ان کو معلوم نہیں کہ رب کے لشکر تو اتنے ہیں جنہیں اللہ کے سوا کوئی نہیں جانتا ہی نہیں۔ صرف فرشتے ہی اتنی تعداد میں ہیں کہ 70 ہزار فرشتے روزانہ اللہ کی عبادت کے لئے بیت المعمور میں داخل ہوتے ہیں، پھر قیامت تک ان کی باری نہیں آئے گی۔ (صحیح بخاری) [7] یعنی یہ جہنم اور اس پر مقرر فرشتے، انسانوں کی پند و نصیحت کے لئے ہیں کہ شاید وہ نافرمانیوں سے باز آجائیں۔

سورۃ Al-Muddaththir [74]: 31 · ترجمہ: محمد جوناگڑھی (QuranEnc v1.1.3)

74:32

المدثر · آیت 32

كَلَّا وَٱلْقَمَرِ

سچ کہتا ہوں[1] قسم ہے چاند کی.

مترجم کے حواشی

[1] کلا یہ اہل مکہ کے خیالات کی نفی ہے یعنی جو وہ سمجھتے ہیں کہ ہم فرشتوں کو مغلوب کر لیں گے ہر گز ایسا نہیں ہوگا۔

سورۃ Al-Muddaththir [74]: 32 · ترجمہ: محمد جوناگڑھی (QuranEnc v1.1.3)

74:33

المدثر · آیت 33

وَٱلَّيْلِ إِذْ أَدْبَرَ

اور رات کی جب وه پیچھے ہٹے.

سورۃ Al-Muddaththir [74]: 33 · ترجمہ: محمد جوناگڑھی (QuranEnc v1.1.3)

74:34

المدثر · آیت 34

وَٱلصُّبْحِ إِذَآ أَسْفَرَ

اور صبح کی جب کہ روشن ہو جائے.

سورۃ Al-Muddaththir [74]: 34 · ترجمہ: محمد جوناگڑھی (QuranEnc v1.1.3)

74:35

المدثر · آیت 35

إِنَّهَا لَإِحْدَى ٱلْكُبَرِ

کہ (یقیناً وه جہنم) بڑی چیزوں میں سے ایک ہے.[1]

مترجم کے حواشی

[1] یہ جواب قسم ہے کُبَر، کُبْرَیٰ کی جمع ہے تین نہایت اہم چیزوں کی قسموں کے بعد اللہ نے جہنم کی بڑائی اور ہولناکی کو بیان کیا ہے جس سے اس کی بڑائی میں کوئی شک نہیں رہتا۔

سورۃ Al-Muddaththir [74]: 35 · ترجمہ: محمد جوناگڑھی (QuranEnc v1.1.3)

74:36

المدثر · آیت 36

نَذِيرًا لِّلْبَشَرِ

بنی آدم کو ڈرانے والی.

سورۃ Al-Muddaththir [74]: 36 · ترجمہ: محمد جوناگڑھی (QuranEnc v1.1.3)

74:37

المدثر · آیت 37

لِمَن شَآءَ مِنكُمْ أَن يَتَقَدَّمَ أَوْ يَتَأَخَّرَ

(یعنی) اسے[1] جو تم میں سے آگے بڑھنا چاہے یا پیچھے ہٹنا چاہے.[2]

مترجم کے حواشی

[1] یعنی یہ جہنم ڈرانے والی ہے یا نذیر سے مراد نبی کریم (صلى الله عليه وسلم) ہیں یا قرآن بھی اپنے بیان کردہ وعد و وعید کے اعتبار سے انسانوں کے لئے نذیر ہے۔ [2] یعنی ایمان واطاعت میں آگے بڑھنا چاہیے یا اس سے پیچھے ہٹنا چاہیے مطلب ہے کہ انداز ہر ایک کے لیے ہے جو ایمان لائے یا کفر کرے۔

سورۃ Al-Muddaththir [74]: 37 · ترجمہ: محمد جوناگڑھی (QuranEnc v1.1.3)

74:38

المدثر · آیت 38

كُلُّ نَفْسٍۭ بِمَا كَسَبَتْ رَهِينَةٌ

ہر شخص اپنے اعمال کے بدلے میں گروی ہے.[1]

مترجم کے حواشی

[1] رہن گروی کو کہتے ہیں یعنی ہر شخص اپنے عمل کا گروی ہے، وہ عمل اسے عذاب سے چھڑا لے گا، (اگر نیک ہوگا) یا ہلاک کروا دے گا۔ (اگر برا ہے)

سورۃ Al-Muddaththir [74]: 38 · ترجمہ: محمد جوناگڑھی (QuranEnc v1.1.3)

74:39

المدثر · آیت 39

إِلَّآ أَصْحَٰبَ ٱلْيَمِينِ

مگر دائیں ہاتھ والے.[1]

مترجم کے حواشی

[1] یعنی وہ اپنے گناہوں کے اسیر نہیں ہوں گے بلکہ اپنے نیک اعمال کی وجہ سے آزاد ہونگے۔

سورۃ Al-Muddaththir [74]: 39 · ترجمہ: محمد جوناگڑھی (QuranEnc v1.1.3)

74:40

المدثر · آیت 40

فِى جَنَّٰتٍ يَتَسَآءَلُونَ

کہ وه بہشتوں میں (بیٹھے ہوئے) گناه گاروں سے.

سورۃ Al-Muddaththir [74]: 40 · ترجمہ: محمد جوناگڑھی (QuranEnc v1.1.3)

74:41

المدثر · آیت 41

عَنِ ٱلْمُجْرِمِينَ

سوال کرتے ہوں گے.[1]

مترجم کے حواشی

[1] فی الجنات،اصحاب الیمین سے غال ہےاہل جنت بالاخانوں میں بیٹھے، جہنمیوں سے سوال کریں گے۔

سورۃ Al-Muddaththir [74]: 41 · ترجمہ: محمد جوناگڑھی (QuranEnc v1.1.3)

74:42

المدثر · آیت 42

مَا سَلَكَكُمْ فِى سَقَرَ

تمہیں دوزخ میں کس چیز نے ڈاﻻ.

سورۃ Al-Muddaththir [74]: 42 · ترجمہ: محمد جوناگڑھی (QuranEnc v1.1.3)

74:43

المدثر · آیت 43

قَالُوا۟ لَمْ نَكُ مِنَ ٱلْمُصَلِّينَ

وه جواب دیں گے کہ ہم نمازی نہ تھے.

سورۃ Al-Muddaththir [74]: 43 · ترجمہ: محمد جوناگڑھی (QuranEnc v1.1.3)

74:44

المدثر · آیت 44

وَلَمْ نَكُ نُطْعِمُ ٱلْمِسْكِينَ

نہ مسکینوں کو کھانا کھلاتے تھے.[1]

مترجم کے حواشی

[1] نماز حقوق اللہ میں سے اور مساکین کو کھانا کھلانا حقوق العباد میں سے ہے مطلب یہ ہوا کہ ہم نے اللہ کے حقوق ادا کیے نہ بندوں کے۔

سورۃ Al-Muddaththir [74]: 44 · ترجمہ: محمد جوناگڑھی (QuranEnc v1.1.3)

74:45

المدثر · آیت 45

وَكُنَّا نَخُوضُ مَعَ ٱلْخَآئِضِينَ

اور ہم بحﺚ کرنے والے (انکاریوں) کا ساتھ دے کر بحﺚ مباحثہ میں مشغول رہا کرتے تھے.[1]

مترجم کے حواشی

[1] یعنی کج بحثی اور گمراہی کی حمایت میں سرگرمی سے حصہ لیتے تھے۔

سورۃ Al-Muddaththir [74]: 45 · ترجمہ: محمد جوناگڑھی (QuranEnc v1.1.3)

74:46

المدثر · آیت 46

وَكُنَّا نُكَذِّبُ بِيَوْمِ ٱلدِّينِ

اور روز جزا کو جھٹلاتے تھے.

سورۃ Al-Muddaththir [74]: 46 · ترجمہ: محمد جوناگڑھی (QuranEnc v1.1.3)

74:47

المدثر · آیت 47

حَتَّىٰٓ أَتَىٰنَا ٱلْيَقِينُ

یہاں تک کہ ہمیں موت آگئی.[1]

مترجم کے حواشی

[1] یقین کے معنی موت کے ہیں، جیسے دوسرے مقام پر ہے۔ واعبد ربک حتی یاتیک الیقین» (الحجر: 99)

سورۃ Al-Muddaththir [74]: 47 · ترجمہ: محمد جوناگڑھی (QuranEnc v1.1.3)

74:48

المدثر · آیت 48

فَمَا تَنفَعُهُمْ شَفَٰعَةُ ٱلشَّٰفِعِينَ

پس انہیں سفارش کرنے والوں کی سفارش نفع نہ دے گی.[1]

مترجم کے حواشی

[1] یعنی جو صفات مذکورہ کا حامل ہوگا، اسے کسی کی شفاعت بھی فائدہ نہیں پہنچائے گی، اس لئے کہ کفر کی وجہ سے محل شفاعت ہی نہیں ہوگا، شفاعت تو صرف ان کے لئے مفید ہوگی جو ایمان کی وجہ سے شفاعت کے قابل ہونگے۔اللہ کی طرف سے شفاعت کی اجازت بھی انہی کے لئے ملے گی نہ کہ ہر ایک کے لئے۔

سورۃ Al-Muddaththir [74]: 48 · ترجمہ: محمد جوناگڑھی (QuranEnc v1.1.3)

74:49

المدثر · آیت 49

فَمَا لَهُمْ عَنِ ٱلتَّذْكِرَةِ مُعْرِضِينَ

انہیں کیا ہو گیا ہے؟ کہ نصیحت سے منھ موڑ رہے ہیں.

سورۃ Al-Muddaththir [74]: 49 · ترجمہ: محمد جوناگڑھی (QuranEnc v1.1.3)

74:50

المدثر · آیت 50

كَأَنَّهُمْ حُمُرٌ مُّسْتَنفِرَةٌ

گویا کہ وه بِدکے ہوئے گدھے ہیں.

سورۃ Al-Muddaththir [74]: 50 · ترجمہ: محمد جوناگڑھی (QuranEnc v1.1.3)

74:51

المدثر · آیت 51

فَرَّتْ مِن قَسْوَرَةٍۭ

جو شیر سے بھاگے ہوں.[1]

مترجم کے حواشی

[1] یعنی یہ حق سے نفرت اور اعراض کرنے میں ایسے ہیں جیسے وحشی، خوف زدہ گدھے، شیر سے بھاگتے ہیں جب وہ ان کا شکار کرنا چاہیے۔قسورۃ'بمعنی شیر بعض نے تئر انداز معنی بھی کئے ہیں ۔

سورۃ Al-Muddaththir [74]: 51 · ترجمہ: محمد جوناگڑھی (QuranEnc v1.1.3)

74:52

المدثر · آیت 52

بَلْ يُرِيدُ كُلُّ ٱمْرِئٍ مِّنْهُمْ أَن يُؤْتَىٰ صُحُفًا مُّنَشَّرَةً

بلکہ ان میں سے ہر شخص چاہتا ہے کہ اسے کھلی ہوئی کتابیں دی جائیں.[1]

مترجم کے حواشی

[1] یعنی ہر ایک کے ہاتھ میں اللہ کی طرف سے ایک ایک کتاب مفتوح نازل ہو جس میں لکھا ہو کہ محمد (صلی اللہ علیہ وسلم) اللہ کے رسول ہیں۔ بعض نے اس کا مفہوم یہ بیان کیا ہے کہ بغیر عمل کے یہ عذاب سے چھٹکارہ چاہتے ہیں، یعنی ہر ایک کو پروانہ نجات مل جائے۔ (ابن کثیر)

سورۃ Al-Muddaththir [74]: 52 · ترجمہ: محمد جوناگڑھی (QuranEnc v1.1.3)

74:53

المدثر · آیت 53

كَلَّا بَل لَّا يَخَافُونَ ٱلْـَٔاخِرَةَ

ہرگز ایسا نہیں (ہوسکتا بلکہ) یہ قیامت سے بے خوف ہیں.[1]

مترجم کے حواشی

[1] یعنی ان کے فساد کی وجہ سے ان کا آخرت پر عدم ایمان اور اس کی تکذیب ہے جس نے انہیں بےخوف کر دیا ہے۔

سورۃ Al-Muddaththir [74]: 53 · ترجمہ: محمد جوناگڑھی (QuranEnc v1.1.3)

74:54

المدثر · آیت 54

كَلَّآ إِنَّهُۥ تَذْكِرَةٌ

سچی بات تو یہ ہے کہ یہ (قرآن) ایک نصیحت ہے.[1]

مترجم کے حواشی

[1] لیکن اس کے لئے جو اس قرآن کے واعظ اور نصیحت سے عبرت حاصل کرنا چاہے۔

سورۃ Al-Muddaththir [74]: 54 · ترجمہ: محمد جوناگڑھی (QuranEnc v1.1.3)

74:55

المدثر · آیت 55

فَمَن شَآءَ ذَكَرَهُۥ

اب جو چاہے اس سے نصیحت حاصل کرے.

سورۃ Al-Muddaththir [74]: 55 · ترجمہ: محمد جوناگڑھی (QuranEnc v1.1.3)

74:56

المدثر · آیت 56

وَمَا يَذْكُرُونَ إِلَّآ أَن يَشَآءَ ٱللَّهُ هُوَ أَهْلُ ٱلتَّقْوَىٰ وَأَهْلُ ٱلْمَغْفِرَةِ

اور وه اس وقت نصیحت حاصل کریں گے جب اللہ تعالیٰ چاہے[1] ، وه اسی ﻻئق ہے کہ اس سے ڈریں اور اس ﻻئق بھی کہ وه بخشے.[2]

مترجم کے حواشی

[1] یعنی اس قرآن سے ہدایت اور نصیحت اسے ہی حاصل ہوگی جسے اللہ چاہے گا۔ [2] یعنی وہ اللہ ہی اس لائق ہے اس سے ڈرا جائے اور وہی معاف کرنے کے اختیارات رکھتا ہے۔ اس لئے وہی اس بات کا مستحق ہے کہ اس کی اطاعت کی جائے اور اسکی نافرمانی سے بچا جائے تاکہ انسان اس کی مغفرت و رحمت کا سزاوار قرار پائے۔

سورۃ Al-Muddaththir [74]: 56 · ترجمہ: محمد جوناگڑھی (QuranEnc v1.1.3)

اکثر پوچھے جانے والے سوالات

سورۃ المدثر میں کتنی آیات ہیں؟

56 آیات۔ المدثر قرآن کی 74ویں سورۃ ہے اور مکی ہے۔

سورۃ المدثر کس پارے میں ہے؟

پارہ 29۔ اس کی پہلی آیت مصحفِ مدینہ کے صفحہ 575 پر ہے۔

المدثر کے نام کا کیا مطلب ہے؟

المدثر کا مطلب “کپڑا اوڑھنے والا” ہے۔

عربی متن اور ترجمہ کہاں سے لیا گیا ہے؟

عربی متن تنزیل (رسمِ عثمانی، ورژن 1.1) سے اور ترجمہ ترجمہ: محمد جوناگڑھی (QuranEnc v1.1.3) سے۔ دونوں بغیر کسی تبدیلی کے دکھائے گئے ہیں۔

متن کے مآخذ

عربی متن · Tanzil Project (tanzil.net)، رسمِ عثمانی ورژن 1.1، CC BY 3.0، بغیر تبدیلی کے نقل
ترجمہ · Urdu Translation - Muhammad Junagarhi · QuranEnc.com v1.1.3
پارے اور صفحات · Tanzil Quran Metadata 1.0 (مصحفِ مدینہ، 604 صفحات)، CC BY 3.0