تمام ممالک اور زبانیں
ملک کے مطابق حساب کا طریقہ، عصر کا مسلک اور ہجری تاریخ طے ہوتی ہے۔
بھیجی جانے والی ہوائیں · 50 آیات · مکی · پارہ 29 · صفحہ 580
سورۃ المرسلات قرآن مجید کی 77ویں سورۃ ہے، اس میں 50 آیات ہیں اور یہ مکی ہے۔ یہ سورۃ پارہ 29 میں، مصحفِ مدینہ کے صفحہ 580 سے شروع ہوتی ہے۔ اس کے نام کا مطلب “بھیجی جانے والی ہوائیں” ہے اور ترتیبِ نزول میں اس کا نمبر 33 ہے۔ عربی متن تنزیل کے عثمانی رسم الخط کے مطابق اور ترجمہ ترجمہ: محمد جوناگڑھی (QuranEnc v1.1.3) ہے۔
قرآن کے کسی صفحے پر اشتہار نہیں۔
بِسْمِ ٱللَّهِ ٱلرَّحْمَٰنِ ٱلرَّحِيمِ
وَٱلْمُرْسَلَٰتِ عُرْفًا
دل خوش کن چلتی ہواؤں کی قسم.[1]
[1] اس مفہوم کے اعتبار سے عرفاً کے معنی پے درپے ہوں گے۔ بعض نے مرسلات سے فرشتے یا انبیا مراد لیے ہیں۔ اس صورت میں عرفاً کے معنی وحی الہی‘ یا احکام شریعت ہوں گے۔ یہ مفعول لہ ہوگا لأجل العرف یا منصوب بنزع الخافض- بالعُرفِ
سورۃ المرسلات [77]: 1 · ترجمہ: محمد جوناگڑھی (QuranEnc v1.1.3)
فَٱلْعَٰصِفَٰتِ عَصْفًا
پھر زور سے جھونکا دینے والیوں کی قسم.[1]
[1] یا فرشتے مراد ہیں، جو بعض دفعہ ہواؤں کے عذاب کے ساتھ بھیجے جاتے ہیں۔
سورۃ المرسلات [77]: 2 · ترجمہ: محمد جوناگڑھی (QuranEnc v1.1.3)
وَٱلنَّٰشِرَٰتِ نَشْرًا
پھر (ابر کو) ابھار کر پراگنده کرنے والیوں[1] کی قسم.[2]
[1] یا فرشتے مراد ہیں، جو بعض دفعہ ہواؤں کے عذاب کے ساتھ بھیجے جاتے ہیں۔ [2] یا ان فرشتوں کی قسم، جو بادلوں کو منتشر کرتے ہیں یا فضائے آسمانی میں اپنے پر پھیلاتے ہیں۔ تاہم امام ابن کثیر اور امام طبری نے ان تینوں ہوائیں مراد لینے کو راجح قرار دیا ہے، جیسے کہ ترجمے میں بھی اسی کو اختیار کیا ہے۔
سورۃ المرسلات [77]: 3 · ترجمہ: محمد جوناگڑھی (QuranEnc v1.1.3)
فَٱلْفَٰرِقَٰتِ فَرْقًا
پھر حق وباطل کو جدا جدا کر دینے والے.[1]
[1] یعنی ان فرشتوں کی قسم جو حق و باطل کے درمیان فرق کرنے والے احکام لے کر اترتے ہیں۔ یا مراد آیات قرآنیہ ہیں، جن سے حق و باطل اور حلال و حرام کی تمیز ہوتی ہے یا رسول مراد ہیں جو وحی الٰہی کے ذریعے سے حق و باطل کے درمیان فرق واضح کرتے ہیں۔
سورۃ المرسلات [77]: 4 · ترجمہ: محمد جوناگڑھی (QuranEnc v1.1.3)
فَٱلْمُلْقِيَٰتِ ذِكْرًا
اور وحی ﻻنے والے فرشتوں کی قسم.[1]
[1] جو اللہ کا کلام پیغمبروں تک پہنچاتے ہیں یا رسول مراد ہیں جو اللہ کی طرف سے نازل کردہ وحی، اپنی امتوں کو پہنچاتے ہیں۔
سورۃ المرسلات [77]: 5 · ترجمہ: محمد جوناگڑھی (QuranEnc v1.1.3)
عُذْرًا أَوْ نُذْرًا
جو (وحی) الزام اتارنے یا آگاه کردینے کے لیے ہوتی ہے.[1]
[1] دونوں مفعول لہ ہیں، لأجل العذار والإنذار یعنی فرشتے وحی لے کر آتے ہیں تاکہ لوگوں پر دلیل قائم ہو جائے اور یہ عذر باقی نہ رہے کہ ہمارے پاس تو کوئی اللہ کا پیغام ہی لے کر نہیں آیا یا مقصد ڈرانا ہے ان کو جو انکار یا کفر کرنے والے ہوں گے۔ یا معنی ہیں مومنوں کے لئے خوشخبری، اور کافروں کے لئے ڈراوا۔ امام شوکانی فرماتے ہیں کہ مرسلات، عاصفات، اور ناشرات سے مراد ہوائیں اور فارقات، اور ملقیات سے فرشتے ہیں۔ یہی بات راجح ہے۔
سورۃ المرسلات [77]: 6 · ترجمہ: محمد جوناگڑھی (QuranEnc v1.1.3)
إِنَّمَا تُوعَدُونَ لَوَٰقِعٌ
جس چیز کا تم سے وعده کیا جاتا ہے وہ یقیناً ہونے والی ہے.[1]
[1] قسموں سے مراد، مقسم علیہ کی اہمیت سامعین پر واضح کرنا اور اس کی صداقت کو ظاہر کرنا ہوتا ہے۔ مقسم علیہ (یا جواب قسم) یہ ہے کہ تم سے قیامت کا جو وعدہ کیا جاتا ہے، وہ یقینا واضح ہونے والی ہے، یعنی اس میں شک کرنے کی نہیں بلکہ اس کے لئے تیاری کرنے کی ضرورت ہے۔ یہ قیامت کب واقع ہوگی؟ اگلی سورت میں اس کو واضح کیا جا رہا ہے۔
سورۃ المرسلات [77]: 7 · ترجمہ: محمد جوناگڑھی (QuranEnc v1.1.3)
فَإِذَا ٱلنُّجُومُ طُمِسَتْ
پس جب ستارے بے نور کردئے جائیں گے.[1]
[1] طَمْس کے معنی مٹ جانے اور بےنشان ہونے کے ہیں، یعنی جب ستاروں کی روشنی ختم بلکہ ان کا نشان تک مٹ جائے گا۔
سورۃ المرسلات [77]: 8 · ترجمہ: محمد جوناگڑھی (QuranEnc v1.1.3)
وَإِذَا ٱلسَّمَآءُ فُرِجَتْ
اور جب آسمان توڑ پھوڑ دیا جائے گا.
سورۃ المرسلات [77]: 9 · ترجمہ: محمد جوناگڑھی (QuranEnc v1.1.3)
وَإِذَا ٱلْجِبَالُ نُسِفَتْ
اور جب پہاڑ ٹکڑے ٹکڑے کر کے اڑا دیئے جائیں گے.[1]
[1] یعنی انہیں زمین سے اکھیڑ کر ریزہ ریزہ کر دیا جائے گا اور زمین بالکل صاف اور ہموار کر دی جائے گی۔
سورۃ المرسلات [77]: 10 · ترجمہ: محمد جوناگڑھی (QuranEnc v1.1.3)
وَإِذَا ٱلرُّسُلُ أُقِّتَتْ
اور جب رسولوں کو وقت مقرره پر ﻻیا جائے گا.[1]
[1] یعنی فصل وقضا کے لیے ان کے بیانات سن کر ان کی قوموں کے بارے میں فیصلہ کیا جائے گا۔
سورۃ المرسلات [77]: 11 · ترجمہ: محمد جوناگڑھی (QuranEnc v1.1.3)
لِأَىِّ يَوْمٍ أُجِّلَتْ
کس دن کے لیے (ان سب کو) مؤخر کیا گیا ہے؟[1]
[1] یہ استفہام تعظیم اور تعجب کے لئے ہےیعنی کیسے عظیم دن کے لئے، جس کی شدت اور ہولناکی، لوگوں کے لئے سخت تعجب انگیز ہوگی، ان پیغمبروں کے جمع ہونے کا وقت دیا گیا ہے۔
سورۃ المرسلات [77]: 12 · ترجمہ: محمد جوناگڑھی (QuranEnc v1.1.3)
لِيَوْمِ ٱلْفَصْلِ
فیصلے کے دن کے لیے.[1]
[1] یعنی جس دن لوگوں کے درمیان فیصلہ کیا جائے گا کوئی جنت میں اور کوئی دوزخ میں جائے گا۔
سورۃ المرسلات [77]: 13 · ترجمہ: محمد جوناگڑھی (QuranEnc v1.1.3)
وَمَآ أَدْرَىٰكَ مَا يَوْمُ ٱلْفَصْلِ
اور تجھے کیا معلوم کہ فیصلے کا دن کیا ہے؟
سورۃ المرسلات [77]: 14 · ترجمہ: محمد جوناگڑھی (QuranEnc v1.1.3)
وَيْلٌ يَوْمَئِذٍ لِّلْمُكَذِّبِينَ
اس دن جھٹلانے والوں کی خرابی ہے.[1]
[1] یعنی ہلاکت ہے بعض کہتے ہیں "ویل"جہنم کی ایک وادی کا نام ہے، یہ آیت اس سورت میں بار بار دہرائی گئی ہے۔ اس لیے کہ ہر مکذب کا جرم ایک دوسرے سے مختلف نوعیت کا ہوگا اور اسی حساب سے عذاب کی نوعیتیں بھی مختلف ہوں گی، بنابریں اسی ویل کی مختلف قسمیں ہیں جسے مختلف مکذبین کے لیے الگ الگ بیان کیا گیا ہے۔ (فتح القدیر)
سورۃ المرسلات [77]: 15 · ترجمہ: محمد جوناگڑھی (QuranEnc v1.1.3)
أَلَمْ نُهْلِكِ ٱلْأَوَّلِينَ
کیا ہم نے اگلوں کو ہلاک نہیں کیا؟
سورۃ المرسلات [77]: 16 · ترجمہ: محمد جوناگڑھی (QuranEnc v1.1.3)
ثُمَّ نُتْبِعُهُمُ ٱلْـَٔاخِرِينَ
پھر ہم ان کے بعد پچھلوں کو ﻻئے.[1]
[1] یعنی کفار مکہ اور ان کے ہم مشرب، جنہوں نے رسول اللہ (صلى الله عليه وسلم) کی تکذیب کی۔
سورۃ المرسلات [77]: 17 · ترجمہ: محمد جوناگڑھی (QuranEnc v1.1.3)
كَذَٰلِكَ نَفْعَلُ بِٱلْمُجْرِمِينَ
ہم گنہگاروں کے ساتھ اسی طرح کرتے ہیں.[1]
[1] یعنی سزا دیتے ہیں دنیا میں اور آخرت میں۔
سورۃ المرسلات [77]: 18 · ترجمہ: محمد جوناگڑھی (QuranEnc v1.1.3)
وَيْلٌ يَوْمَئِذٍ لِّلْمُكَذِّبِينَ
اس دن جھٹلانے والوں کے لیے ویل (افسوس) ہے.
سورۃ المرسلات [77]: 19 · ترجمہ: محمد جوناگڑھی (QuranEnc v1.1.3)
أَلَمْ نَخْلُقكُّم مِّن مَّآءٍ مَّهِينٍ
کیا ہم نے تمہیں حقیر پانی سے (منی سے) پیدا نہیں کیا.
سورۃ المرسلات [77]: 20 · ترجمہ: محمد جوناگڑھی (QuranEnc v1.1.3)
فَجَعَلْنَٰهُ فِى قَرَارٍ مَّكِينٍ
پھر ہم نے اسے مضبوط ومحفوظ جگہ میں رکھا.[1]
[1] یعنی رحم مادر میں۔
سورۃ المرسلات [77]: 21 · ترجمہ: محمد جوناگڑھی (QuranEnc v1.1.3)
إِلَىٰ قَدَرٍ مَّعْلُومٍ
ایک مقرره وقت تک.[1]
[1] یعنی مدت حمل تک نو یا چھ مہینے۔
سورۃ المرسلات [77]: 22 · ترجمہ: محمد جوناگڑھی (QuranEnc v1.1.3)
فَقَدَرْنَا فَنِعْمَ ٱلْقَٰدِرُونَ
پھر ہم نے اندازه کیا[1] اور ہم کیا خوب اندازه کرنے والے ہیں.
[1] یعنی رحم مادر میں جسمانی ساخت و ترکیب و صحیح اندازہ کیا کہ دونوں آنکھوں، دونوں ہاتھوں اور دونوں پیروں اور دونوں کانوں کے درمیان اور دیگر اعضا کا ایک دوسرے کے درمیان کتنا فاصلہ رہنا چاہیئے۔
سورۃ المرسلات [77]: 23 · ترجمہ: محمد جوناگڑھی (QuranEnc v1.1.3)
وَيْلٌ يَوْمَئِذٍ لِّلْمُكَذِّبِينَ
اس دن تکذیب کرنے والوں کی خرابی ہے.
سورۃ المرسلات [77]: 24 · ترجمہ: محمد جوناگڑھی (QuranEnc v1.1.3)
أَلَمْ نَجْعَلِ ٱلْأَرْضَ كِفَاتًا
کیا ہم نے زمین کو سمیٹنے والی نہیں بنایا؟
سورۃ المرسلات [77]: 25 · ترجمہ: محمد جوناگڑھی (QuranEnc v1.1.3)
أَحْيَآءً وَأَمْوَٰتًا
زندوں کو بھی اور مردوں کو بھی.[1]
[1] یعنی زمین زندوں کو اپنی پشت پر اور مردوں کو اپنے اندر سمیٹ لیتی ہے۔
سورۃ المرسلات [77]: 26 · ترجمہ: محمد جوناگڑھی (QuranEnc v1.1.3)
وَجَعَلْنَا فِيهَا رَوَٰسِىَ شَٰمِخَٰتٍ وَأَسْقَيْنَٰكُم مَّآءً فُرَاتًا
اور ہم نے اس میں بلند وبھاری پہاڑ بنادیے[1] اور تمہیں سیراب کرنے واﻻ میٹھا پانی پلایا.
[1] رواسي راسية کی جمع۔ ثاوبت، جمے ہوئے پہاڑ، شامخات، بلند۔
سورۃ المرسلات [77]: 27 · ترجمہ: محمد جوناگڑھی (QuranEnc v1.1.3)
وَيْلٌ يَوْمَئِذٍ لِّلْمُكَذِّبِينَ
اس دن جھٹلانے والوں کے لیے وائے اور افسوس ہے.
سورۃ المرسلات [77]: 28 · ترجمہ: محمد جوناگڑھی (QuranEnc v1.1.3)
ٱنطَلِقُوٓا۟ إِلَىٰ مَا كُنتُم بِهِۦ تُكَذِّبُونَ
اس دوزخ کی طرف جاؤ جسے تم جھٹلاتے رہے تھے.[1]
[1] یہ فرشتے جہنمیوں کو کہیں گے۔
سورۃ المرسلات [77]: 29 · ترجمہ: محمد جوناگڑھی (QuranEnc v1.1.3)
ٱنطَلِقُوٓا۟ إِلَىٰ ظِلٍّ ذِى ثَلَٰثِ شُعَبٍ
چلو تین شاخوں والے سائے کی طرف.[1]
[1] جہنم سے جو دھواں آئے گا وہ بلند ہو کر تین طرفوں میں پھیل جائے گا، یعنی جس طرح دیوار یا درخت کا سایہ ہوتا ہے، یہ دھواں حقیقت میں اس طرح کا سایہ نہیں ہوگا جس میں جہنمی کچھ سکون حاصل کرلیں۔
سورۃ المرسلات [77]: 30 · ترجمہ: محمد جوناگڑھی (QuranEnc v1.1.3)
لَّا ظَلِيلٍ وَلَا يُغْنِى مِنَ ٱللَّهَبِ
جو در اصل نہ سایہ دینے واﻻ ہے اور نہ شعلے سے بچاسکتا ہے.[1]
[1] یعنی جہنم کی حرارت سے بچنا بھی ممکن نہیں ہوگا۔
سورۃ المرسلات [77]: 31 · ترجمہ: محمد جوناگڑھی (QuranEnc v1.1.3)
إِنَّهَا تَرْمِى بِشَرَرٍ كَٱلْقَصْرِ
یقیناً دوزخ چنگاریاں پھینکتی ہے جو مثل محل کے ہیں.[1]
[1] اس کا ایک ترجمہ ہے جو لکڑی کے بوٹے یعنی بھاری ٹکڑے کے مثل ہیں۔ (بوٹے بمعنی شہتیر کے ٹکڑے، جسے گیلی بھی کہتے ہیں)۔
سورۃ المرسلات [77]: 32 · ترجمہ: محمد جوناگڑھی (QuranEnc v1.1.3)
كَأَنَّهُۥ جِمَٰلَتٌ صُفْرٌ
گویا کہ وه زرد اونٹ ہیں.[1]
[1] صفر، أصفر (زرد) کی جمع ہے، لیکن عرب میں اس کا استعمال اسود کے معنی میں بھی ہے۔ اس معنی کی بناء پر مطلب یہ ہے کہ اس کی ایک ایک چنگاڑی اتنی اتنی بڑی ہوگی جیسے محل یا قلعہ۔ پھر ہر چنگاڑی کے مذید اتنے بڑے بڑے ٹکڑے ہو جائیں گے جیسے اونٹ ہوتے ہیں۔
سورۃ المرسلات [77]: 33 · ترجمہ: محمد جوناگڑھی (QuranEnc v1.1.3)
وَيْلٌ يَوْمَئِذٍ لِّلْمُكَذِّبِينَ
آج ان جھٹلانے والوں کی درگت ہے.
سورۃ المرسلات [77]: 34 · ترجمہ: محمد جوناگڑھی (QuranEnc v1.1.3)
هَٰذَا يَوْمُ لَا يَنطِقُونَ
آج (کا دن) وه دن ہے کہ یہ بول بھی نہ سکیں گے.[1]
[1] محشر میں کافروں کی مختلف حالتیں ہوں گی۔ ایک وقت وہ ہوگا کہ وہ وہاں بھی جھوٹ بولیں گے پھر اللہ ان کے مونہوں پر مہر لگا دے گا اور ان کے ہاتھ پاؤں گواہی دیں گے پھر جس وقت ان کو جہنم میں لے جایا جارہا ہوگا اس وقت عالم اضطراب وپریشانی میں ان کی زبانیں بھی گنگ ہو جائیں گی۔ بعض کہتے ہیں کہ بولیں گے تو سہی لیکن ان کے پاس حجت کوئی نہیں ہوگی۔ گویا ان کو بات کرنی ہی نہیں آئے گی۔ جیسے ہم دنیا میں ایسے شخص کی بابت کہتے ہیں جس کے پاس کوئی تسلی بخش دلیل نہیں ہوتی، وہ تو ہمارے سامنے بول ہی نہیں سکا۔
سورۃ المرسلات [77]: 35 · ترجمہ: محمد جوناگڑھی (QuranEnc v1.1.3)
وَلَا يُؤْذَنُ لَهُمْ فَيَعْتَذِرُونَ
نہ انہیں معذرت کی اجازت دی جائے گی.[1]
[1] مطلب یہ ہے کہ ان کے پاس پیش کرنے کے لیے معقول عذر ہی نہیں ہوگا جسے وہ پیش کرسکیں گے۔
سورۃ المرسلات [77]: 36 · ترجمہ: محمد جوناگڑھی (QuranEnc v1.1.3)
وَيْلٌ يَوْمَئِذٍ لِّلْمُكَذِّبِينَ
اس دن جھٹلانے والوں کی خرابی ہے۔
سورۃ المرسلات [77]: 37 · ترجمہ: محمد جوناگڑھی (QuranEnc v1.1.3)
هَٰذَا يَوْمُ ٱلْفَصْلِ جَمَعْنَٰكُمْ وَٱلْأَوَّلِينَ
یہ ہے فیصلے کا دن ہم نے تمہیں اور اگلوں کو سب کو جمع کرلیا ہے.[1]
[1] یہ اللہ کے بندوں سے خطاب فرمائے گا کہ ہم نے تمہیں اپنی قدرت کاملہ سے فیصلہ کرنے کے لئے ایک ہی میدان میں جمع کر لیا۔
سورۃ المرسلات [77]: 38 · ترجمہ: محمد جوناگڑھی (QuranEnc v1.1.3)
فَإِن كَانَ لَكُمْ كَيْدٌ فَكِيدُونِ
پس اگر تم مجھ سے کوئی چال چل سکتے ہو تو چل لو.[1]
[1] یہ سخت وعید اور تہدید ہے کہ اگر تم میری گرفت سے بچ سکتے ہو اور میرے حکم سے نکل سکتے ہو تو بچ اور نکل کے دکھاؤ۔ لیکن وہاں کس میں یہ طاقت ہوگی؟ یہ آیت بھی ایسے ہی ہے، جیسے یہ آیت ہے «يَا مَعْشَرَ الْجِنِّ وَالْإِنْسِ إِنِ اسْتَطَعْتُمْ...» (الرحمٰن: 33)
سورۃ المرسلات [77]: 39 · ترجمہ: محمد جوناگڑھی (QuranEnc v1.1.3)
وَيْلٌ يَوْمَئِذٍ لِّلْمُكَذِّبِينَ
وائے ہے اس دن جھٹلانے والوں کے لیے.
سورۃ المرسلات [77]: 40 · ترجمہ: محمد جوناگڑھی (QuranEnc v1.1.3)
إِنَّ ٱلْمُتَّقِينَ فِى ظِلَٰلٍ وَعُيُونٍ
بیشک پرہیزگار لوگ سایوں میں ہیں[1] اور بہتے چشموں میں.
[1] یعنی درختوں اور محلات کے سائے، آگ کے دھوئیں کا سایہ نہیں ہوگا جیسے مشرکین کے لئے ہوگا۔
سورۃ المرسلات [77]: 41 · ترجمہ: محمد جوناگڑھی (QuranEnc v1.1.3)
وَفَوَٰكِهَ مِمَّا يَشْتَهُونَ
اور ان میووں میں جن کی وه خواہش کریں.[1]
[1] ہر قسم کے پھل، جب بھی خواہش کریں گے، آ موجود ہونگے۔
سورۃ المرسلات [77]: 42 · ترجمہ: محمد جوناگڑھی (QuranEnc v1.1.3)
كُلُوا۟ وَٱشْرَبُوا۟ هَنِيٓـًٔۢا بِمَا كُنتُمْ تَعْمَلُونَ
(اے جنتیو!) کھاؤ پیو مزے سےاپنے کیے ہوئے اعمال کے بدلے.[1]
[1] یہ بطور احسان انہیں کہا جائے گا۔ بما کنتم میں با سبب کے لئے ہے یعنی جنت کی یہ نعمتیں ان اعمال صالحہ کی وجہ سے تمہیں ملی ہیں جو تم دنیا میں کرتے تھے اس کا مطلب یہ ہے کہ اللہ کی رحمت کے حصول کا ذریعہ جس کی وجہ سے انسان جنت میں داخل ہوگا اعمال صالحہ ہیں۔ جو لوگ عمل صالح کے بغیر اللہ کی رحمت کی امید رکھتے ہیں ان کی مثال ایسے ہے جیسے کوئی زمین میں ہل چلائے اور بیج بوئے بغیر فصل کا امیدوار ہو یا تخم حنظل بوکر خوش ذائقہ پھلوں کی امید رکھے۔
سورۃ المرسلات [77]: 43 · ترجمہ: محمد جوناگڑھی (QuranEnc v1.1.3)
إِنَّا كَذَٰلِكَ نَجْزِى ٱلْمُحْسِنِينَ
یقیناً ہم نیکی کرنے والوں کو اسی طرح جزا دیتے ہیں.[1]
[1] اس میں بھی اس امر کی ترغیب و تلقین ہے کہ اگر آخرت میں حسن انجام کے طالب ہو تو دنیا میں نیکی اور بھلائی کا راستہ اپناؤ۔
سورۃ المرسلات [77]: 44 · ترجمہ: محمد جوناگڑھی (QuranEnc v1.1.3)
وَيْلٌ يَوْمَئِذٍ لِّلْمُكَذِّبِينَ
اس دن سچا نہ جاننے والوں کے لیے ویل (افسوس) ہے.[1]
[1] کہ اہل تقویٰ کے حصے میں جنت کی نعمتیں آئیں اور ان کے حصے میں بڑی بد بختی۔
سورۃ المرسلات [77]: 45 · ترجمہ: محمد جوناگڑھی (QuranEnc v1.1.3)
كُلُوا۟ وَتَمَتَّعُوا۟ قَلِيلًا إِنَّكُم مُّجْرِمُونَ
(اے جھٹلانے والو) تم دنیا میں تھوڑا سا کھا لو اور فائده اٹھا لو بیشک تم گنہگار ہو.[1]
[1] یہ مکذبین قیامت کو خطاب ہے اور یہ امر، تہدید و وعید کے لئے ہے، یعنی اچھا چند روز خوب عیش کر لو، تم جیسے مجرمین کے لئے شکنجہ عذاب تیار ہے۔
سورۃ المرسلات [77]: 46 · ترجمہ: محمد جوناگڑھی (QuranEnc v1.1.3)
وَيْلٌ يَوْمَئِذٍ لِّلْمُكَذِّبِينَ
اس دن جھٹلانے والوں کے لیے سخت ہلاکت ہے.
سورۃ المرسلات [77]: 47 · ترجمہ: محمد جوناگڑھی (QuranEnc v1.1.3)
وَإِذَا قِيلَ لَهُمُ ٱرْكَعُوا۟ لَا يَرْكَعُونَ
ان سے جب کہا جاتا ہے کہ رکوع کر لو تو نہیں کرتے.[1]
[1] یعنی جب ان کو نماز پڑھنے کا حکم دیا جاتا ہے، تو نماز نہیں پڑھتے۔
سورۃ المرسلات [77]: 48 · ترجمہ: محمد جوناگڑھی (QuranEnc v1.1.3)
وَيْلٌ يَوْمَئِذٍ لِّلْمُكَذِّبِينَ
اس دن جھٹلانے والوں کی تباہی ہے.[1]
[1] یعنی ان کے لیے جو اللہ کے اوامر ونواہی کو نہیں مانتے۔
سورۃ المرسلات [77]: 49 · ترجمہ: محمد جوناگڑھی (QuranEnc v1.1.3)
فَبِأَىِّ حَدِيثٍۭ بَعْدَهُۥ يُؤْمِنُونَ
اب اس قرآن کے بعد کس بات پر ایمان ﻻئیں گے؟[1]
[1] یعنی جب قرآن پر ایمان نہیں لائیں گے تو اس کے بعد اور کون سا کلام ہے جس پر ایمان لائیں گے؟ یہاں بھی حدیث کا اطلاق قرآن پر ہوا ہے، جیسا کہ اور بھی بعض مقامات پر کیا گیا ہے۔ ایک ضعیف روایت میں ہے کہ جو سورۂ تین کی آخری آیت أَلَيْسَ الله... الآية پڑھے تو وہ جواب میں کہے بَلَى ٰ وَأَنَا عَلَى ذَلِكَ مِنَ الشَّاهِدِينَ، اور سورۂ قیامت کے آخر کے جواب میں بَلَى اور فَبِأَيِّ حَدِيثٍ بَعْدَهُ يُؤْمِنُونَ کے جواب میں آمَنَّا بِالله، کہے۔ (أبوداؤد، باب مقدار الرکوع والسجود، وضعیف أبی داود، ألبانی) بعض علماء کے نزدیک سامع کو بھی جواب دینا چاہیے۔
سورۃ المرسلات [77]: 50 · ترجمہ: محمد جوناگڑھی (QuranEnc v1.1.3)
50 آیات۔ المرسلات قرآن کی 77ویں سورۃ ہے اور مکی ہے۔
پارہ 29۔ اس کی پہلی آیت مصحفِ مدینہ کے صفحہ 580 پر ہے۔
المرسلات کا مطلب “بھیجی جانے والی ہوائیں” ہے۔
عربی متن تنزیل (رسمِ عثمانی، ورژن 1.1) سے اور ترجمہ ترجمہ: محمد جوناگڑھی (QuranEnc v1.1.3) سے۔ دونوں بغیر کسی تبدیلی کے دکھائے گئے ہیں۔
عربی متن · Tanzil Project (tanzil.net)، رسمِ عثمانی ورژن 1.1، CC BY 3.0، بغیر تبدیلی کے نقل
ترجمہ · Urdu Translation - Muhammad Junagarhi · QuranEnc.com v1.1.3
پارے اور صفحات · Tanzil Quran Metadata 1.0 (مصحفِ مدینہ، 604 صفحات)، CC BY 3.0