الشعراء · آیت 1
طسٓمٓ
طٰسم.
سورۃ الشعراء [26]: 1 · ترجمہ: محمد جوناگڑھی (QuranEnc v1.1.3)
26
سورۃ الشعراء
شعراٗ · 227 آیات · مکی · پارہ 19 · صفحہ 367
سورۃ الشعراء
سورۃ الشعراء قرآن مجید کی 26ویں سورۃ ہے، اس میں 227 آیات ہیں اور یہ مکی ہے۔ یہ سورۃ پارہ 19 میں، مصحفِ مدینہ کے صفحہ 367 سے شروع ہوتی ہے۔ اس کے نام کا مطلب “شعراٗ” ہے اور ترتیبِ نزول میں اس کا نمبر 47 ہے۔ عربی متن تنزیل کے عثمانی رسم الخط کے مطابق اور ترجمہ ترجمہ: محمد جوناگڑھی (QuranEnc v1.1.3) ہے۔
قرآن کے کسی صفحے پر اشتہار نہیں۔
بِسْمِ ٱللَّهِ ٱلرَّحْمَٰنِ ٱلرَّحِيمِ
الشعراء · آیت 2
تِلْكَ ءَايَٰتُ ٱلْكِتَٰبِ ٱلْمُبِينِ
یہ آیتیں روشن کتاب کی ہیں۔
سورۃ الشعراء [26]: 2 · ترجمہ: محمد جوناگڑھی (QuranEnc v1.1.3)
الشعراء · آیت 3
لَعَلَّكَ بَٰخِعٌ نَّفْسَكَ أَلَّا يَكُونُوا۟ مُؤْمِنِينَ
ان کے ایمان نہ ﻻنے پر شاید آپ تو اپنی جان کھودیں گے.[1]
مترجم کے حواشی
[1] نبی (صلى الله عليه وسلم) کو انسانیت سے جو ہمدردی اور ان کی ہدایت کے لیے جو تڑپ تھی ، اس میں اس کااظہار ہے۔
سورۃ الشعراء [26]: 3 · ترجمہ: محمد جوناگڑھی (QuranEnc v1.1.3)
الشعراء · آیت 4
إِن نَّشَأْ نُنَزِّلْ عَلَيْهِم مِّنَ ٱلسَّمَآءِ ءَايَةً فَظَلَّتْ أَعْنَٰقُهُمْ لَهَا خَٰضِعِينَ
اگر ہم چاہتے تو ان پر آسمان سے کوئی ایسی نشانی اتارتے کہ جس کے سامنے ان کی گردنیں خم ہو جاتیں.[1]
مترجم کے حواشی
[1] یعنی جسے مانے اور جس پر ایمان لائے بغیر چارہ نہ ہوتا۔ لیکن اس طرح جبر کا پہلو شامل ہو جاتا، جب کہ ہم نے انسان کو ارادہ واختیار کی آزادی دی ہے تاکہ اس کی آزمائش کی جائے۔ اس لیے ہم نے ایسی نشانی بھی اتارنے سے گریز کیا، جس سے ہمارا یہ قانون متاثر ہو۔ اور صرف انبیا ورسل بھیجنے اور کتابیں نازل کرنے پر ہی اکتفا کیا۔
سورۃ الشعراء [26]: 4 · ترجمہ: محمد جوناگڑھی (QuranEnc v1.1.3)
الشعراء · آیت 5
وَمَا يَأْتِيهِم مِّن ذِكْرٍ مِّنَ ٱلرَّحْمَٰنِ مُحْدَثٍ إِلَّا كَانُوا۟ عَنْهُ مُعْرِضِينَ
اور ان کے پاس رحمٰن کی طرف سے جو بھی نئی نصیحت آئی یہ اس سے روگردانی کرنے والے بن گئے.
سورۃ الشعراء [26]: 5 · ترجمہ: محمد جوناگڑھی (QuranEnc v1.1.3)
الشعراء · آیت 6
فَقَدْ كَذَّبُوا۟ فَسَيَأْتِيهِمْ أَنۢبَٰٓؤُا۟ مَا كَانُوا۟ بِهِۦ يَسْتَهْزِءُونَ
ان لوگوں نے جھٹلایا ہے اب ان کے پاس جلدی سے اس کی خبریں آجائیں گی جس کے ساتھ وه مسخرا پن کر رہے ہیں.[1]
مترجم کے حواشی
[1] یعنی تکذیب کے نتیجے میں ہمارا عذاب عنقریب انہیں اپنی گرفت میں لے لے گا، جسے وہ ناممکن سمجھ کر استہزا ومذاق کرتے ہیں۔ یہ عذاب دنیا میں بھی ممکن ہے، جیسا کہ کئی قومیں تباہ ہوئیں، بصورت دیگرآخرت میں تو اس سےکسی صورت چھٹکارا نہیں ہوگا۔ «مَا كَانُوا عَنْهُ مُعْرِضِين» َ نہیں کہا بلکہ «مَا كَانُوا بِه يَسْتَهْزِءُونَ» کہا۔ کیوں کہ استہزا ایک تو اعراض و تکذیب کوبھی مستلزم ہے۔ دوسرے، یہ اعراض و تکذیب سے زیادہ بڑاجرم ہے (فتح القدیر)
سورۃ الشعراء [26]: 6 · ترجمہ: محمد جوناگڑھی (QuranEnc v1.1.3)
الشعراء · آیت 7
أَوَلَمْ يَرَوْا۟ إِلَى ٱلْأَرْضِ كَمْ أَنۢبَتْنَا فِيهَا مِن كُلِّ زَوْجٍ كَرِيمٍ
کیا انہوں نے زمین پر نظریں نہیں ڈالیں؟ کہ ہم نے اس میں ہر طرح کے نفیس جوڑے کس قدر اگائے ہیں؟[1]
مترجم کے حواشی
[1] زَوْجٌ کے دوسرے معنی یہاں صنف اور نوع کے کیے گئے ہیں۔ یعنی ہر قسم کی چیزیں ہم نے پیدا کیں جو کریم ہیں یعنی انسان کےلیے بہتر اور فائدے مند ہیں جس طرح غلہ جات ہیں، پھل میوےہیں اور حیوانات وغیرہ ہیں۔
سورۃ الشعراء [26]: 7 · ترجمہ: محمد جوناگڑھی (QuranEnc v1.1.3)
الشعراء · آیت 8
إِنَّ فِى ذَٰلِكَ لَـَٔايَةً وَمَا كَانَ أَكْثَرُهُم مُّؤْمِنِينَ
بے شک اس میں یقیناً نشانی ہے[1] اور ان میں کے اکثر لوگ مومن نہیں ہیں.[2]
مترجم کے حواشی
[1] یعنی جب اللہ تعالیٰ مردہ زمین سے یہ چیزیں پیدا کرسکتا ہے، تو کیا وہ انسانوں کو دوبارہ پیدا نہیں کرسکتا۔ [2] یعنی اس کی یہ عظیم قدرت دیکھنے کے باوجود اکثر لوگ اللہ اور رسول کی تکذیب ہی کرتے ہیں، ایمان نہیں لاتے۔
سورۃ الشعراء [26]: 8 · ترجمہ: محمد جوناگڑھی (QuranEnc v1.1.3)
الشعراء · آیت 9
وَإِنَّ رَبَّكَ لَهُوَ ٱلْعَزِيزُ ٱلرَّحِيمُ
اور تیرا رب یقیناً وہی غالب اور مہربان ہے.[1]
مترجم کے حواشی
[1] یعنی ہر چیز پر اس کا غلبہ اور انتقام لینے پر وہ ہر طرح قادر ہے لیکن چوں کہ وہ رحیم بھی ہے اس لیے فوراً گرفت نہیں فرماتا بلکہ پوری مہلت دیتا ہے اور اس کے بعد مواخذ ہ کرتا ہے۔
سورۃ الشعراء [26]: 9 · ترجمہ: محمد جوناگڑھی (QuranEnc v1.1.3)
الشعراء · آیت 10
وَإِذْ نَادَىٰ رَبُّكَ مُوسَىٰٓ أَنِ ٱئْتِ ٱلْقَوْمَ ٱلظَّٰلِمِينَ
اور جب آپ کے رب نے موسیٰ (علیہ السلام) کو آواز دی کہ تو ﻇالم قوم کے پاس جا.[1]
مترجم کے حواشی
[1] یہ رب کی اس وقت کی ندا ہے جب حضرت موسیٰ (عليه السلام) مدین سے اپنی اہلیہ کے ہمراہ واپس آرہے تھے، راستے میں انہیں حرارت حاصل کرنے کے لیے آگ کی ضرورت محسوس ہوئی تو آگ کی تلاش میں کوہ طور پہنچ گئے، جہاں ندائے غیبی نے ان کااستقبال کیا اورانہیں نبوت سے سرفراز کردیاگیا اور ظالموں کواللہ کاپیغام پہنچانے کا فریضہ ان کو سونپ دیاگیا۔
سورۃ الشعراء [26]: 10 · ترجمہ: محمد جوناگڑھی (QuranEnc v1.1.3)
الشعراء · آیت 11
قَوْمَ فِرْعَوْنَ أَلَا يَتَّقُونَ
قوم فرعون کے پاس، کیا وه پرہیزگاری نہ کریں گے.
سورۃ الشعراء [26]: 11 · ترجمہ: محمد جوناگڑھی (QuranEnc v1.1.3)
الشعراء · آیت 12
قَالَ رَبِّ إِنِّىٓ أَخَافُ أَن يُكَذِّبُونِ
موسیٰ (علیہ السلام) نے کہا میرے پروردگار! مجھے تو خوف ہے کہ کہیں وه مجھے جھٹلا (نہ) دیں.
سورۃ الشعراء [26]: 12 · ترجمہ: محمد جوناگڑھی (QuranEnc v1.1.3)
الشعراء · آیت 13
وَيَضِيقُ صَدْرِى وَلَا يَنطَلِقُ لِسَانِى فَأَرْسِلْ إِلَىٰ هَٰرُونَ
اور میرا سینہ تنگ ہو رہا ہے[1] میری زبان چل نہیں رہی[2] پس تو ہارون کی طرف بھی وحی بھیج.[3]
مترجم کے حواشی
[1] اس خوف سے کہ وہ نہایت سرکش ہے، میری تکذیب کرے گا۔ اس سے معلوم ہوا کہ طبعی خوف انبیا کو بھی لاحق ہوسکتا ہے۔ [2] یہ اشارہ ہے اس بات کی طرف کہ حضرت موسیٰ (عليه السلام) زیادہ فصیح اللسان نہیں تھے۔ یا اس طرف کہ زبان پر انگارہ رکھنے کی وجہ سے لکنت پیدا ہوگئی تھی، جسے اہل تفسیر بیان کرتےہیں۔ [3] یعنی ان کی طرف جبرائیل (عليه السلام) کو وحی دے کر بھیج اور انہیں بھی وحی و نبوت سے سرفراز فرما کر میرا معاون بنا۔
سورۃ الشعراء [26]: 13 · ترجمہ: محمد جوناگڑھی (QuranEnc v1.1.3)
الشعراء · آیت 14
وَلَهُمْ عَلَىَّ ذَنۢبٌ فَأَخَافُ أَن يَقْتُلُونِ
اور ان کا مجھ پر میرے ایک قصور کا (دعویٰ) بھی ہے مجھے ڈر ہے کہ کہیں وه مجھے مار نہ ڈالیں.[1]
مترجم کے حواشی
[1] یہ اشارہ ہے اس قتل کی طرف، جو حضرت موسیٰ (عليه السلام) سے غیر ارادی طور پر ہوگیا تھا اور مقتول قبطی یعنی فرعون کی قوم سے تھا، اس لیے فرعون اس کےبدلے میں حضرت موسیٰ (عليه السلام) کو قتل کرنا چاہتا تھا، جس کی اطلاع پاکر حضرت موسیٰ (عليه السلام) مصر سے مدین چلے گئے تھے۔ اس واقعے پر اگرچہ کئی سال گزر چکے تھے، مگر فرعون کے پاس جانے میں واقعی یہ امکان موجود تھا کہ فرعون ان کو اس جرم میں پکڑ کر قتل کی سزا دینےکی کوشش کرے۔ اس لیے یہ خوف بھی بلا جواز نہیں تھا۔
سورۃ الشعراء [26]: 14 · ترجمہ: محمد جوناگڑھی (QuranEnc v1.1.3)
الشعراء · آیت 15
قَالَ كَلَّا فَٱذْهَبَا بِـَٔايَٰتِنَآ إِنَّا مَعَكُم مُّسْتَمِعُونَ
جناب باری نے فرمایا! ہرگز ایسا نہ ہوگا، تم دونوں ہماری نشانیاں لے کر جاؤ[1] ہم خود سننے والے تمہارے ساتھ ہیں.[2]
مترجم کے حواشی
[1] اللہ تعالیٰ نےتسلی دی کہ تم دونوں جاؤ، میرا پیغام اس کو پہنچاؤ، تمہیں جو اندیشے لاحق ہیں ان سے ہم تمہاری حفاظت کریں گے۔ آیات سے مراد وہ دلائل و براہین ہیں جن سے ہر پیغمبر کو آگاہ کیا جاتا ہے یا وہ معجزات ہیں جو حضرت موسیٰ (عليه السلام) کو دیئے گئے تھے، جیسے یدبیضا اور عصا۔ [2] یعنی تم جو کچھ کہو گے اور اس کے جواب میں وہ جو کچھ کہے گا، ہم سن رہے ہوں گے۔ اس لیے گھبرانے کی کوئی ضرورت نہیں ہے۔ ہم تمہیں فریضۂ رسالت سونپ کر تمہاری حفاظت سے بے پرواہ نہیں ہو جائیں گے۔ بلکہ ہماری مدد تمہارے ساتھ ہے۔ معیت کامطلب مصاحبت نہیں، بلکہ نصرت و معاونت ہے۔
سورۃ الشعراء [26]: 15 · ترجمہ: محمد جوناگڑھی (QuranEnc v1.1.3)
الشعراء · آیت 16
فَأْتِيَا فِرْعَوْنَ فَقُولَآ إِنَّا رَسُولُ رَبِّ ٱلْعَٰلَمِينَ
تم دونوں فرعون کے پاس جاکر کہو کہ بلاشبہ ہم رب العالمین کے بھیجے ہوئے ہیں.
سورۃ الشعراء [26]: 16 · ترجمہ: محمد جوناگڑھی (QuranEnc v1.1.3)
الشعراء · آیت 17
أَنْ أَرْسِلْ مَعَنَا بَنِىٓ إِسْرَٰٓءِيلَ
کہ تو ہمارے ساتھ بنی اسرائیل کو روانہ کردے.[1]
مترجم کے حواشی
[1] یعنی ایک بات یہ کہو کہ ہم تیرے پاس اپنی مرضی سے نہیں آئے بلکہ رب العالمین کے نمائندے اور اس کے رسول کی حیثیت سے آئے ہیں اور دوسری بات یہ کہ تو نے (چار سو سال سے) بنی اسرائیل کو غلام بنا رکھا ہے، ان کو آزاد کردے تاکہ میں انہیں شام کی سرز مین پر لے جاؤں، جس کا اللہ نے ان سے وعدہ کیا ہوا ہے۔
سورۃ الشعراء [26]: 17 · ترجمہ: محمد جوناگڑھی (QuranEnc v1.1.3)
الشعراء · آیت 18
قَالَ أَلَمْ نُرَبِّكَ فِينَا وَلِيدًا وَلَبِثْتَ فِينَا مِنْ عُمُرِكَ سِنِينَ
فرعون نے کہا کہ کیا ہم نے تجھے تیرے بچپن کے زمانہ میں اپنے ہاں نہیں پاﻻ تھا؟[1] اور تو نے اپنی عمر کے بہت سے سال ہم میں نہیں گزارے؟[2]
مترجم کے حواشی
[1] فرعون نے حضرت موسیٰ (عليه السلام) کی دعوت اور مطالبے پر غور کرنے کے بجائے ، ان کی تحقیر و تنقیص کرنی شروع کر دی اور کہا کہ کیا تو وہی نہیں ہے جو ہماری گود میں اور ہمارے گھر میں پلا ، جب کہ ہم بنی اسرائیل کے بچوں کو قتل کر ڈالتے تھے؟ [2] بعض کہتے ہیں کہ 18 سال فرعون کے محل میں بسر کیے، بعض کے نزدیک 30 اور بعض کے نزدیک چالیس سال۔ یعنی اتنی عمر ہمارے پاس گزارنے کے بعد، چند سال ادھر ادھر رہ کر اب تو نبوت کا دعویٰ کرنے لگا ہے؟
سورۃ الشعراء [26]: 18 · ترجمہ: محمد جوناگڑھی (QuranEnc v1.1.3)
الشعراء · آیت 19
وَفَعَلْتَ فَعْلَتَكَ ٱلَّتِى فَعَلْتَ وَأَنتَ مِنَ ٱلْكَٰفِرِينَ
پھر تو اپنا وه کام کر گیا جو کر گیا اور تو ناشکروں میں ہے.[1]
مترجم کے حواشی
[1] پھر ہمارا ہی کھا کر ہماری ہی قوم کے ایک آدمی کو قتل کرکے ہماری ناشکری بھی کی۔
سورۃ الشعراء [26]: 19 · ترجمہ: محمد جوناگڑھی (QuranEnc v1.1.3)
الشعراء · آیت 20
قَالَ فَعَلْتُهَآ إِذًا وَأَنَا۠ مِنَ ٱلضَّآلِّينَ
(حضرت) موسیٰ (علیہ السلام) نے جواب دیا کہ میں نے اس کام کو اس وقت کیا تھا جبکہ میں راه بھولے ہوئے لوگوں میں سے تھا.[1]
مترجم کے حواشی
[1] یعنی یہ قتل ارادتاً نہیں تھا بلکہ ایک گھونسہ ہی تھا جو اسے مارا گیا تھا، جس سے اس کی موت ہی واقع ہوگئی۔ علاوہ ازیں یہ واقعہ بھی نبوت سے قبل کا ہے جب کہ مجھ کو علم کی یہ روشنی نہیں دی گئی تھی۔
سورۃ الشعراء [26]: 20 · ترجمہ: محمد جوناگڑھی (QuranEnc v1.1.3)
الشعراء · آیت 21
فَفَرَرْتُ مِنكُمْ لَمَّا خِفْتُكُمْ فَوَهَبَ لِى رَبِّى حُكْمًا وَجَعَلَنِى مِنَ ٱلْمُرْسَلِينَ
پھر تم سے خوف کھا کر میں تم میں سے بھاگ گیا، پھر مجھے میرے رب نے حکم و علم عطا فرمایا اور مجھے اپنے پیغمبروں میں سے کر دیا.[1]
مترجم کے حواشی
[1] یعنی پہلے جو کچھ ہوا، اپنی جگہ، لیکن اب میں اللہ کا رسول ہوں، اگر میری اطاعت کرے گا تو بچ جائے گا، بصورت دیگر ہلاکت تیرا مقدر ہوگی۔
سورۃ الشعراء [26]: 21 · ترجمہ: محمد جوناگڑھی (QuranEnc v1.1.3)
الشعراء · آیت 22
وَتِلْكَ نِعْمَةٌ تَمُنُّهَا عَلَىَّ أَنْ عَبَّدتَّ بَنِىٓ إِسْرَٰٓءِيلَ
مجھ پر تیرا کیا یہی وه احسان ہے؟ جسے تو جتا رہا ہے جبکہ تو نے بنی اسرائیل کو غلام بنا رکھا ہے.[1]
مترجم کے حواشی
[1] یعنی یہ اچھا احسان ہے جو تو مجھے جتلا رہاہے کہ مجھے تو یقیناً تو نے غلام نہیں بنایا اور آزاد چھوڑے رکھا لیکن میری پوری قوم کو غلام بنا رکھا ہے۔ اس ظلم عظیم کے مقابلے میں اس احسان کی آخر حیثیت کیا ہے؟
سورۃ الشعراء [26]: 22 · ترجمہ: محمد جوناگڑھی (QuranEnc v1.1.3)
الشعراء · آیت 23
قَالَ فِرْعَوْنُ وَمَا رَبُّ ٱلْعَٰلَمِينَ
فرعون نے کہا رب العالمین کیا (چیز) ہے؟[1]
مترجم کے حواشی
[1] یہ اس نے بطور استفہام کے نہیں ، بلکہ استکبار اور استنکار کے طور پر کہا ، کیونکہ اس کا دعوی تو یہ تھا«مَا عَلِمْتُ لَكُمْ مِنْ إِلَهٍ غَيْرِي» (القصص۔ 38) «میں اپنے سوا تمہارے لئے کوئی اور معبود جانتا ہی نہیں»۔
سورۃ الشعراء [26]: 23 · ترجمہ: محمد جوناگڑھی (QuranEnc v1.1.3)
الشعراء · آیت 24
قَالَ رَبُّ ٱلسَّمَٰوَٰتِ وَٱلْأَرْضِ وَمَا بَيْنَهُمَآ إِن كُنتُم مُّوقِنِينَ
(حضرت) موسیٰ (علیہ السلام) نے فرمایا وه آسمانوں اور زمین اور ان کے درمیان کی تمام چیزوں کا رب ہے، اگر تم یقین رکھنے والے ہو.
سورۃ الشعراء [26]: 24 · ترجمہ: محمد جوناگڑھی (QuranEnc v1.1.3)
الشعراء · آیت 25
قَالَ لِمَنْ حَوْلَهُۥٓ أَلَا تَسْتَمِعُونَ
فرعون نے اپنے اردگرد والوں سے کہا کہ کیا تم سن نہیں رہے؟[1]
مترجم کے حواشی
[1] یعنی کیا تم اس بات پر تعجب نہیں کرتے کہ میرے سوا بھی کوئی اور معبود ہے؟
سورۃ الشعراء [26]: 25 · ترجمہ: محمد جوناگڑھی (QuranEnc v1.1.3)
الشعراء · آیت 26
قَالَ رَبُّكُمْ وَرَبُّ ءَابَآئِكُمُ ٱلْأَوَّلِينَ
(حضرت) موسیٰ (علیہ السلام) نے فرمایا وه تمہارا اور تمہارے اگلے باپ دادوں کا پروردگار ہے.
سورۃ الشعراء [26]: 26 · ترجمہ: محمد جوناگڑھی (QuranEnc v1.1.3)
الشعراء · آیت 27
قَالَ إِنَّ رَسُولَكُمُ ٱلَّذِىٓ أُرْسِلَ إِلَيْكُمْ لَمَجْنُونٌ
فرعون نے کہا (لوگو!) تمہارا یہ رسول جو تمہاری طرف بھیجا گیا ہے یہ تو یقیناً دیوانہ ہے.
سورۃ الشعراء [26]: 27 · ترجمہ: محمد جوناگڑھی (QuranEnc v1.1.3)
الشعراء · آیت 28
قَالَ رَبُّ ٱلْمَشْرِقِ وَٱلْمَغْرِبِ وَمَا بَيْنَهُمَآ إِن كُنتُمْ تَعْقِلُونَ
حضرت موسیٰ علیہ السلام نے فرمایا! وہی مشرق ومغرب کا اور ان کے درمیان کی تمام چیزوں کا رب[1] ہے، اگر تم عقل رکھتے ہو.
مترجم کے حواشی
[1] یعنی جس نے مشرق کو مشرق بنایا، جس سے کواکب طلوع ہوتے ہیں اور مغرب کو مغرب بنایا جس میں کواکب غروب ہوتے ہیں۔ اسی طرح ان کے درمیان جو کچھ ہے، ان سب کا رب اور ان کاانتظام کرنے والابھی وہی ہے۔
سورۃ الشعراء [26]: 28 · ترجمہ: محمد جوناگڑھی (QuranEnc v1.1.3)
الشعراء · آیت 29
قَالَ لَئِنِ ٱتَّخَذْتَ إِلَٰهًا غَيْرِى لَأَجْعَلَنَّكَ مِنَ ٱلْمَسْجُونِينَ
فرعون کہنے لگا سن لے! اگر تو نے میرے سوا کسی اور کو معبود بنایا تو میں تجھے قیدیوں میں ڈال دوں گا.[1]
مترجم کے حواشی
[1] فرعون نے جب دیکھا کہ موسیٰ (عليه السلام) مختلف انداز سے رب العالمین کی ربوبیت کاملہ کی وضاحت کر رہے ہیں، جس کا کوئی معقول جواب اس سےنہیں بن پارہا ہے۔ تو اس نے دلائل سے صرف نظر کرکے دھمکی دینی شروع کردی اور موسیٰ (عليه السلام) کو حوالۂ زنداں کرنے سے ڈرایا۔
سورۃ الشعراء [26]: 29 · ترجمہ: محمد جوناگڑھی (QuranEnc v1.1.3)
الشعراء · آیت 30
قَالَ أَوَلَوْ جِئْتُكَ بِشَىْءٍ مُّبِينٍ
موسیٰ (علیہ السلام) نے کہا اگرچہ میں تیرے پاس کوئی کھلی چیز لے آؤں؟[1]
مترجم کے حواشی
[1] یعنی ایسی کوئی چیز یا معجزہ جس سے واضح ہو جائے کہ میں سچا اور واقعی اللہ کا رسول ہوں، تب بھی تو میری صداقت کو تسلیم نہیں کرے گا؟
سورۃ الشعراء [26]: 30 · ترجمہ: محمد جوناگڑھی (QuranEnc v1.1.3)
الشعراء · آیت 31
قَالَ فَأْتِ بِهِۦٓ إِن كُنتَ مِنَ ٱلصَّٰدِقِينَ
فرعون نے کہا اگر تو سچوں میں سے ہے تو اسے پیش کر.
سورۃ الشعراء [26]: 31 · ترجمہ: محمد جوناگڑھی (QuranEnc v1.1.3)
الشعراء · آیت 32
فَأَلْقَىٰ عَصَاهُ فَإِذَا هِىَ ثُعْبَانٌ مُّبِينٌ
آپ نے (اسی وقت) اپنی ﻻٹھی ڈال دی جو اچانک کھلم کھلا (زبردست) اﮊدہا بن گئی.[1]
مترجم کے حواشی
[1] بعض جگہ ثُعْبَانٌ کو حَيَّةٌ اور بعض جگہ جَانٌّ کہا گیاہے۔ ثُعْبَانٌ وہ سانپ ہوتا ہے جو بڑا ہو اور جَانٌّ چھوٹے سانپ کو کہتے ہیں اور حَيَّةٌ چھوٹے بڑے دونوں قسم کےسانپوں پر بولا جاتا ہے۔ (فتح القدیر) گویا لاٹھی نے پہلے چھوٹے سانپ کی شکل اختیار کی پھر دیکھتے دیکھتے اژدھا بن گئی۔ وَاللهُ أَعْلَمُ۔
سورۃ الشعراء [26]: 32 · ترجمہ: محمد جوناگڑھی (QuranEnc v1.1.3)
الشعراء · آیت 33
وَنَزَعَ يَدَهُۥ فَإِذَا هِىَ بَيْضَآءُ لِلنَّٰظِرِينَ
اور اپنا ہاتھ کھینچ نکالا تو وه بھی اسی وقت ہر دیکھنے والے کو سفید چمکیلا نظر آنے لگا.[1]
مترجم کے حواشی
[1] یعنی گریبان سے ہاتھ نکالا تو وہ چاند کےٹکڑے کی طرح چمکتا تھا۔ یہ دوسرا معجزہ موسیٰ (عليه السلام) نے پیش کیا۔
سورۃ الشعراء [26]: 33 · ترجمہ: محمد جوناگڑھی (QuranEnc v1.1.3)
الشعراء · آیت 34
قَالَ لِلْمَلَإِ حَوْلَهُۥٓ إِنَّ هَٰذَا لَسَٰحِرٌ عَلِيمٌ
فرعون اپنے آس پاس کے سرداروں سے کہنے لگا بھئی یہ تو کوئی بڑا دانا جادوگر ہے.[1]
مترجم کے حواشی
[1] فرعون بجائے اس کے کہ ان معجزات کو دیکھ کر، حضرت موسیٰ (عليه السلام) کی تصدیق کرتا اور ایمان لاتا، اس نے تکذیب و عناد کا راستہ اختیار کیا اور حضرت موسیٰ (عليه السلام) کی بابت کہا کہ یہ تو کوئی بڑا فنکار جادوگر ہے۔
سورۃ الشعراء [26]: 34 · ترجمہ: محمد جوناگڑھی (QuranEnc v1.1.3)
الشعراء · آیت 35
يُرِيدُ أَن يُخْرِجَكُم مِّنْ أَرْضِكُم بِسِحْرِهِۦ فَمَاذَا تَأْمُرُونَ
یہ تو چاہتا ہے کہ اپنے جادو کے زور سے تمہیں تمہاری سر زمین سے ہی نکال دے، بتاؤ اب تم کیا حکم دیتے ہو.[1]
مترجم کے حواشی
[1] پھر اپنی قوم کو مزید بھڑکانے کے لیے کہاکہ وہ ان شعبدہ بازیوں کے ذریعے سے تمہیں یہاں سے نکال کر خود اس پر قابض ہونا چاہتا ہے۔ اب بتلاؤ ! تمہاری کیا رائے ہے؟ یعنی اس کے ساتھ کیا معاملہ کیا جائے؟
سورۃ الشعراء [26]: 35 · ترجمہ: محمد جوناگڑھی (QuranEnc v1.1.3)
الشعراء · آیت 36
قَالُوٓا۟ أَرْجِهْ وَأَخَاهُ وَٱبْعَثْ فِى ٱلْمَدَآئِنِ حَٰشِرِينَ
ان سب نے کہا آپ اسے اور اس کے بھائی کو مہلت دیجئے اور تمام شہروں میں ہرکارے بھیج دیجئے.
سورۃ الشعراء [26]: 36 · ترجمہ: محمد جوناگڑھی (QuranEnc v1.1.3)
الشعراء · آیت 37
يَأْتُوكَ بِكُلِّ سَحَّارٍ عَلِيمٍ
جو آپ کے پاس ذی علم جادو گروں کو لے آئیں.[1]
مترجم کے حواشی
[1] یعنی ان دونوں کو فی الحال اپنے حال پر چھوڑ دو، اور تمام شہروں سے جادوگروں کو جمع کرکے ان کا باہمی مقابلہ کیا جائے تاکہ ان کے کرتب کا جواب اور تیری تائید و نصرت ہوجائے۔ اور یہ اللہ ہی کی طر ف سے تکوینی انتظام تھا تاکہ لوگ ایک ہی جگہ جمع ہوجائیں اور ان دلائل و براہین کا بہ چشم سرخود مشاہدہ کریں، جو اللہ تعالیٰ نے حضرت موسیٰ (عليه السلام) کو عطا فرمائے تھے۔
سورۃ الشعراء [26]: 37 · ترجمہ: محمد جوناگڑھی (QuranEnc v1.1.3)
الشعراء · آیت 38
فَجُمِعَ ٱلسَّحَرَةُ لِمِيقَٰتِ يَوْمٍ مَّعْلُومٍ
پھر ایک مقرر دن کے وعدے پر تمام جادوگر جمع کیے گئے.[1]
مترجم کے حواشی
[1] چنانچہ جادوگروں کی ایک بہت بڑی تعداد مصر کے اطراف وجوانب سے جمع کر لی گئی، ان کی تعداد 12 ہزار ، 17 ہزار ، 19 ہزار ،30 ہزار اور80 ہزار (مختلف اقوال کے مطابق) بتلائی جاتی ہے۔ اصل تعداد اللہ ہی بہتر جانتا ہے۔ کیونکہ کسی مستند ماخذ میں تعداد کاذکر نہیں ہے۔ اس کی تفصیلات اس سے قبل سورۂ اعراف، سورۂ طہ میں بھی گزر چکی ہیں۔ گویا فرعون کی قوم، قبط، نے اللہ کے نور کو اپنے مونہوں سےبجھانا چاہا تھا، لیکن اللہ تعالیٰ اپنے نور کو پورا کرنا چاہتا تھا۔ چنانچہ کفروایمان کے معرکے میں ہمیشہ ایسا ہی ہوتا آیا ہے کہ جب بھی کفر خم ٹھونک کر ایمان کےمقابلے میں آتا ہے، تو ایمان کو اللہ تعالیٰ سرخروئی اور غلبہ عطا فرماتا ہے۔ جس طرح فرمایا، «بَلْ نَقْذِفُ بِالْحَقِّ عَلَى الْبَاطِلِ فَيَدْمَغُهُ فَإِذَا هُوَ زَاهِقٌ» (الأنبياء۔ 18) ”بلکہ ہم سچ کو جھوٹ پر کھینچ مارتے ہیں، پس وہ اس کا سر توڑ دیتا ہےاور جھوٹ اسی وقت نابود ہو جاتا ہے“۔
سورۃ الشعراء [26]: 38 · ترجمہ: محمد جوناگڑھی (QuranEnc v1.1.3)
الشعراء · آیت 39
وَقِيلَ لِلنَّاسِ هَلْ أَنتُم مُّجْتَمِعُونَ
اور عام لوگوں سے بھی کہہ دیا گیا کہ تم بھی مجمع میں حاضر ہوجاؤ گے؟[1]
مترجم کے حواشی
[1] یعنی عوام کو بھی تاکید کی جارہی ہے کہ تمہیں بھی یہ معرکہ دیکھنے کے لیے ضرور حاضر ہونا ہے۔
سورۃ الشعراء [26]: 39 · ترجمہ: محمد جوناگڑھی (QuranEnc v1.1.3)
الشعراء · آیت 40
لَعَلَّنَا نَتَّبِعُ ٱلسَّحَرَةَ إِن كَانُوا۟ هُمُ ٱلْغَٰلِبِينَ
تاکہ اگر جادوگر غالب آجائیں تو ہم ان ہی کی پیروی کریں.
سورۃ الشعراء [26]: 40 · ترجمہ: محمد جوناگڑھی (QuranEnc v1.1.3)
الشعراء · آیت 41
فَلَمَّا جَآءَ ٱلسَّحَرَةُ قَالُوا۟ لِفِرْعَوْنَ أَئِنَّ لَنَا لَأَجْرًا إِن كُنَّا نَحْنُ ٱلْغَٰلِبِينَ
جادوگر آکر فرعون سے کہنے لگے کہ اگر ہم جیت گئے تو ہمیں کچھ انعام بھی ملے گا؟
سورۃ الشعراء [26]: 41 · ترجمہ: محمد جوناگڑھی (QuranEnc v1.1.3)
الشعراء · آیت 42
قَالَ نَعَمْ وَإِنَّكُمْ إِذًا لَّمِنَ ٱلْمُقَرَّبِينَ
فرعون نے کہا ہاں! (بڑی خوشی سے) بلکہ ایسی صورت میں تم میرے خاص درباری بن جاؤ گے.
سورۃ الشعراء [26]: 42 · ترجمہ: محمد جوناگڑھی (QuranEnc v1.1.3)
الشعراء · آیت 43
قَالَ لَهُم مُّوسَىٰٓ أَلْقُوا۟ مَآ أَنتُم مُّلْقُونَ
(حضرت) موسیٰ (علیہ السلام) نے جادوگروں سے فرمایا جو کچھ تمہیں ڈالنا ہے ڈال دو.[1]
مترجم کے حواشی
[1] حضرت موسیٰ (عليه السلام) کی طرف سےجادوگروں کو پہلے اپنے کرتب دکھانے کےلیے کہنے میں یہ حکمت معلوم ہوتی ہے کہ ایک تو ان پر یہ واضح ہو جائے کہ اللہ کا پیغمبر اتنی بڑی تعداد میں نامی گرامی جادوگروں کے اجتماع اور ان کی ساحرانہ شعبدہ بازیوں سےخوف زدہ نہیں ہے۔ دوسرا یہ مقصد بھی ہوسکتا ہے کہ جب بعد میں اللہ کے حکم سے یہ ساری شعبدہ بازیاں آن واحد میں ختم ہوجائیں گی تو دیکھنے والوں پر اس کے اچھے اثرات مرتب ہوں گے اور شاید اس طرح زیادہ لوگ اللہ پر ایمان لے آئیں۔ چنانچہ ایسا ہی ہوا، بلکہ جادوگر ہی سب سے پہلےایمان لے آئے۔ جیسا کہ آگے آ رہا ہے۔
سورۃ الشعراء [26]: 43 · ترجمہ: محمد جوناگڑھی (QuranEnc v1.1.3)
الشعراء · آیت 44
فَأَلْقَوْا۟ حِبَالَهُمْ وَعِصِيَّهُمْ وَقَالُوا۟ بِعِزَّةِ فِرْعَوْنَ إِنَّا لَنَحْنُ ٱلْغَٰلِبُونَ
انہوں نے اپنی رسیاں اور ﻻٹھیاں ڈال دیں اور کہنے لگے عزت فرعون کی قسم! ہم یقیناً غالب ہی رہیں گے.[1]
مترجم کے حواشی
[1] جیسا کہ سورۂ اعراف اور طٰہ میں گزرا کہ ان جادوگروں نے اپنے خیال میں بہت بڑا جادو پیش کیا «سَحَرُوا أَعْيُنَ النَّاسِ وَاسْتَرْهَبُوهُمْ وَجَاءُوا بِسِحْرٍ عَظِيمٍ» (سورة الأعراف۔:116) حتیٰ کہ حضرت موسیٰ (عليه السلام) نے بھی اپنے دل میں خوف محسوس کیا، «فَأَوْجَسَ فِي نَفْسِهِ خِيفَةً مُوسَى» (طه۔ 67) چنانچہ ان جادوگروں کو اپنی کامیابی اور برتری کابڑا یقین تھا، جیسا کہ یہاں ان الفاظ سے ظاہر ہے لیکن اللہ تعالیٰ نے حضرت موسیٰ (عليه السلام) کو تسلی دی، کہ گھبرانے کی ضرورت نہیں ہے۔ ذرا اپنی لاٹھی زمین پر پھینکو اور پھر دیکھو۔ چنانچہ لاٹھی کا زمین پر پھینکنا تھا کہ اس نے ایک خوفناک اژدھے کی شکل اختیار کرلی اور ایک ایک کرکے ان کے سارے کرتبوں کو وہ نگل گیا۔ جیسا کہ اگلی آیت میں ہے۔
سورۃ الشعراء [26]: 44 · ترجمہ: محمد جوناگڑھی (QuranEnc v1.1.3)
الشعراء · آیت 45
فَأَلْقَىٰ مُوسَىٰ عَصَاهُ فَإِذَا هِىَ تَلْقَفُ مَا يَأْفِكُونَ
اب (حضرت) موسیٰ (علیہ السلام) نے بھی اپنی ﻻٹھی میدان میں ڈال دی جس نے اسی وقت ان کے جھوٹ موٹ کے کرتب کو نگلنا شروع کردیا.
سورۃ الشعراء [26]: 45 · ترجمہ: محمد جوناگڑھی (QuranEnc v1.1.3)
الشعراء · آیت 46
فَأُلْقِىَ ٱلسَّحَرَةُ سَٰجِدِينَ
یہ دیکھتے ہی دیکھتے جادوگر بے اختیار سجدے میں گر گئے.
سورۃ الشعراء [26]: 46 · ترجمہ: محمد جوناگڑھی (QuranEnc v1.1.3)
الشعراء · آیت 47
قَالُوٓا۟ ءَامَنَّا بِرَبِّ ٱلْعَٰلَمِينَ
اورانہوں نے صاف کہہ دیا کہ ہم تو اللہ رب العالمین پر ایمان ﻻئے.
سورۃ الشعراء [26]: 47 · ترجمہ: محمد جوناگڑھی (QuranEnc v1.1.3)
الشعراء · آیت 48
رَبِّ مُوسَىٰ وَهَٰرُونَ
یعنی موسیٰ (علیہ السلام) اور ہارون کے رب پر.
سورۃ الشعراء [26]: 48 · ترجمہ: محمد جوناگڑھی (QuranEnc v1.1.3)
الشعراء · آیت 49
قَالَ ءَامَنتُمْ لَهُۥ قَبْلَ أَنْ ءَاذَنَ لَكُمْ إِنَّهُۥ لَكَبِيرُكُمُ ٱلَّذِى عَلَّمَكُمُ ٱلسِّحْرَ فَلَسَوْفَ تَعْلَمُونَ لَأُقَطِّعَنَّ أَيْدِيَكُمْ وَأَرْجُلَكُم مِّنْ خِلَٰفٍ وَلَأُصَلِّبَنَّكُمْ أَجْمَعِينَ
فرعون نے کہا کہ میری اجازت سے پہلے تم اس پر ایمان لے آئے؟ یقیناً یہی تمہارا وه بڑا (سردار) ہے جس نے تم سب کو جادو سکھایا ہے[1] ، سو تمہیں ابھی ابھی معلوم ہوجائے گا، قسم ہے میں ابھی تمہارے ہاتھ پاؤں الٹے طور پر کاٹ دوں گا اور تم سب کو سولی پر لٹکا دوں گا.[2]
مترجم کے حواشی
[1] فرعون کے لیے یہ واقعہ بڑا عجیب اور نہایت حیرت ناک تھا کہ جن جادوگروں کے ذریعے سے وہ فتح و غلبے کی آس لگائے بیٹھا تھا، وہی نہ صرف مغلوب ہوگئے بلکہ موقع پر ہی وہ اس رب پر ایمان لے آئے، جس نے حضرت موسیٰ و ہارون علیہما السلام کو دلائل و معجزات دے کر بھیجا تھا۔ لیکن بجائے اس کے کہ فرعون بھی غوروفکر سےکام لیتا اور ایمان لاتا، اس نے مکابرہ اور عناد کا راستہ اختیار کیا اور جادوگروں کو ڈرانا دھمکانا شروع کردیا اورکہاکہ تم سب اسی کے شاگرد لگتے ہو اورتمہارا مقصد یہ معلوم ہوتا ہے کہ اس سازش کے ذریعے سے تم ہمیں یہاں سے بے دخل کردو، «إِنَّ هَذَا لَمَكْرٌ مَكَرْتُمُوهُ فِي الْمَدِينَةِ لِتُخْرِجُوا مِنْهَا أَهْلَهَا» (الأعراف: 123) ۔ [2] الٹے طور پر ہاتھ پاؤں کاٹنے کا مطلب، دایاں ہاتھ اور بایاں پیر یا بایاں ہاتھ اور دایاں پیر ہے۔ اس پر سولی مستزاد۔ یعنی ہاتھ پیر کاٹنے سے بھی اس کی آتش غضب ٹھنڈی نہ ہوئی، مزید اس نے سولی پر لٹکانے کا اعلان کیا۔
سورۃ الشعراء [26]: 49 · ترجمہ: محمد جوناگڑھی (QuranEnc v1.1.3)
الشعراء · آیت 50
قَالُوا۟ لَا ضَيْرَ إِنَّآ إِلَىٰ رَبِّنَا مُنقَلِبُونَ
انہوں نے کہا کوئی حرج نہیں[1] ، ہم تو اپنے رب کی طرف لوٹنے والے ہیں ہی.
مترجم کے حواشی
[1] لا ضَيْرَ کوئی حرج نہیں یا ہمیں کوئی پروا نہیں۔ یعنی اب جو سزا چاہے دے لے، ایمان سے نہیں پھر سکتے۔
سورۃ الشعراء [26]: 50 · ترجمہ: محمد جوناگڑھی (QuranEnc v1.1.3)
الشعراء · آیت 51
إِنَّا نَطْمَعُ أَن يَغْفِرَ لَنَا رَبُّنَا خَطَٰيَٰنَآ أَن كُنَّآ أَوَّلَ ٱلْمُؤْمِنِينَ
اس بنا پر کہ ہم سب سے پہلےایمان والے بنے ہیں[1] ہمیں امید پڑتی ہے کہ ہمارا رب ہماری سب خطائیں معاف فرما دے گا.
مترجم کے حواشی
[1] أَوَّلُ الْمُؤْمِنِينَ اس اعتبار سے کہا کہ فرعون کی قوم مسلمان نہیں ہوئی اور انہوں نے قبول ایمان میں سبقت کی۔
سورۃ الشعراء [26]: 51 · ترجمہ: محمد جوناگڑھی (QuranEnc v1.1.3)
الشعراء · آیت 52
وَأَوْحَيْنَآ إِلَىٰ مُوسَىٰٓ أَنْ أَسْرِ بِعِبَادِىٓ إِنَّكُم مُّتَّبَعُونَ
اور ہم نے موسیٰ کو وحی کی کہ راتوں رات میرے بندوں کو نکال لے چل تم سب پیچھا کیے جاؤ گے.[1]
مترجم کے حواشی
[1] جب بلاد مصر میں حضرت موسیٰ (عليه السلام) کا قیام لمبا ہوگیا اور ہر طرح سےانہوں نے فرعون اور اس کے درباریوں پر حجت قائم کردی۔ لیکن اس کےباوجود وہ ایمان لانے پر تیار نہیں ہوئے، تو اب اس کے سوا کوئی چارہ نہیں رہ گیا تھا کہ انہیں عذاب و نکال سے دوچار کرکے سامان عبرت بنادیا جائے۔ چنانچہ اللہ تعالیٰ نے موسیٰ (عليه السلام) کو حکم دیا کہ راتوں رات بنی اسرائیل کو لے کر یہاں سے نکل جائیں، اور فرمایاکہ فرعون تمہارے پیچھے آئے گا، گھبرانا نہیں۔
سورۃ الشعراء [26]: 52 · ترجمہ: محمد جوناگڑھی (QuranEnc v1.1.3)
الشعراء · آیت 53
فَأَرْسَلَ فِرْعَوْنُ فِى ٱلْمَدَآئِنِ حَٰشِرِينَ
فرعون نے شہروں میں ہرکاروں کو بھیج دیا.
سورۃ الشعراء [26]: 53 · ترجمہ: محمد جوناگڑھی (QuranEnc v1.1.3)
الشعراء · آیت 54
إِنَّ هَٰٓؤُلَآءِ لَشِرْذِمَةٌ قَلِيلُونَ
کہ یقیناً یہ گروه بہت ہی کم تعداد میں ہے.[1]
مترجم کے حواشی
[1] یہ بطور تحقیرکے کہا، ورنہ ان کی تعداد چھ لاکھ بتلائی جاتی ہے۔
سورۃ الشعراء [26]: 54 · ترجمہ: محمد جوناگڑھی (QuranEnc v1.1.3)
الشعراء · آیت 55
وَإِنَّهُمْ لَنَا لَغَآئِظُونَ
اور اس پر یہ ہمیں سخت غضب ناک کر رہے ہیں.[1]
مترجم کے حواشی
[1] یعنی میری اجازت کے بغیران کا یہاں سے فرار ہونا ہمارے لیے غیظ و غضب کا باعث ہے۔
سورۃ الشعراء [26]: 55 · ترجمہ: محمد جوناگڑھی (QuranEnc v1.1.3)
الشعراء · آیت 56
وَإِنَّا لَجَمِيعٌ حَٰذِرُونَ
اور یقیناً ہم بڑی جماعت ہیں ان سے چوکنا رہنے والے.[1]
مترجم کے حواشی
[1] اس لیے ان کی اس سازش کو ناکام بنانے کےلیے ہمیں مستعد ہونے کی ضرورت ہے۔
سورۃ الشعراء [26]: 56 · ترجمہ: محمد جوناگڑھی (QuranEnc v1.1.3)
الشعراء · آیت 57
فَأَخْرَجْنَٰهُم مِّن جَنَّٰتٍ وَعُيُونٍ
بالآخر ہم نےانہیں باغات سے اور چشموں سے.
سورۃ الشعراء [26]: 57 · ترجمہ: محمد جوناگڑھی (QuranEnc v1.1.3)
الشعراء · آیت 58
وَكُنُوزٍ وَمَقَامٍ كَرِيمٍ
اور خزانوں سے۔ اور اچھے اچھے مقامات سے نکال باہر کیا.[1]
مترجم کے حواشی
[1] یعنی فرعون اور اس کا لشکر بنی اسرائیل کے تعاقب میں کیا نکلا، کہ پھرپلٹ کر اپنے گھروں اور باغات میں آنا نصیب ہی نہیں ہوا۔ یوں اللہ تعالیٰ نے اپنی حکمت و مشیت سےانہیں تمام نعمتوں سے محروم کرکے ان کا وارث دوسروں کو بنادیا۔
سورۃ الشعراء [26]: 58 · ترجمہ: محمد جوناگڑھی (QuranEnc v1.1.3)
الشعراء · آیت 59
كَذَٰلِكَ وَأَوْرَثْنَٰهَا بَنِىٓ إِسْرَٰٓءِيلَ
اسی طرح ہوا اور ہم نےان (تمام) چیزوں کا وارث بنی اسرائیل کو بنا دیا.[1]
مترجم کے حواشی
[1] یعنی جو اقتدار اوربادشاہت فرعون کو حاصل تھی، وہ اس سے چھین کر ہم نےبنی اسرائیل کو عطا کردی۔ بعض کہتے ہیں کہ اس سے مراد مصر جیسا اقتدار اور دنیوی جاہ و جلال ہم نے بنی اسرائیل کو بھی عطاکیا۔ کیوں کہ بنی اسرائیل، مصر سے نکل جانے کے بعد مصر واپس نہیں آئے۔ نیز سورۂ دخان میں فرمایا گیا ہے«وَأَوْرَثْنَاهَا قَوْمًا آخَرِينَ» کہ ”ہم نے اس کا وارث کسی دوسری قوم کو بنایا“ (ایسر التفاسیر) اول الذکر اہل علم کہتے ہیں کہ قوما آخرين میں قوم کا لفظ اگرچہ عام ہے لیکن یہاں سورۂ شعراء میں جب بنی اسرائیل کو وارث بنانےکی صراحت آگئی ہے، تو اس سے مراد بھی قوم بنی اسرائیل ہی ہوگی۔ مگر خود قرآن کی صراحت کے مطابق مصر سے نکلنے کے بعد بنو اسرائیل کو ارض مقدس میں داخل ہونےکا حکم دیا گیا۔ اور ان کےانکار پر چالیس سال کے لیے یہ داخلہ موخر کرکے میدان تیہ میں بھٹکایا گیا۔ پھر وہ ارض مقدس میں داخل ہوئے چنانچہ حضرت موسیٰ (عليه السلام) کی قبر، حدیث اسراء کے مطابق بیت المقدس کے قریب ہی ہے۔ اس لیے صحیح معنی یہی ہے کہ جیسی نعمتیں آل فرعون کو مصر میں حاصل تھیں، ویسی ہی نعمتیں اب بنو اسرائیل کو عطا کی گئیں۔ لیکن مصر میں نہیں بلکہ فلسطین میں، وَاللهُ أَعْلَمُ۔
سورۃ الشعراء [26]: 59 · ترجمہ: محمد جوناگڑھی (QuranEnc v1.1.3)
الشعراء · آیت 60
فَأَتْبَعُوهُم مُّشْرِقِينَ
پس فرعونی سورج نکلتے ہی ان کے تعاقب میں نکلے.[1]
مترجم کے حواشی
[1] یعنی جب صبح ہوئی اور فرعون کو پتہ چلا کہ بنی اسرائیل راتوں رات یہاں سےنکل گئے ہیں، تو اس کے پندار اقتدار کو بڑی ٹھیس پہنچی۔ اور سورج نکلتے ہی ان کے تعاقب میں نکل کھڑا ہوا۔
سورۃ الشعراء [26]: 60 · ترجمہ: محمد جوناگڑھی (QuranEnc v1.1.3)
الشعراء · آیت 61
فَلَمَّا تَرَٰٓءَا ٱلْجَمْعَانِ قَالَ أَصْحَٰبُ مُوسَىٰٓ إِنَّا لَمُدْرَكُونَ
پس جب دونوں نے ایک دوسرے کو دیکھ لیا، تو موسیٰ کے ساتھیوں نے کہا، ہم تو یقیناً پکڑ لیے گئے.[1]
مترجم کے حواشی
[1] یعنی فرعون کے لشکر کو دیکھتے ہی وہ گھبرا اٹھے کہ آگےسمندر ہے اور پیچھے فرعون کا لشکر، اب بچاؤ کس طرح ممکن ہے؟ اب پھر دوبارہ وہی فرعون اور اس کی غلامی ہوگی۔
سورۃ الشعراء [26]: 61 · ترجمہ: محمد جوناگڑھی (QuranEnc v1.1.3)
الشعراء · آیت 62
قَالَ كَلَّآ إِنَّ مَعِىَ رَبِّى سَيَهْدِينِ
موسیٰ نے کہا، ہرگز نہیں۔ یقین مانو، میرا رب میرے ساتھ ہے جو ضرور مجھے راه دکھائے گا.[1]
مترجم کے حواشی
[1] حضرت موسیٰ (عليه السلام) نے تسلی دی کہ تمہارا اندیشہ صحیح نہیں، اب دوبارہ تم فرعون کی گرفت میں نہیں جاؤ گے۔ میرا رب یقیناً نجات کے راستے کی نشاندہی فرمائے گا۔
سورۃ الشعراء [26]: 62 · ترجمہ: محمد جوناگڑھی (QuranEnc v1.1.3)
الشعراء · آیت 63
فَأَوْحَيْنَآ إِلَىٰ مُوسَىٰٓ أَنِ ٱضْرِب بِّعَصَاكَ ٱلْبَحْرَ فَٱنفَلَقَ فَكَانَ كُلُّ فِرْقٍ كَٱلطَّوْدِ ٱلْعَظِيمِ
ہم نے موسیٰ کی طرف وحی بھیجی کہ دریا پر اپنی ﻻٹھی مار[1] ، پس اسی وقت دریا پھٹ گیا اور ہر ایک حصہ پانی کا مثل بڑے پہاڑ کے ہوگیا.[2]
مترجم کے حواشی
[1] چنانچہ اللہ تعالیٰ نے یہ رہنمائی اور نشاندہی فرمائی کہ اپنی لاٹھی سمندر پر مارو، جس سے دائیں طرف کا پانی دائیں اور بائیں طرف کا بائیں طرف رک گیا اور دونوں کے بیچ میں راستہ بن گیا۔ کہا جاتا ہے کہ بارہ قبیلوں کے حساب سے بارہ راستے بن گئے تھے، واللہ اعلم۔ [2] فِرْقٍ : قطعہ بحرسمندر کا حصہ، طَوْدٌ ،پہاڑ یعنی پانی کا ہر حصہ بڑے پہاڑ کی طرح کھڑا ہو گیا۔ یہ اللہ تعالیٰ کی طرف سے معجزے کا صدور ہوا تاکہ موسیٰ (عليه السلام) اور ان کی قوم فرعون سے نجات پالے، اس تائید الٰہی کے بغیر فرعون سے نجات ممکن نہیں تھی۔
سورۃ الشعراء [26]: 63 · ترجمہ: محمد جوناگڑھی (QuranEnc v1.1.3)
الشعراء · آیت 64
وَأَزْلَفْنَا ثَمَّ ٱلْـَٔاخَرِينَ
اور ہم نے اسی جگہ دوسروں کو نزدیک ﻻ کھڑا کر دیا.[1]
مترجم کے حواشی
[1] اس سے مراد فرعون اور اس کا لشکر ہے یعنی ہم نے دوسروں کو سمندر کے قریب کردیا۔
سورۃ الشعراء [26]: 64 · ترجمہ: محمد جوناگڑھی (QuranEnc v1.1.3)
الشعراء · آیت 65
وَأَنجَيْنَا مُوسَىٰ وَمَن مَّعَهُۥٓ أَجْمَعِينَ
اور موسیٰ (علیہ السلام) کو اور اس کے تمام ساتھیوں کو نجات دے دی.
سورۃ الشعراء [26]: 65 · ترجمہ: محمد جوناگڑھی (QuranEnc v1.1.3)
الشعراء · آیت 66
ثُمَّ أَغْرَقْنَا ٱلْـَٔاخَرِينَ
پھر اور سب دوسروں کو ڈبو دیا.[1]
مترجم کے حواشی
[1] موسیٰ (عليه السلام) اور ان پر ایمان لانے والوں کو ہم نے نجات دی اور فرعون اور اس کا لشکر جب انہی راستوں سے گزرنے لگا تو ہم نے سمندر کو دوبارہ حسب دستور رواں کردیا، جس سے فرعون اپنے لشکر سمیت غرق ہوگیا۔
سورۃ الشعراء [26]: 66 · ترجمہ: محمد جوناگڑھی (QuranEnc v1.1.3)
الشعراء · آیت 67
إِنَّ فِى ذَٰلِكَ لَـَٔايَةً وَمَا كَانَ أَكْثَرُهُم مُّؤْمِنِينَ
یقیناً اس میں بڑی عبرت ہے اور ان میں کےاکثر لوگ ایمان والے نہیں.[1]
مترجم کے حواشی
[1] یعنی اگرچہ اس واقعے میں، جو اللہ کی نصرت و معونت کا واضح مظہر ہے، بڑی نشانی ہے لیکن اس کے باوجود اکثر لوگ ایمان لانے والے نہیں۔
سورۃ الشعراء [26]: 67 · ترجمہ: محمد جوناگڑھی (QuranEnc v1.1.3)
الشعراء · آیت 68
وَإِنَّ رَبَّكَ لَهُوَ ٱلْعَزِيزُ ٱلرَّحِيمُ
اور بیشک آپ کا رب بڑا ہی غالب اور مہربان ہے؟
سورۃ الشعراء [26]: 68 · ترجمہ: محمد جوناگڑھی (QuranEnc v1.1.3)
الشعراء · آیت 69
وَٱتْلُ عَلَيْهِمْ نَبَأَ إِبْرَٰهِيمَ
انہیں ابراہیم (علیہ السلام) کا واقعہ بھی سنادو.
سورۃ الشعراء [26]: 69 · ترجمہ: محمد جوناگڑھی (QuranEnc v1.1.3)
الشعراء · آیت 70
إِذْ قَالَ لِأَبِيهِ وَقَوْمِهِۦ مَا تَعْبُدُونَ
جبکہ انہوں نے اپنے باپ اور اپنی قوم سے فرمایا کہ تم کس کی عبادت کرتے ہو؟
سورۃ الشعراء [26]: 70 · ترجمہ: محمد جوناگڑھی (QuranEnc v1.1.3)
الشعراء · آیت 71
قَالُوا۟ نَعْبُدُ أَصْنَامًا فَنَظَلُّ لَهَا عَٰكِفِينَ
انہوں نے جواب دیا کہ عبادت کرتے ہیں بتوں کی، ہم تو برابر ان کے مجاور بنے بیٹھے ہیں.[1]
مترجم کے حواشی
[1] یعنی رات دن ان کی عبادت کرتے ہیں۔
سورۃ الشعراء [26]: 71 · ترجمہ: محمد جوناگڑھی (QuranEnc v1.1.3)
الشعراء · آیت 72
قَالَ هَلْ يَسْمَعُونَكُمْ إِذْ تَدْعُونَ
آپ نے فرمایا کہ جب تم انہیں پکارتے ہو تو کیا وه سنتے بھی ہیں؟
سورۃ الشعراء [26]: 72 · ترجمہ: محمد جوناگڑھی (QuranEnc v1.1.3)
الشعراء · آیت 73
أَوْ يَنفَعُونَكُمْ أَوْ يَضُرُّونَ
یا تمہیں نفع نقصان بھی پہنچا سکتے ہیں.[1]
مترجم کے حواشی
[1] یعنی اگر تم ان کی عبادت ترک کردو تو کیا وہ تمہیں نقصان پہنچاتے ہیں؟
سورۃ الشعراء [26]: 73 · ترجمہ: محمد جوناگڑھی (QuranEnc v1.1.3)
الشعراء · آیت 74
قَالُوا۟ بَلْ وَجَدْنَآ ءَابَآءَنَا كَذَٰلِكَ يَفْعَلُونَ
انہوں نے کہا یہ (ہم کچھ نہیں جانتے) ہم تو اپنے باپ دادوں کو اسی طرح کرتے پایا.[1]
مترجم کے حواشی
[1] جب وہ حضرت ابراہیم (عليه السلام) کے سوال کا کوئی معقول جواب نہیں دے سکتے تو یہ کہہ کر چھٹکارا حاصل کرلیا۔ جیسے آج بھی لوگوں کو قرآن و حدیث کی بات بتلائی جائے تو یہی عذر پیش کیا جاتا ہے کہ ہمارے خاندان میں تو ہمارے آباواجداد سے یہی کچھ ہوتا آرہا ہے، ہم اسے نہیں چھوڑ سکتے۔
سورۃ الشعراء [26]: 74 · ترجمہ: محمد جوناگڑھی (QuranEnc v1.1.3)
الشعراء · آیت 75
قَالَ أَفَرَءَيْتُم مَّا كُنتُمْ تَعْبُدُونَ
آپ نے فرمایا کچھ خبر بھی[1] ہے جنہیں تم پوج رہے ہو.
مترجم کے حواشی
[1] أَفَرَأَيْتُمْ؟ کے معنی ہیں فَهَلْ أَبْصَرْتُمْ وَتَفَكَّرْتُمْ؟ کیا تم نے غوروفکر کیا؟
سورۃ الشعراء [26]: 75 · ترجمہ: محمد جوناگڑھی (QuranEnc v1.1.3)
الشعراء · آیت 76
أَنتُمْ وَءَابَآؤُكُمُ ٱلْأَقْدَمُونَ
تم اور تمہارے اگلے باپ دادا.
سورۃ الشعراء [26]: 76 · ترجمہ: محمد جوناگڑھی (QuranEnc v1.1.3)
الشعراء · آیت 77
فَإِنَّهُمْ عَدُوٌّ لِّىٓ إِلَّا رَبَّ ٱلْعَٰلَمِينَ
وه سب میرے دشمن ہیں.[1] بجز سچے اللہ تعالیٰ کے جو تمام جہان کا پالنہار ہے.[2]
مترجم کے حواشی
[1] اس لیے کہ تم سب اللہ کو چھوڑ کر دوسروں کی عبادت کرنے والے ہو۔ بعض نے اس کا مطلب یہ بیان کیا ہےکہ جن کی تم اور تمہارے باپ دادا عبادت کرتے رہے ہیں، وہ سب معبود میرے دشمن ہیں یعنی میں ان سے بیزار ہوں۔ [2] یعنی وہ دشمن نہیں، بلکہ وہ تو دنیا و آخرت میں میرا ولی اور دوست ہے۔
سورۃ الشعراء [26]: 77 · ترجمہ: محمد جوناگڑھی (QuranEnc v1.1.3)
الشعراء · آیت 78
ٱلَّذِى خَلَقَنِى فَهُوَ يَهْدِينِ
جس نے مجھے پیدا کیا ہے اور وہی میری رہبری فرماتا ہے.[1]
مترجم کے حواشی
[1] یعنی دین و دنیا کے مصالح اور منافع کی طرف۔
سورۃ الشعراء [26]: 78 · ترجمہ: محمد جوناگڑھی (QuranEnc v1.1.3)
الشعراء · آیت 79
وَٱلَّذِى هُوَ يُطْعِمُنِى وَيَسْقِينِ
وہی ہے جو مجھے کھلاتا پلاتا ہے.[1]
مترجم کے حواشی
[1] یعنی انواع و اقسام کے رزق پیدا کرنے والا اور جو پانی ہم پیتے ہیں، اسے مہیا کرنے والا بھی وہی اللہ ہے۔
سورۃ الشعراء [26]: 79 · ترجمہ: محمد جوناگڑھی (QuranEnc v1.1.3)
الشعراء · آیت 80
وَإِذَا مَرِضْتُ فَهُوَ يَشْفِينِ
اور جب میں بیمار پڑ جاؤں تو مجھے شفا عطا فرماتا ہے.[1]
مترجم کے حواشی
[1] بیماری کو دور کرکے شفا عطا کرنے والا بھی وہی ہے۔ یعنی دواؤں میں شفا کی تاثیر بھی اسی کے حکم سے ہوتی ہے۔ ورنہ دوائیں بھی بےاثر ثابت ہوتی ہیں۔ بیماری بھی اگرچہ اللہ کے حکم اور مشیت سے ہی آتی ہے۔ لیکن اس کی نسبت اللہ کی طرف نہیں کی۔ بلکہ اپنی طرف کی۔ یہ گویا اللہ کے ذکر میں اس کے ادب و احترام کے پہلو کو ملحوظ رکھا۔
سورۃ الشعراء [26]: 80 · ترجمہ: محمد جوناگڑھی (QuranEnc v1.1.3)
الشعراء · آیت 81
وَٱلَّذِى يُمِيتُنِى ثُمَّ يُحْيِينِ
اور وہی مجھے مار ڈالے گا پھر زنده کردے گا[1]
مترجم کے حواشی
[1] یعنی قیامت والے دن، جب وہ سارے لوگوں کو زندہ فرمائے گا، مجھے بھی زندہ کرے گا۔
سورۃ الشعراء [26]: 81 · ترجمہ: محمد جوناگڑھی (QuranEnc v1.1.3)
الشعراء · آیت 82
وَٱلَّذِىٓ أَطْمَعُ أَن يَغْفِرَ لِى خَطِيٓـَٔتِى يَوْمَ ٱلدِّينِ
اور جس سے امید بندھی ہوئی ہے کہ وه روز جزا میں میرے گناہوں کو بخش دے گا.[1]
مترجم کے حواشی
[1] یہاں امید، یقین کےمعنی میں ہے۔ کیونکہ کسی بڑی شخصیت سے امید، یقین کے مترادف ہی ہوتی ہے اور اللہ تعالیٰ تو کائنات کی سب سے بڑی ہستی ہے، اس سے وابستہ امید، یقینی کیوں نہیں ہوگی۔ اسی لیے مفسرین کہتے ہیں کہ قرآن میں جہاں بھی اللہ کے لیے عَسَى کا لفظ استعمال ہوا ہے وہ یقین ہی کے مفہوم میں ہے۔ خَطِيْئَتِي، خَطِيئَةٌ واحد کا صیغہ ہے لیکن خَطَايَا (جمع) کے معنی میں ہے۔ انبیا علیہم السلام اگرچہ معصوم ہوتے ہیں۔ اس لیے ان سے کسی بڑے گناہ کا صدور ممکن نہیں۔ پھر بھی اپنے بعض افعال کو کوتاہی پر محمول کرتے ہوئےبارگاہ الٰہی میں عفو طلب ہوں گے۔
سورۃ الشعراء [26]: 82 · ترجمہ: محمد جوناگڑھی (QuranEnc v1.1.3)
الشعراء · آیت 83
رَبِّ هَبْ لِى حُكْمًا وَأَلْحِقْنِى بِٱلصَّٰلِحِينَ
اے میرے رب! مجھے قوت فیصلہ[1] عطا فرما اور مجھے نیک لوگوں میں ملا دے.
مترجم کے حواشی
[1] حکم یا حکمت سے مراد علم و فہم، قوت فیصلہ، یانبوت و رسالت یا اللہ کے حدود و احکام کی معرفت ہے۔
سورۃ الشعراء [26]: 83 · ترجمہ: محمد جوناگڑھی (QuranEnc v1.1.3)
الشعراء · آیت 84
وَٱجْعَل لِّى لِسَانَ صِدْقٍ فِى ٱلْـَٔاخِرِينَ
اور میرا ذکر خیر پچھلے لوگوں میں بھی باقی رکھ.[1]
مترجم کے حواشی
[1] یعنی جو لوگ میرے بعد قیامت تک آئیں گے، وہ میرا ذکر اچھے لفظوں میں کرتے رہیں، اس سےمعلوم ہوا کہ نیکیوں کی جزا اللہ تعالیٰ دنیا میں ذکر جمیل اور ثنائے حسن کی صورت میں بھی عطا فرماتا ہے۔ جیسے حضرت ابراہیم (عليه السلام) کا ذکر خیر ہرمذہب کے لوگ کرتے ہیں، کسی کو بھی ان کی عظمت و تکریم سےانکار نہیں ہے۔
سورۃ الشعراء [26]: 84 · ترجمہ: محمد جوناگڑھی (QuranEnc v1.1.3)
الشعراء · آیت 85
وَٱجْعَلْنِى مِن وَرَثَةِ جَنَّةِ ٱلنَّعِيمِ
مجھے نعمتوں والی جنت کے وارﺛوں میں سے بنادے.
سورۃ الشعراء [26]: 85 · ترجمہ: محمد جوناگڑھی (QuranEnc v1.1.3)
الشعراء · آیت 86
وَٱغْفِرْ لِأَبِىٓ إِنَّهُۥ كَانَ مِنَ ٱلضَّآلِّينَ
اور میرے باپ کو بخش دے یقیناً وه گمراہوں میں سے تھا.[1]
مترجم کے حواشی
[1] یہ دعا اس وقت کی تھی، جب ان پر یہ واضح نہیں تھا کہ مشرک (اللہ کے دشمن) کے لیے دعائے مغفرت جائز نہیں ،جب اللہ نے یہ واضح کردیا، تو انہوں نے اپنے باپ سے بھی بیزاری کا اظہار کردیا۔ (التوبة: 114)
سورۃ الشعراء [26]: 86 · ترجمہ: محمد جوناگڑھی (QuranEnc v1.1.3)
الشعراء · آیت 87
وَلَا تُخْزِنِى يَوْمَ يُبْعَثُونَ
اور جس دن کے لوگ دوباره جلائے جائیں مجھے رسوا نہ کر.[1]
مترجم کے حواشی
[1] یعنی تمام مخلوق کے سامنے میرا مواخذہ کرکے یا عذاب سے دوچار کرکے حدیث میں آتا ہے کہ قیامت والے دن جب حضرت ابراہیم (عليه السلام) اپنے والد کو برے حال میں دیکھیں گے، تو ایک مرتبہ پھر اللہ کی بارگاہ میں ان کے لیے مغفرت کی درخواست کریں گے اورفرمائیں گے یا اللہ ! اس سے زیادہ میرے لیے رسوائی اور کیا ہوگی؟ اللہ تعالیٰ فرمائے گاکہ میں نے جنت کافروں پر حرام کردی ہے۔ پھر ان کے باپ کو نجاست میں لتھڑے ہوئے بجو کی شکل میں جہنم میں ڈال دیا جائے گا۔ (صحيح بخاري، سورة الشعراء وكتاب الأنبياء ، باب قول الله واتخذ الله إبراهيم خليلا)۔
سورۃ الشعراء [26]: 87 · ترجمہ: محمد جوناگڑھی (QuranEnc v1.1.3)
الشعراء · آیت 88
يَوْمَ لَا يَنفَعُ مَالٌ وَلَا بَنُونَ
جس دن کہ مال اور اوﻻد کچھ کام نہ آئے گی.
سورۃ الشعراء [26]: 88 · ترجمہ: محمد جوناگڑھی (QuranEnc v1.1.3)
الشعراء · آیت 89
إِلَّا مَنْ أَتَى ٱللَّهَ بِقَلْبٍ سَلِيمٍ
لیکن فائده واﻻ وہی ہوگا جو اللہ تعالیٰ کے سامنے بے عیب دل لے کر جائے.[1]
مترجم کے حواشی
[1] قلب سلیم یا بے عیب دل سے مراد وہ دل ہے جو شرک سے پاک ہو۔ یعنی قلب مومن۔ اس لیے کہ کافر اور منافق کا دل مریض ہوتا ہے۔ بعض کہتے ہیں، بدعت سے خالی اور سنت پر مطمئن دل، بعض کے نزدیک، دنیا کے مال و متاع کی محبت سے پاک دل اور بعض کے نزدیک، جہالت کی تاریکیوں اور اخلاقی رذالتوں سےپاک دل۔ یہ سارے مفہوم بھی صحیح ہوسکتے ہیں۔ اس لیے کہ قلب مومن مذکورہ تمام ہی برائیوں سے پاک ہوتا ہے۔
سورۃ الشعراء [26]: 89 · ترجمہ: محمد جوناگڑھی (QuranEnc v1.1.3)
الشعراء · آیت 90
وَأُزْلِفَتِ ٱلْجَنَّةُ لِلْمُتَّقِينَ
اور پرہیزگاروں کے لیے جنت بالکل نزدیک ﻻدی جائے گی.
سورۃ الشعراء [26]: 90 · ترجمہ: محمد جوناگڑھی (QuranEnc v1.1.3)
الشعراء · آیت 91
وَبُرِّزَتِ ٱلْجَحِيمُ لِلْغَاوِينَ
اور گمراه لوگوں کے لیے جہنم ﻇاہر کردی جائے گی.[1]
مترجم کے حواشی
[1] مطلب یہ ہے کہ جنت اور دوزخ میں دخول سے پہلے ان کو سامنے کردیا جائے گا۔ جس سےکافروں کے غم میں اور اہل ایمان کے سرور میں مزید اضافہ ہوجائے گا۔
سورۃ الشعراء [26]: 91 · ترجمہ: محمد جوناگڑھی (QuranEnc v1.1.3)
الشعراء · آیت 92
وَقِيلَ لَهُمْ أَيْنَ مَا كُنتُمْ تَعْبُدُونَ
اور ان سے پوچھا جائے گا کہ جن کی تم پوجا کرتے رہے وه کہاں ہیں؟
سورۃ الشعراء [26]: 92 · ترجمہ: محمد جوناگڑھی (QuranEnc v1.1.3)
الشعراء · آیت 93
مِن دُونِ ٱللَّهِ هَلْ يَنصُرُونَكُمْ أَوْ يَنتَصِرُونَ
جو اللہ تعالیٰ کے سوا تھے[1] ، کیاوه تمہاری مدد کرتے ہیں؟ یا کوئی بدلہ لے سکتے ہیں.
مترجم کے حواشی
[1] یعنی تم سے عذاب ٹال دیں یا خود اپنے نفس کو اس سے بچالیں۔
سورۃ الشعراء [26]: 93 · ترجمہ: محمد جوناگڑھی (QuranEnc v1.1.3)
الشعراء · آیت 94
فَكُبْكِبُوا۟ فِيهَا هُمْ وَٱلْغَاوُۥنَ
پس وه سب اور کل گمراه لوگ جہنم میں اوندھے منھ ڈال دیے جائیں گے.[1]
مترجم کے حواشی
[1] یعنی معبودین اور عابدین سب کو مال ڈنگر کی طرح ایک دوسرے کے اوپر ڈال دیا جائے گا۔
سورۃ الشعراء [26]: 94 · ترجمہ: محمد جوناگڑھی (QuranEnc v1.1.3)
الشعراء · آیت 95
وَجُنُودُ إِبْلِيسَ أَجْمَعُونَ
اور ابلیس کے تمام کے تمام لشکر[1] بھی، وہاں.
مترجم کے حواشی
[1] اس سے مراد وہ لشکر ہیں جو لوگوں کو گمراہ کرتے تھے۔
سورۃ الشعراء [26]: 95 · ترجمہ: محمد جوناگڑھی (QuranEnc v1.1.3)
الشعراء · آیت 96
قَالُوا۟ وَهُمْ فِيهَا يَخْتَصِمُونَ
آپس میں لڑتے جھگڑتے ہوئے کہیں گے.
سورۃ الشعراء [26]: 96 · ترجمہ: محمد جوناگڑھی (QuranEnc v1.1.3)
الشعراء · آیت 97
تَٱللَّهِ إِن كُنَّا لَفِى ضَلَٰلٍ مُّبِينٍ
کہ قسم اللہ کی! یقیناً ہم تو کھلی غلطی پر تھے.
سورۃ الشعراء [26]: 97 · ترجمہ: محمد جوناگڑھی (QuranEnc v1.1.3)
الشعراء · آیت 98
إِذْ نُسَوِّيكُم بِرَبِّ ٱلْعَٰلَمِينَ
جبکہ تمہیں رب العالمین کے برابر سمجھ بیٹھے تھے.[1]
مترجم کے حواشی
[1] دنیا میں تو ہر ترشا ہوا پتھر اور قبر پر بنا ہوا خوش نما قبہ، مشرکوں کو خدائی اختیارات کاحامل نظر آتا ہے۔ لیکن قیامت کو پتہ چلے گا کہ یہ تو کھلی گمراہی تھی کہ وہ انہیں رب کے برابر سمجھتے رہے۔
سورۃ الشعراء [26]: 98 · ترجمہ: محمد جوناگڑھی (QuranEnc v1.1.3)
الشعراء · آیت 99
وَمَآ أَضَلَّنَآ إِلَّا ٱلْمُجْرِمُونَ
اور ہمیں تو سوا ان بدکاروں کے کسی اور نے گمراه نہیں کیا تھا.[1]
مترجم کے حواشی
[1] یعنی وہاں جاکر احساس ہوگا کہ ہمیں دوسرے مجرموں نے گمراہ کیا۔ دنیا میں انہیں متوجہ کیا جاتا ہے کہ فلاں فلاں کام گمراہی ہے، بدعت ہے، شرک ہے تو نہیں مانتے، نہ غور وفکر سے کام لیتے ہیں کہ حق و باطل ان پر واضح ہوسکے۔
سورۃ الشعراء [26]: 99 · ترجمہ: محمد جوناگڑھی (QuranEnc v1.1.3)
الشعراء · آیت 100
فَمَا لَنَا مِن شَٰفِعِينَ
اب تو ہمارا کوئی سفارشی بھی نہیں.
سورۃ الشعراء [26]: 100 · ترجمہ: محمد جوناگڑھی (QuranEnc v1.1.3)
الشعراء · آیت 101
وَلَا صَدِيقٍ حَمِيمٍ
اور نہ کوئی (سچا) غم خوار دوست.[1]
مترجم کے حواشی
[1] گناہ گار اہل ایمان کی سفارش تو اللہ کی اجازت کے بعد انبیا وصلحا بالخصوص حضرت نبی کریم (صلى الله عليه وسلم) فرمائیں گے۔ لیکن کافروں اور مشرکوں کے لیے سفارش کرنے کی کسی کو اجازت ہوگی نہ حوصلہ، اور نہ وہاں کوئی دوستی ہی کام آئے گی۔
سورۃ الشعراء [26]: 101 · ترجمہ: محمد جوناگڑھی (QuranEnc v1.1.3)
الشعراء · آیت 102
فَلَوْ أَنَّ لَنَا كَرَّةً فَنَكُونَ مِنَ ٱلْمُؤْمِنِينَ
اگر کاش کہ ہمیں ایک مرتبہ پھر جانا ملتا تو ہم پکے سچے مومن بن جاتے.[1]
مترجم کے حواشی
[1] اہل کفروشرک، قیامت کے روز دوبارہ دنیا میں آنے کی آرزو کریں گے تاکہ وہ اللہ تعالیٰ کی اطاعت کرکے اللہ کو خوش کرلیں۔ لیکن اللہ تعالیٰ نے دوسرے مقام پر فرمایا ہےکہ اگر انہیں دوبارہ بھی دنیا میں بھیج دیا جائے تو وہی کچھ کریں گے جو پہلے کرتے رہے تھے۔
سورۃ الشعراء [26]: 102 · ترجمہ: محمد جوناگڑھی (QuranEnc v1.1.3)
الشعراء · آیت 103
إِنَّ فِى ذَٰلِكَ لَـَٔايَةً وَمَا كَانَ أَكْثَرُهُم مُّؤْمِنِينَ
یہ ماجرا یقیناً ایک زبردست نشانی ہے[1] ان میں سے اکثر لوگ ایمان ﻻنے والے نہیں.[2]
مترجم کے حواشی
[1] یعنی حضرت ابراہیم (عليه السلام) کا بتوں کے بارے میں اپنی قوم سے مناظرہ و محاجہ اور اللہ تعالیٰ کی توحید کے دلائل، یہ اس بات کی واضح نشانی ہےکہ اللہ کے سوا کوئی معبود نہیں۔ [2] بعض نے اس کا مرجع مشرکین مکہ یعنی قریش کو قرار دیا ہے۔ یعنی ان کی اکثریت ایمان لانے والی نہیں۔
سورۃ الشعراء [26]: 103 · ترجمہ: محمد جوناگڑھی (QuranEnc v1.1.3)
الشعراء · آیت 104
وَإِنَّ رَبَّكَ لَهُوَ ٱلْعَزِيزُ ٱلرَّحِيمُ
یقیناً آپ کا پروردگار ہی غالب مہربان ہے.
سورۃ الشعراء [26]: 104 · ترجمہ: محمد جوناگڑھی (QuranEnc v1.1.3)
الشعراء · آیت 105
كَذَّبَتْ قَوْمُ نُوحٍ ٱلْمُرْسَلِينَ
قوم نوح نے بھی نبیوں کو جھٹلایا.[1]
مترجم کے حواشی
[1] قوم نوح (عليه السلام) نے اگرچہ صرف اپنے پیغمبر حضرت نوح (عليه السلام) کی تکذیب کی تھی۔ مگر چونکہ ایک نبی کی تکذیب، تمام نبیوں کی تکذیب کے مترادف اور اس کو مستلزم ہے۔ اس لیے فرمایا کہ قوم نوح (عليه السلام) نے پیغمبروں کو جھٹلایا۔
سورۃ الشعراء [26]: 105 · ترجمہ: محمد جوناگڑھی (QuranEnc v1.1.3)
الشعراء · آیت 106
إِذْ قَالَ لَهُمْ أَخُوهُمْ نُوحٌ أَلَا تَتَّقُونَ
جبکہ ان کے بھائی[1] نوح (علیہ السلام) نے کہا کہ کیا تمہیں اللہ کا خوف نہیں!
مترجم کے حواشی
[1] بھائی اس لیے کہا کہ حضرت نوح (عليه السلام) ان ہی کی قوم کےایک فرد تھے۔
سورۃ الشعراء [26]: 106 · ترجمہ: محمد جوناگڑھی (QuranEnc v1.1.3)
الشعراء · آیت 107
إِنِّى لَكُمْ رَسُولٌ أَمِينٌ
سنو! میں تمہاری طرف اللہ کا امانتدار رسول ہوں.[1]
مترجم کے حواشی
[1] یعنی اللہ نے جو پیغام دے کر مجھے بھیجا ہے، وہ بلاکم و کاست تم تک پہنچانے والا ہوں، اس میں کمی بیشی نہیں کرتا۔
سورۃ الشعراء [26]: 107 · ترجمہ: محمد جوناگڑھی (QuranEnc v1.1.3)
الشعراء · آیت 108
فَٱتَّقُوا۟ ٱللَّهَ وَأَطِيعُونِ
پس تمہیں اللہ سے ڈرنا چاہئے اور میری بات ماننی چاہئے.[1]
مترجم کے حواشی
[1] یعنی میں تمہیں جو ایمان باللہ اور شرک نہ کرنے کی دعوت دے رہا ہوں، اس میں میری اطاعت کرو۔
سورۃ الشعراء [26]: 108 · ترجمہ: محمد جوناگڑھی (QuranEnc v1.1.3)
الشعراء · آیت 109
وَمَآ أَسْـَٔلُكُمْ عَلَيْهِ مِنْ أَجْرٍ إِنْ أَجْرِىَ إِلَّا عَلَىٰ رَبِّ ٱلْعَٰلَمِينَ
میں تم سے اس پر کوئی اجر نہیں چاہتا، میرا بدلہ تو صرف رب العالمین کے ہاں ہے.[1]
مترجم کے حواشی
[1] میں تمہیں جو تبلیغ کر رہا ہوں ، اس کا کوئی اجر تم سے نہیں مانگتا، بلکہ اس کا اجر رب العالمین ہی کے ذمے ہے جو قیامت کو وہ عطا فرمائے گا۔
سورۃ الشعراء [26]: 109 · ترجمہ: محمد جوناگڑھی (QuranEnc v1.1.3)
الشعراء · آیت 110
فَٱتَّقُوا۟ ٱللَّهَ وَأَطِيعُونِ
پس تم اللہ کا خوف رکھو اور میری فرمانبرداری کرو.[1]
مترجم کے حواشی
[1] یہ تاکید کے طور پر بھی ہے اور الگ الگ سبب کی بنا پر بھی، پہلے اطاعت کی دعوت، امانت داری کی بنیاد پر تھی اور اب یہ دعوت اطاعت عدم طمع کی وجہ سے ہے۔
سورۃ الشعراء [26]: 110 · ترجمہ: محمد جوناگڑھی (QuranEnc v1.1.3)
الشعراء · آیت 111
قَالُوٓا۟ أَنُؤْمِنُ لَكَ وَٱتَّبَعَكَ ٱلْأَرْذَلُونَ
قوم نے جواب دیا کہ ہم تجھ پر ایمان ﻻئیں! تیری تابعداری تو رذیل لوگوں نے کی ہے.[1]
مترجم کے حواشی
[1] الأَرْذَلُونَ، أَرْذَلُ کی جمع ہے جاہ و مال نہ رکھنے والے، اور اس کی وجہ سےمعاشرے میں کمتر سمجھے جانے والے اور ان ہی میں وہ لوگ بھی آجاتے ہیں جو حقیرسمجھے جانے والے پیشوں سے تعلق رکھتے ہیں۔
سورۃ الشعراء [26]: 111 · ترجمہ: محمد جوناگڑھی (QuranEnc v1.1.3)
الشعراء · آیت 112
قَالَ وَمَا عِلْمِى بِمَا كَانُوا۟ يَعْمَلُونَ
آپ نے فرمایا! مجھے کیا خبر کہ وه پہلے کیا کرتے رہے؟[1]
مترجم کے حواشی
[1] یعنی مجھے اس بات کا مکلف نہیں ٹھہرایا گیا ہے کہ میں لوگوں کے حسب و نسب، امارت و غربت اور ان کے پیشوں کی تفتیش کروں بلکہ میری ذمہ داری صرف یہ ہےکہ ایمان کی دعوت دوں اور جو اسے قبول کرلے، چاہے وہ کسی حیثیت کا حامل ہو، اسے اپنی جماعت میں شامل کر لوں۔
سورۃ الشعراء [26]: 112 · ترجمہ: محمد جوناگڑھی (QuranEnc v1.1.3)
الشعراء · آیت 113
إِنْ حِسَابُهُمْ إِلَّا عَلَىٰ رَبِّى لَوْ تَشْعُرُونَ
ان کا حساب تو میرے رب کے ذمہ[1] ہے اگر تمہیں شعور ہو تو.
مترجم کے حواشی
[1] یعنی ان کے ضمائر اور اعمال کی تفتیش یہ اللہ کا کام ہے۔
سورۃ الشعراء [26]: 113 · ترجمہ: محمد جوناگڑھی (QuranEnc v1.1.3)
الشعراء · آیت 114
وَمَآ أَنَا۠ بِطَارِدِ ٱلْمُؤْمِنِينَ
میں ایمان والوں کو دھکے دینے واﻻ نہیں.[1]
مترجم کے حواشی
[1] یہ ان کی اس خواہش کا جواب ہےکہ کمتر حیثیت کے لوگوں کو اپنے سے دور کردے، پھر ہم تیری جماعت میں شامل ہوجائیں گے۔
سورۃ الشعراء [26]: 114 · ترجمہ: محمد جوناگڑھی (QuranEnc v1.1.3)
الشعراء · آیت 115
إِنْ أَنَا۠ إِلَّا نَذِيرٌ مُّبِينٌ
میں تو صاف طور پر ڈرا دینے واﻻ ہوں.[1]
مترجم کے حواشی
[1] پس جو اللہ سے ڈر کر میری اطاعت کرے گا، وہ میرا ہے اور میں اس کا ہوں، چاہے دنیا کی نظر میں وہ شریف ہو یا رذیل، جلیل ہو یا حقیر۔
سورۃ الشعراء [26]: 115 · ترجمہ: محمد جوناگڑھی (QuranEnc v1.1.3)
الشعراء · آیت 116
قَالُوا۟ لَئِن لَّمْ تَنتَهِ يَٰنُوحُ لَتَكُونَنَّ مِنَ ٱلْمَرْجُومِينَ
انہوں نے کہاکہ اے نوح! اگر تو باز نہ آیا تو یقیناً تجھے سنگسار کردیا جائے گا.
سورۃ الشعراء [26]: 116 · ترجمہ: محمد جوناگڑھی (QuranEnc v1.1.3)
الشعراء · آیت 117
قَالَ رَبِّ إِنَّ قَوْمِى كَذَّبُونِ
آپ نے کہا اے میرے پروردگار! میری قوم نے مجھے جھٹلا دیا.
سورۃ الشعراء [26]: 117 · ترجمہ: محمد جوناگڑھی (QuranEnc v1.1.3)
الشعراء · آیت 118
فَٱفْتَحْ بَيْنِى وَبَيْنَهُمْ فَتْحًا وَنَجِّنِى وَمَن مَّعِىَ مِنَ ٱلْمُؤْمِنِينَ
پس تو مجھ میں اور ان میں کوئی قطعی فیصلہ کردے اور مجھے اور میرے با ایمان ساتھیوں کو نجات دے.
سورۃ الشعراء [26]: 118 · ترجمہ: محمد جوناگڑھی (QuranEnc v1.1.3)
الشعراء · آیت 119
فَأَنجَيْنَٰهُ وَمَن مَّعَهُۥ فِى ٱلْفُلْكِ ٱلْمَشْحُونِ
چنانچہ ہم نے اسے اور اس کے ساتھیوں کو بھری ہوئی کشتی میں (سوار کراکر) نجات دے دی.
سورۃ الشعراء [26]: 119 · ترجمہ: محمد جوناگڑھی (QuranEnc v1.1.3)
الشعراء · آیت 120
ثُمَّ أَغْرَقْنَا بَعْدُ ٱلْبَاقِينَ
بعد ازاں باقی کے تمام لوگوں کو ہم نے ڈبو دیا.[1]
مترجم کے حواشی
[1] یہ تفصیلات کچھ پہلے بھی گزر چکی ہیں اور کچھ آئندہ بھی آئیں گی کہ حضرت نوح (عليه السلام) کی ساڑھے نو سو سالہ تبلیغ کے باوجود ان کی قوم کے لوگ بداخلاقی اور اعراض پر قائم رہے، بالآخر حضرت نوح (عليه السلام) نےبد دعا کی، اللہ تعالیٰ نے کشتی بنانے کا اور اس میں مومن انسانوں،جانوروں اور ضروری سازوسامان رکھنے کا حکم دیا اور یوں اہل ایمان کو تو بچالیاگیا اور باقی سب لوگوں کو، حتیٰ کہ بیوی اور بیٹے کو بھی، جو ایمان نہیں لائے تھے، غرق کردیا گیا۔
سورۃ الشعراء [26]: 120 · ترجمہ: محمد جوناگڑھی (QuranEnc v1.1.3)
الشعراء · آیت 121
إِنَّ فِى ذَٰلِكَ لَـَٔايَةً وَمَا كَانَ أَكْثَرُهُم مُّؤْمِنِينَ
یقیناً اس میں بہت بڑی عبرت ہے۔ ان میں سے اکثر لوگ ایمان ﻻنے والے تھے بھی نہیں.
سورۃ الشعراء [26]: 121 · ترجمہ: محمد جوناگڑھی (QuranEnc v1.1.3)
الشعراء · آیت 122
وَإِنَّ رَبَّكَ لَهُوَ ٱلْعَزِيزُ ٱلرَّحِيمُ
اور بیشک آپ کا پروردگار البتہ وہی ہے زبردست رحم کرنے واﻻ.
سورۃ الشعراء [26]: 122 · ترجمہ: محمد جوناگڑھی (QuranEnc v1.1.3)
الشعراء · آیت 123
كَذَّبَتْ عَادٌ ٱلْمُرْسَلِينَ
عادیوں نے بھی رسولوں کو جھٹلایا.[1]
مترجم کے حواشی
[1] عاد، ان کے جداعلیٰ کا نام تھا، جس کے نام پر قوم کا نا م پڑ گیا۔ یہاں عاد کوقبیلہ تصور کرکے كَذَّبَتْ (صغیہ مونث) لایاگیا ہے۔
سورۃ الشعراء [26]: 123 · ترجمہ: محمد جوناگڑھی (QuranEnc v1.1.3)
الشعراء · آیت 124
إِذْ قَالَ لَهُمْ أَخُوهُمْ هُودٌ أَلَا تَتَّقُونَ
جبکہ ان سے ان کے بھائی ہود[1] نے کہا کہ کیا تم ڈرتے نہیں؟
مترجم کے حواشی
[1] ہود (عليه السلام) کو بھی عاد کا بھائی اسی لیےکہا گیا ہےکہ ہر نبی اسی قوم کا ایک فرد ہوتا تھا، جس کی طرف سے اسےمبعوث کیاجاتا تھا اور اسی اعتبار سےانہیں اس قوم کا بھائی قرار دیاگیا ہے، جیسا کہ آگے بھی آئے گا اور انبیا و رسل کی یہ (بشریت) بھی ان کی قوموں کے ایمان لانے میں رکاوٹ بنی رہی ہے۔ ان کا خیال تھا کہ نبی کو بشر نہیں، مافوق البشر ہونا چاہیے۔ آج بھی اس مسلمہ حقیقت سے بے خبر لوگ پیغمبر اسلام حضرت نبی کریم (صلى الله عليه وسلم) کو مافوق البشر باور کرانےپر تلے رہتے ہیں۔ حالانکہ وہ بھی خاندان قریش کے ایک فرد تھے جن کی طرف اولاً ان کو پیغمبر بناکر بھیجا گیا تھا۔
سورۃ الشعراء [26]: 124 · ترجمہ: محمد جوناگڑھی (QuranEnc v1.1.3)
الشعراء · آیت 125
إِنِّى لَكُمْ رَسُولٌ أَمِينٌ
میں تمہارا امانتدار پیغمبر ہوں.
سورۃ الشعراء [26]: 125 · ترجمہ: محمد جوناگڑھی (QuranEnc v1.1.3)
الشعراء · آیت 126
فَٱتَّقُوا۟ ٱللَّهَ وَأَطِيعُونِ
پس اللہ سے ڈرو اور میرا کہا مانو!
سورۃ الشعراء [26]: 126 · ترجمہ: محمد جوناگڑھی (QuranEnc v1.1.3)
الشعراء · آیت 127
وَمَآ أَسْـَٔلُكُمْ عَلَيْهِ مِنْ أَجْرٍ إِنْ أَجْرِىَ إِلَّا عَلَىٰ رَبِّ ٱلْعَٰلَمِينَ
میں اس پر تم سے کوئی اجرت طلب نہیں کرتا، میرا ﺛواب تو تمام جہان کے پروردگار کے پاس ہی ہے.
سورۃ الشعراء [26]: 127 · ترجمہ: محمد جوناگڑھی (QuranEnc v1.1.3)
الشعراء · آیت 128
أَتَبْنُونَ بِكُلِّ رِيعٍ ءَايَةً تَعْبَثُونَ
کیا تم ایک ایک ٹیلے پر بطور کھیل تماشا یادگار (عمارت) بنا رہے ہو.[1]
مترجم کے حواشی
[1] رِيعٍ، رِيعَةٌ کی جمع ہے۔ ٹیلہ، بلند جگہ، پہاڑ، دریا یا گھاٹی یہ ان گزرگاہوں پر کوئی عمارت تعمیر کرتے جو ارتفاع اور علو میں ایک نشانی یعنی ممتاز ہوتی۔ لیکن اس کا مقصد اس میں رہنا نہیں ہوتا بلکہ صرف ایک کھیل کود ہوتا تھا۔ حضرت ہود (عليه السلام) نے منع فرمایا کہ یہ تم ایسا کام کرتےہو، جس میں وقت اور وسائل کا بھی ضیاع ہے اور اس کا مقصد بھی ایسا ہے جس سے دین اور دنیاکا کوئی مفاد وابستہ نہیں۔ بلکہ اس کے بیکار محض اور عبث ہونے میں کوئی شک نہیں۔
سورۃ الشعراء [26]: 128 · ترجمہ: محمد جوناگڑھی (QuranEnc v1.1.3)
الشعراء · آیت 129
وَتَتَّخِذُونَ مَصَانِعَ لَعَلَّكُمْ تَخْلُدُونَ
اور بڑی صنعت والے (مضبوط محل تعمیر) کر رہے ہو، گویا کہ تم ہمیشہ یہیں رہو گے.[1]
مترجم کے حواشی
[1] اسی طرح وہ بڑی مضبوط اور عالی شان رہائشی عمارتیں تعمیر کرتے تھے، جیسے وہ ہمیشہ انہی محلات میں رہیں گے۔
سورۃ الشعراء [26]: 129 · ترجمہ: محمد جوناگڑھی (QuranEnc v1.1.3)
الشعراء · آیت 130
وَإِذَا بَطَشْتُم بَطَشْتُمْ جَبَّارِينَ
اور جب کسی پر ہاتھ، ڈالتے ہو تو سختی اور ﻇلم سے پکڑتے ہو.[1]
مترجم کے حواشی
[1] یہ ان کےظلم و تشدد اور قوت و طاقت کی طرف اشارہ ہے۔
سورۃ الشعراء [26]: 130 · ترجمہ: محمد جوناگڑھی (QuranEnc v1.1.3)
الشعراء · آیت 131
فَٱتَّقُوا۟ ٱللَّهَ وَأَطِيعُونِ
اللہ سے ڈرو اور میری پیروی کرو.[1]
مترجم کے حواشی
[1] جب ان کے اوصاف قبیحہ بیان کیے جو ان کے دنیا میں انہماک اور ظلم و سرکشی پر دلالت کرتے ہیں توپھر انہیں دوبارہ تقویٰ اور اپنی اطاعت کی دعوت دی۔
سورۃ الشعراء [26]: 131 · ترجمہ: محمد جوناگڑھی (QuranEnc v1.1.3)
الشعراء · آیت 132
وَٱتَّقُوا۟ ٱلَّذِىٓ أَمَدَّكُم بِمَا تَعْلَمُونَ
اس سے ڈرو جس نے ان چیزوں سے تمہاری امداد کی جنہیں تم جانتے ہو.
سورۃ الشعراء [26]: 132 · ترجمہ: محمد جوناگڑھی (QuranEnc v1.1.3)
الشعراء · آیت 133
أَمَدَّكُم بِأَنْعَٰمٍ وَبَنِينَ
اس نے تمہاری مدد کی مال سے اور اوﻻد سے.
سورۃ الشعراء [26]: 133 · ترجمہ: محمد جوناگڑھی (QuranEnc v1.1.3)
الشعراء · آیت 134
وَجَنَّٰتٍ وَعُيُونٍ
باغات سے اور چشموں سے.
سورۃ الشعراء [26]: 134 · ترجمہ: محمد جوناگڑھی (QuranEnc v1.1.3)
الشعراء · آیت 135
إِنِّىٓ أَخَافُ عَلَيْكُمْ عَذَابَ يَوْمٍ عَظِيمٍ
مجھے تو تمہاری نسبت بڑے دن کےعذاب کا اندیشہ ہے.[1]
مترجم کے حواشی
[1] یعنی اگر تم نے اپنے کفر پر اصرار جاری رکھا اور اللہ نے تمہیں جو یہ نعمتیں عطا فرمائی ہیں، ان کا شکر ادا نہیں کیا، تو تم عذاب الٰہی کے مستحق قرار پاجاؤ گے۔ یہ عذاب دنیا میں بھی آسکتا ہے اور آخرت تو ہے ہی عذاب وثواب کے لیے۔ وہاں تو عذاب سے چھٹکارا ممکن ہی نہیں ہوگا۔
سورۃ الشعراء [26]: 135 · ترجمہ: محمد جوناگڑھی (QuranEnc v1.1.3)
الشعراء · آیت 136
قَالُوا۟ سَوَآءٌ عَلَيْنَآ أَوَعَظْتَ أَمْ لَمْ تَكُن مِّنَ ٱلْوَٰعِظِينَ
انہوں نے کہا کہ آپ وعﻆ کہیں یا وعﻆ کہنے والوں میں نہ ہوں ہم پر یکساں ہے.
سورۃ الشعراء [26]: 136 · ترجمہ: محمد جوناگڑھی (QuranEnc v1.1.3)
الشعراء · آیت 137
إِنْ هَٰذَآ إِلَّا خُلُقُ ٱلْأَوَّلِينَ
یہ تو بس پرانے لوگوں کی عادت ہے.[1]
مترجم کے حواشی
[1] یعنی وہی باتیں ہیں جو پہلے بھی لوگ کرتے آئے ہیں یایہ مطلب ہے کہ ہم جس دین اور عادات و روایات پر قائم ہیں، وہ وہی ہیں جن پر ہمارے آباواجداد کار بند رہے، مطلب دونوں صورتوں میں یہ ہے کہ ہم آبائی مذہب کو نہیں چھوڑ سکتے۔
سورۃ الشعراء [26]: 137 · ترجمہ: محمد جوناگڑھی (QuranEnc v1.1.3)
الشعراء · آیت 138
وَمَا نَحْنُ بِمُعَذَّبِينَ
اور ہم ہرگز عذاب نہیں دیے جائیں گے.[1]
مترجم کے حواشی
[1] جب انہوں نے اس امر کا اظہار کیاکہ ہم تو اپنا آبائی دین نہیں چھوڑیں گے، تو اس میں عقیدۂ آخرت کا انکار بھی تھا۔ اس لیےانہوں نے عذاب میں مبتلا ہونے کا بھی انکار کیا۔ کیونکہ عذاب الٰہی کااندیشہ تو اسے ہوتا ہے جو اللہ کو مانتا اور روز جزا کو تسلیم کرتا ہے۔
سورۃ الشعراء [26]: 138 · ترجمہ: محمد جوناگڑھی (QuranEnc v1.1.3)
الشعراء · آیت 139
فَكَذَّبُوهُ فَأَهْلَكْنَٰهُمْ إِنَّ فِى ذَٰلِكَ لَـَٔايَةً وَمَا كَانَ أَكْثَرُهُم مُّؤْمِنِينَ
چونکہ عادیوں نے حضرت ہود کو جھٹلایا، اس لیے ہم نے انہیں تباه کردیا[1] یقیناً اس میں نشانی ہے اور ان میں سے اکثر بے ایمان تھے.
مترجم کے حواشی
[1] قوم عاد، دنیا کی مضبوط ترین اور قوی ترین قوم تھی، جس کی بابت اللہ نے فرمایا ہے۔«الَّتِي لَمْ يُخْلَقْ مِثْلُهَا فِي الْبِلادِ» (الفجر) ”اس جیسی قوم پیدا ہی نہیں کی گئی“ یعنی جو قوت اور شدت و جبروت میں اس جیسی ہو۔ اسی لیے یہ کہا کرتی تھی۔ «مَنْ أَشَدُّ مِنَّا قُوَّةً» (حم السجدة: 15) ”کون قوت میں ہم سے زیادہ ہے؟“ لیکن جب اس قوم نے بھی کفر کا راستہ چھوڑ کر ایمان و تقویٰ اختیار نہیں کیا تو اللہ تعالیٰ نے سخت ہوا کی صورت میں ان پر عذاب نازل فرمایا جو مکمل سات راتیں اور آٹھ دن ان پر مسلط رہا۔ باد تند آتی اور آدمی کو اٹھا کر فضا میں بلند کرتی اور پھر زور سے سر کے بل زمین پر پٹخ دیتی۔ جس سے اس کا دماغ پھٹ اور ٹوٹ جاتا اور بغیر سر کے ان کے لاشے اس طرح زمین پر پڑے ہوتے گویا وہ کھجور کے کھوکھلے تنے ہیں۔ انہوں نے پہاڑوں، کھووں اور غاروں میں بڑی بڑی مضبوط عمارتیں بنارکھی تھیں، پینے کے لیے گہرے کنوئیں کھود رکھے تھے، باغات کی کثرت تھی۔ لیکن جب اللہ کا عذاب آیا تو کوئی چیز ان کے کام نہ آئی اور انہیں صفحۂ ہستی سےمٹا کر رکھ دیاگیا۔
سورۃ الشعراء [26]: 139 · ترجمہ: محمد جوناگڑھی (QuranEnc v1.1.3)
الشعراء · آیت 140
وَإِنَّ رَبَّكَ لَهُوَ ٱلْعَزِيزُ ٱلرَّحِيمُ
بیشک آپ کا رب وہی غالب مہربان.
سورۃ الشعراء [26]: 140 · ترجمہ: محمد جوناگڑھی (QuranEnc v1.1.3)
الشعراء · آیت 141
كَذَّبَتْ ثَمُودُ ٱلْمُرْسَلِينَ
ﺛمودیوں[1] نے بھی پیغمبروں کو جھٹلایا.
مترجم کے حواشی
[1] ثمود کامسکن حجر تھا جو حجاز کے شمال میں ہے، آج کل اسے مدائن صالح کہتے ہیں۔ (ایسرالتفاسیر) یہ عرب تھے۔ نبی (صلى الله عليه وسلم) تبوک جاتے ہوئے ان بستیوں سے گزر کر گئے تھے، جیسا کہ پہلے گزر چکا ہے۔
سورۃ الشعراء [26]: 141 · ترجمہ: محمد جوناگڑھی (QuranEnc v1.1.3)
الشعراء · آیت 142
إِذْ قَالَ لَهُمْ أَخُوهُمْ صَٰلِحٌ أَلَا تَتَّقُونَ
ان کے بھائی صالح نے ان سے فرمایا کہ کیا تم اللہ سے نہیں ڈرتے؟.
سورۃ الشعراء [26]: 142 · ترجمہ: محمد جوناگڑھی (QuranEnc v1.1.3)
الشعراء · آیت 143
إِنِّى لَكُمْ رَسُولٌ أَمِينٌ
میں تمہاری طرف اللہ کا امانت دار پیغمبر ہوں.
سورۃ الشعراء [26]: 143 · ترجمہ: محمد جوناگڑھی (QuranEnc v1.1.3)
الشعراء · آیت 144
فَٱتَّقُوا۟ ٱللَّهَ وَأَطِيعُونِ
تو تم اللہ سے ڈرو اور میرا کہا کرو.
سورۃ الشعراء [26]: 144 · ترجمہ: محمد جوناگڑھی (QuranEnc v1.1.3)
الشعراء · آیت 145
وَمَآ أَسْـَٔلُكُمْ عَلَيْهِ مِنْ أَجْرٍ إِنْ أَجْرِىَ إِلَّا عَلَىٰ رَبِّ ٱلْعَٰلَمِينَ
میں اس پر تم سے کوئی اجرت نہیں مانگتا، میری اجرت تو بس پرودگار عالم پر ہی ہے.
سورۃ الشعراء [26]: 145 · ترجمہ: محمد جوناگڑھی (QuranEnc v1.1.3)
الشعراء · آیت 146
أَتُتْرَكُونَ فِى مَا هَٰهُنَآ ءَامِنِينَ
کیا ان چیزوں میں جو یہاں ہیں تم امن کے ساتھ چھوڑ دیے جاؤ گے.[1]
مترجم کے حواشی
[1] یعنی یہ نعمتیں کیا تمہیں ہمیشہ حاصل رہیں گی، نہ تمہیں موت آئے گی نہ عذاب؟ استفہام انکاری اور تو بیخی ہے۔ یعنی ایسا نہیں ہوگا بلکہ عذاب یا موت کے ذریعے سے، جب اللہ چاہے گا، تم ان نعمتوں سے محروم ہو جاؤ گے۔ اس میں ترغیب ہے کہ اللہ کی نعمتوں کا شکر ادا کرو اور اس پر ایمان لاؤ اور ترہیب ہے کہ اگر ایمان و شکر کا راستہ اختیار نہیں کیا تو پھر تباہی و بربادی تمہارا مقدر ہے۔
سورۃ الشعراء [26]: 146 · ترجمہ: محمد جوناگڑھی (QuranEnc v1.1.3)
الشعراء · آیت 147
فِى جَنَّٰتٍ وَعُيُونٍ
یعنی ان باغوں اور ان چشموں.
سورۃ الشعراء [26]: 147 · ترجمہ: محمد جوناگڑھی (QuranEnc v1.1.3)
الشعراء · آیت 148
وَزُرُوعٍ وَنَخْلٍ طَلْعُهَا هَضِيمٌ
اور ان کھیتوں اور ان کھجوروں کے باغوں میں جن کے شگوفے نرم و نازک ہیں.[1]
مترجم کے حواشی
[1] یہ ان نعمتوں کی تفصیل ہے جن سے وہ بہرہ ور تھے، طلع، کھجور کے اس شگوفے کو کہتے ہیں جو پہلے پہل نکلتا یعنی طلوع ہوتا ہے، اس کے بعد کھجور کایہ پھل بلح، پھر بسر، پھر رطب اور اس کےبعد تمر کہلاتا ہے۔ (ایسر التفاسیر) باغات میں دیگر پھلوں کے ساتھ کھجور کا پھل بھی آجاتا ہے۔ لیکن عربوں میں چونکہ کھجور کی بڑی اہمیت ہے، اس لیے اس کا خصوصی طور پر بھی ذکر کیا۔ هَضِيمٌ کے اور بھی کئی معانی بیان کیے گئے ہیں۔ مثلاً لطیف اور نرم و نازک۔ تہہ بہ تہہ وغیرہ۔
سورۃ الشعراء [26]: 148 · ترجمہ: محمد جوناگڑھی (QuranEnc v1.1.3)
الشعراء · آیت 149
وَتَنْحِتُونَ مِنَ ٱلْجِبَالِ بُيُوتًا فَٰرِهِينَ
اور تم پہاڑوں کو تراش تراش کر پر تکلف مکانات بنا رہے ہو.[1]
مترجم کے حواشی
[1] فَارِهِينَ یعنی ضرورت سےزیادہ تصنع، تکلف اور فنکارانہ مہارت کا مظاہرہ کرتے ہوئے یا اتراتے اور فخروغرور کرتے ہوئے۔ جیسے آج کل لوگوں کا حال ہے۔ آج بھی عمارتوں پر بھی غیر ضروری آرائشوں اور فن کارانہ مہارتوں کا خوب خوب مظاہرہ ہو رہا ہے اور اس کے ذریعے سے ایک دوسرے پر برتری اور فخروغرور کا اظہار بھی۔
سورۃ الشعراء [26]: 149 · ترجمہ: محمد جوناگڑھی (QuranEnc v1.1.3)
الشعراء · آیت 150
فَٱتَّقُوا۟ ٱللَّهَ وَأَطِيعُونِ
پس اللہ سے ڈرو اور میری اطاعت کرو.
سورۃ الشعراء [26]: 150 · ترجمہ: محمد جوناگڑھی (QuranEnc v1.1.3)
الشعراء · آیت 151
وَلَا تُطِيعُوٓا۟ أَمْرَ ٱلْمُسْرِفِينَ
بے باک حد سے گزر جانے والوں کی[1] اطاعت سے باز آجاؤ.
مترجم کے حواشی
[1] مُسْرِفِينَ سے مراد وہ رؤسا اورسردار ہیں جو کفروشرک کے داعی اور مخالفت حق میں پیش پیش تھے۔
سورۃ الشعراء [26]: 151 · ترجمہ: محمد جوناگڑھی (QuranEnc v1.1.3)
الشعراء · آیت 152
ٱلَّذِينَ يُفْسِدُونَ فِى ٱلْأَرْضِ وَلَا يُصْلِحُونَ
جو ملک میں فساد پھیلا رہے ہیں اور اصلاح نہیں کرتے.
سورۃ الشعراء [26]: 152 · ترجمہ: محمد جوناگڑھی (QuranEnc v1.1.3)
الشعراء · آیت 153
قَالُوٓا۟ إِنَّمَآ أَنتَ مِنَ ٱلْمُسَحَّرِينَ
وه بولے کہ بس تو ان میں سے ہے جن پر جادو کردیا گیا ہے.
سورۃ الشعراء [26]: 153 · ترجمہ: محمد جوناگڑھی (QuranEnc v1.1.3)
الشعراء · آیت 154
مَآ أَنتَ إِلَّا بَشَرٌ مِّثْلُنَا فَأْتِ بِـَٔايَةٍ إِن كُنتَ مِنَ ٱلصَّٰدِقِينَ
تو تو ہم جیسا ہی انسان ہے۔ اگر تو سچوں سے ہے تو کوئی معجزه لے آ.
سورۃ الشعراء [26]: 154 · ترجمہ: محمد جوناگڑھی (QuranEnc v1.1.3)
الشعراء · آیت 155
قَالَ هَٰذِهِۦ نَاقَةٌ لَّهَا شِرْبٌ وَلَكُمْ شِرْبُ يَوْمٍ مَّعْلُومٍ
آپ نے فرمایا یہ ہے اونٹنی، پانی پینے کی ایک باری اس کی اور ایک مقرره دن کی باری پانی پینے کی تمہاری.[1]
مترجم کے حواشی
[1] یہ وہی اونٹنی تھی جو ان کے مطالبے پر پتھر کی ایک چٹان سے بطور معجزہ ظاہر ہوئی تھی۔ ایک دن اونٹنی کے لیےاور ایک دن ان کے لیے پانی مقرر کردیاگیا تھا، اور ان سےکہہ دیا گیا تھا کہ جو دن تمہارا پانی لینے کا ہوگا، اونٹنی گھاٹ پر نہیں آئے گی اور جو دن اونٹنی کے پانی پینے کا ہوگا، تمہیں گھاٹ پر آنے کی اجازت نہیں ہے۔
سورۃ الشعراء [26]: 155 · ترجمہ: محمد جوناگڑھی (QuranEnc v1.1.3)
الشعراء · آیت 156
وَلَا تَمَسُّوهَا بِسُوٓءٍ فَيَأْخُذَكُمْ عَذَابُ يَوْمٍ عَظِيمٍ
(خبردار!) اسے برائی سے ہاتھ نہ لگانا ورنہ ایک بڑے بھاری دن کا عذاب تمہاری گرفت کر لے گا.[1]
مترجم کے حواشی
[1] دوسری بات انہیں یہ کہی گئی کہ اس اونٹنی کو کوئی بری نیت سے ہاتھ نہ لگائے، نہ اسے نقصان پہنچایا جائے۔ چنانچہ یہ اونٹنی اسی طرح ان کے درمیان رہی۔ گھاٹ سے پانی پیتی اور گھاس چارہ کھاکر گزارہ کرتی۔ اور کہا جاتا ہےکہ قوم ثمود اس کا دودھ دوہتی اور اس سے فائدہ اٹھاتی۔ لیکن کچھ عرصہ گزرنے کے بعد انہوں نے اسے قتل کرنے کا منصوبہ بنایا۔
سورۃ الشعراء [26]: 156 · ترجمہ: محمد جوناگڑھی (QuranEnc v1.1.3)
الشعراء · آیت 157
فَعَقَرُوهَا فَأَصْبَحُوا۟ نَٰدِمِينَ
پھر بھی انہوں نے اس کی کوچیں کاٹ ڈالیں[1]، بس وه پشیمان ہوگئے.[2]
مترجم کے حواشی
[1] یعنی باوجود اس بات کے کہ وہ اونٹنی،اللہ کی قدرت کی ایک نشانی اور پیغمبر کی صداقت کی دلیل تھی، قوم ثمود ایمان نہیں لائی اور کفروشرک کے راستے پر گامزن رہی اور اس کی سرکشی یہاں تک بڑھی کہ بالآخر قدرت کی زندہ نشانی (اونٹنی) کی کوچیں کاٹ ڈالیں یعنی اس کے ہاتھوں اور پیروں کو زخمی کردیا، جس سے وہ بیٹھ گئی اور پھر اسے قتل کردیا۔ [2] یہ اس وقت ہوا جب اونٹنی کےقتل کے بعد حضرت صالح (عليه السلام) نے کہا کہ اب تمہیں صرف تین دن کی مہلت ہے، چوتھے دن تمہیں ہلاک کردیا جائے گا۔ اس کے بعد جب واقعی عذاب کی علامتیں ظاہر ہونی شروع ہوگئیں، تو پھر ان کی طرف سے بھی اظہار ندامت ہونے لگا۔ لیکن علامات عذاب دیکھ لینے کے بعد ندامت اور توبہ کا کوئی فائدہ نہیں۔
سورۃ الشعراء [26]: 157 · ترجمہ: محمد جوناگڑھی (QuranEnc v1.1.3)
الشعراء · آیت 158
فَأَخَذَهُمُ ٱلْعَذَابُ إِنَّ فِى ذَٰلِكَ لَـَٔايَةً وَمَا كَانَ أَكْثَرُهُم مُّؤْمِنِينَ
اور عذاب نے انہیں آ دبوچا[1] ۔ بیشک اس میں عبرت ہے۔ اور ان میں سے اکثر لوگ مومن نہ تھے.
مترجم کے حواشی
[1] یہ عذاب زمین سے بھونچال (زلزلے) اور اوپر سے سخت چنگھاڑ کی صورت میں آیا، جس سے سب کی موت واقع ہوگئی۔
سورۃ الشعراء [26]: 158 · ترجمہ: محمد جوناگڑھی (QuranEnc v1.1.3)
الشعراء · آیت 159
وَإِنَّ رَبَّكَ لَهُوَ ٱلْعَزِيزُ ٱلرَّحِيمُ
اور بیشک آپ کا رب بڑا زبردست اور مہربان ہے.
سورۃ الشعراء [26]: 159 · ترجمہ: محمد جوناگڑھی (QuranEnc v1.1.3)
الشعراء · آیت 160
كَذَّبَتْ قَوْمُ لُوطٍ ٱلْمُرْسَلِينَ
قوم لوط[1] نے بھی نبیوں کو جھٹلایا.
مترجم کے حواشی
[1] حضرت لوط (عليه السلام) ، حضرت ابراہیم (عليه السلام) کے بھائی ھاران بن آذر کے بیٹے تھے۔ ان کو حضرت ابراہیم (عليه السلام) ہی کی زندگی میں نبی بنا کر بھیجا گیا تھا۔ ان کی قوم (سدوم) اور (عموریہ) میں رہتی تھی۔ یہ بستیاں شام کے علاقے میں تھیں۔
سورۃ الشعراء [26]: 160 · ترجمہ: محمد جوناگڑھی (QuranEnc v1.1.3)
الشعراء · آیت 161
إِذْ قَالَ لَهُمْ أَخُوهُمْ لُوطٌ أَلَا تَتَّقُونَ
ان سے ان کے بھائی لوط (علیہ السلام) نے کہا کیا تم اللہ کا خوف نہیں رکھتے؟
سورۃ الشعراء [26]: 161 · ترجمہ: محمد جوناگڑھی (QuranEnc v1.1.3)
الشعراء · آیت 162
إِنِّى لَكُمْ رَسُولٌ أَمِينٌ
میں تمہاری طرف امانت دار رسول ہوں.
سورۃ الشعراء [26]: 162 · ترجمہ: محمد جوناگڑھی (QuranEnc v1.1.3)
الشعراء · آیت 163
فَٱتَّقُوا۟ ٱللَّهَ وَأَطِيعُونِ
پس تم اللہ تعالیٰ سے ڈرو اور میری اطاعت کرو.
سورۃ الشعراء [26]: 163 · ترجمہ: محمد جوناگڑھی (QuranEnc v1.1.3)
الشعراء · آیت 164
وَمَآ أَسْـَٔلُكُمْ عَلَيْهِ مِنْ أَجْرٍ إِنْ أَجْرِىَ إِلَّا عَلَىٰ رَبِّ ٱلْعَٰلَمِينَ
میں تم سے اس پر کوئی بدلہ نہیں مانگتا میرا اجر تو صرف اللہ تعالیٰ پر ہے جو تمام جہان کا رب ہے.
سورۃ الشعراء [26]: 164 · ترجمہ: محمد جوناگڑھی (QuranEnc v1.1.3)
الشعراء · آیت 165
أَتَأْتُونَ ٱلذُّكْرَانَ مِنَ ٱلْعَٰلَمِينَ
کیا تم جہان والوں میں سے مردوں کے ساتھ شہوت رانی کرتے ہو.
سورۃ الشعراء [26]: 165 · ترجمہ: محمد جوناگڑھی (QuranEnc v1.1.3)
الشعراء · آیت 166
وَتَذَرُونَ مَا خَلَقَ لَكُمْ رَبُّكُم مِّنْ أَزْوَٰجِكُم بَلْ أَنتُمْ قَوْمٌ عَادُونَ
اور تمہاری جن عورتوں کو اللہ تعالیٰ نے تمہارا جوڑا بنایا ہے ان کو چھوڑ دیتے ہو[1] ، بلکہ تم ہو ہی حد سے گزر جانے والے.[2]
مترجم کے حواشی
[1] یہ قوم لوط کی سب سے بری عادت تھی، جس کی ابتدا اسی قوم سے ہوئی تھی، اسی لیے اس فعل بد کو لواطت سے تعبیر کیا جاتا ہے یعنی وہ بدفعلی جس کا آغاز قوم لوط سے ہوا لیکن اب یہ بدفعلی پوری دنیا میں عام ہے بلکہ یورپ میں تو اسے قانوناً جائز تسلیم کرلیاگیا ہے یعنی ان کے ہاں اب یہ سرے سے گناہ ہی نہیں ہے۔ جس قوم کا مزاج اتنا بگڑ گیا ہو کہ مرد و عورت کا ناجائز جنسی ملاپ (بشرطیکہ باہمی رضا مندی سے ہو) ان کے نزدیک جرم نہ ہو، تو وہاں دو مردوں کا آپس میں بدفعلی کرنی کیونکر گناہ اور ناجائز ہوسکتا ہے؟ أَعَاذَنَا اللهُ مِنْهُ۔ [2] عَادُونَ، عاد کی جمع ہے۔ عربی میں عاد کے معنی ہیں حد سے تجاوز کرنے والا۔ یعنی حق کو چھوڑ کر باطل کو اور حلال کو چھوڑ کر حرام کو اختیار کرنے والا۔ اللہ تعالیٰ نے نکاح شرعی کے ذریعے سے عورت کی فرج سے اپنی جنسی خواہش کی تسکین کو حلال قرار دیا ہے اور اس کام کے لیے مرد کی دبر کو حرام۔ قوم لوط نے عورتوں کی شرم گاہوں کو چھوڑ کر مردوں کی دبر اس کام کے لیے استعمال کی اور یوں اس نے اس حد سے تجاوز کیا۔
سورۃ الشعراء [26]: 166 · ترجمہ: محمد جوناگڑھی (QuranEnc v1.1.3)
الشعراء · آیت 167
قَالُوا۟ لَئِن لَّمْ تَنتَهِ يَٰلُوطُ لَتَكُونَنَّ مِنَ ٱلْمُخْرَجِينَ
انہوں نے جواب دیاکہ اے لوط! اگر تو باز نہ آیا تو یقیناً نکال دیا جائے گا.[1]
مترجم کے حواشی
[1] یعنی حضرت لوط (عليه السلام) کے وعظ و نصیحت کے جواب میں اس نے کہاکہ تو بڑا پاک باز بنا پھرتا ہے۔ یاد رکھنا اگر تو باز نہ آیا تو ہم اپنی بستی میں تجھے رہنے ہی نہ دیں گے۔ آج بھی بدیوں کا اتنا غلبہ اور بدوں کا اتنا زور ہے کہ نیکی منہ چھپائے پھرتی ہے، اور نیکوں کے لیےعرصہ حیات تنگ کردیاگیا ہے۔
سورۃ الشعراء [26]: 167 · ترجمہ: محمد جوناگڑھی (QuranEnc v1.1.3)
الشعراء · آیت 168
قَالَ إِنِّى لِعَمَلِكُم مِّنَ ٱلْقَالِينَ
آپ نے فرمایا، میں تمہارے کام سے سخت ناخوش ہوں.[1]
مترجم کے حواشی
[1] یعنی میں اسے پسند نہیں کرتا اور اس سے سخت بیزار ہوں۔
سورۃ الشعراء [26]: 168 · ترجمہ: محمد جوناگڑھی (QuranEnc v1.1.3)
الشعراء · آیت 169
رَبِّ نَجِّنِى وَأَهْلِى مِمَّا يَعْمَلُونَ
میرے پروردگار! مجھے اور میرے گھرانے کو اس (وبال) سے بچالے جو یہ کرتے ہیں.
سورۃ الشعراء [26]: 169 · ترجمہ: محمد جوناگڑھی (QuranEnc v1.1.3)
الشعراء · آیت 170
فَنَجَّيْنَٰهُ وَأَهْلَهُۥٓ أَجْمَعِينَ
پس ہم نے اسے اور اس کے متعلقین کو سب کو بچالیا.
سورۃ الشعراء [26]: 170 · ترجمہ: محمد جوناگڑھی (QuranEnc v1.1.3)
الشعراء · آیت 171
إِلَّا عَجُوزًا فِى ٱلْغَٰبِرِينَ
بجز ایک بڑھیا کے کہ وه پیچھے ره جانے والوں میں ہوگئی.[1]
مترجم کے حواشی
[1] اس سے مراد حضرت لوط (عليه السلام) کی بوڑھی بیوی ہے جو مسلمان نہیں ہوئی تھی، چنانچہ وہ بھی اپنی قوم کے ساتھ ہی ہلاک کردی گئی۔
سورۃ الشعراء [26]: 171 · ترجمہ: محمد جوناگڑھی (QuranEnc v1.1.3)
الشعراء · آیت 172
ثُمَّ دَمَّرْنَا ٱلْـَٔاخَرِينَ
پھر ہم نے باقی اور سب کو ہلاک کر دیا.
سورۃ الشعراء [26]: 172 · ترجمہ: محمد جوناگڑھی (QuranEnc v1.1.3)
الشعراء · آیت 173
وَأَمْطَرْنَا عَلَيْهِم مَّطَرًا فَسَآءَ مَطَرُ ٱلْمُنذَرِينَ
اور ہم نے ان پر ایک خاص قسم کا مینہ برسایا، پس بہت ہی برا مینہ تھا جو ڈرائے گئے ہوئے لوگوں پر برسا.[1]
مترجم کے حواشی
[1] یعنی نشان زندہ کنکر پتھروں کی بارش سے ہم نے ان کو ہلاک کیا اور ان کی بسیتوں کو ان پر الٹ دیاگیا، جیسا کہ سورۂ ہود۔ 83،82 میں بیان ہوا۔
سورۃ الشعراء [26]: 173 · ترجمہ: محمد جوناگڑھی (QuranEnc v1.1.3)
الشعراء · آیت 174
إِنَّ فِى ذَٰلِكَ لَـَٔايَةً وَمَا كَانَ أَكْثَرُهُم مُّؤْمِنِينَ
یہ ماجرا بھی سراسر عبرت ہے۔ ان میں سے بھی اکثر مسلمان نہ تھے.
سورۃ الشعراء [26]: 174 · ترجمہ: محمد جوناگڑھی (QuranEnc v1.1.3)
الشعراء · آیت 175
وَإِنَّ رَبَّكَ لَهُوَ ٱلْعَزِيزُ ٱلرَّحِيمُ
بیشک تیرا پروردگار وہی ہے غلبے واﻻ مہربانی واﻻ.
سورۃ الشعراء [26]: 175 · ترجمہ: محمد جوناگڑھی (QuranEnc v1.1.3)
الشعراء · آیت 176
كَذَّبَ أَصْحَٰبُ لْـَٔيْكَةِ ٱلْمُرْسَلِينَ
اَیکہ والوں نے بھی رسولوں کو جھٹلایا[1]
مترجم کے حواشی
[1] أَيْكَةَ، جنگل کو کہتے ہیں۔ اس سے حضرت شعیب (عليه السلام) کی قوم اور بستی (مدین) کے اطراف کے باشندے مراد ہیں۔ اور کہا جاتا ہے کہ ایکہ کے معنی ہیں گھنا درخت اور ایسا ایک درخت مدین کی نواحی آبادی میں تھا۔ جس کی پوجا پاٹ ہوتی تھی۔ حضرت شعیب (عليه السلام) کا دائرۂ نبوت اور حدود دعوت و تبلیغ، مدین سے لے کر اس نواحی آبادی تک تھا، جہاں ایکہ درخت کی پوجا ہوتی تھی۔ وہاں کے رہنے والوں کو اصحاب الایکہ کہاگیا ہے۔ اس لحاظ سے اصحاب الایکہ اور اہل مدین کے پیغمبر ایک ہی یعنی حضرت شعیب (عليه السلام) تھے اور یہ ایک ہی پیغمبر کی امت تھی۔ ایکہ، چونکہ قوم نہیں، بلکہ درخت تھا۔ اس لیے اخوت نسبی کا یہاں ذکر نہیں کیا، جس طرح کہ دوسرے انبیا کے ذکر میں ہے۔ البتہ جہاں مدین کے ضمن میں حضرت شعیب (عليه السلام) کا نام لیاگیا ہے، وہاں ان کے اخوت نسبی کا ذکر بھی ملتا ہے، کیونکہ مدین، قوم کا نام ہے۔«وَإِلَى مَدْيَنَ أَخَاهُمْ شُعَيْبًا» (الأعراف: 85) بعض مفسرین نے اصحاب الایکہ اور مدین کو الگ الگ بستیاں قرار دے کر کہا ہے کہ یہ مختلف دو امتیں ہیں، جن کی طرف باری باری حضرت شعیب (عليه السلام) کو بھیجا گیا۔ ایک مرتبہ مدین کی طرف اور دوسری مرتبہ اصحاب الایکہ کی طرف۔ لیکن امام ابن کثیر نے فرمایا ہے کہ صحیح بات یہی ہے کہ یہ ایک ہی امت ہے، «أَوْفُوا الْكَيْلَ وَالْمِيزَانَ» کا جو وعظ اہل مدین کو کیا گیا، یہی وعظ یہاں اصحاب الایکہ کو کیاجارہا ہے، جس سے صاف واضح ہے کہ یہ ایک ہی امت ہے، دو نہیں۔
سورۃ الشعراء [26]: 176 · ترجمہ: محمد جوناگڑھی (QuranEnc v1.1.3)
الشعراء · آیت 177
إِذْ قَالَ لَهُمْ شُعَيْبٌ أَلَا تَتَّقُونَ
جبکہ ان سے شعیب (علیہ السلام) نے کہاکہ کیا تمہیں ڈر خوف نہیں؟
سورۃ الشعراء [26]: 177 · ترجمہ: محمد جوناگڑھی (QuranEnc v1.1.3)
الشعراء · آیت 178
إِنِّى لَكُمْ رَسُولٌ أَمِينٌ
میں تمہاری طرف امانت دار رسول ہوں.
سورۃ الشعراء [26]: 178 · ترجمہ: محمد جوناگڑھی (QuranEnc v1.1.3)
الشعراء · آیت 179
فَٱتَّقُوا۟ ٱللَّهَ وَأَطِيعُونِ
اللہ کا خوف کھاؤ اور میری فرمانبرداری کرو.
سورۃ الشعراء [26]: 179 · ترجمہ: محمد جوناگڑھی (QuranEnc v1.1.3)
الشعراء · آیت 180
وَمَآ أَسْـَٔلُكُمْ عَلَيْهِ مِنْ أَجْرٍ إِنْ أَجْرِىَ إِلَّا عَلَىٰ رَبِّ ٱلْعَٰلَمِينَ
میں اس پر تم سے کوئی اجرت نہیں چاہتا، میرا اجر تمام جہانوں کے پالنے والے کے پاس ہے.
سورۃ الشعراء [26]: 180 · ترجمہ: محمد جوناگڑھی (QuranEnc v1.1.3)
الشعراء · آیت 181
أَوْفُوا۟ ٱلْكَيْلَ وَلَا تَكُونُوا۟ مِنَ ٱلْمُخْسِرِينَ
ناپ پورا بھرا کرو کم دینے والوں میں شمولیت نہ کرو.[1]
مترجم کے حواشی
[1] یعنی جب تم لوگوں کوناپ کردو تو اسی طرح پورا دو، جس طرح لیتے وقت تم پورا ناپ کر لیتے ہو۔ لینے اور دینے کے پیمانے الگ الگ مت رکھو، کہ دیتے وقت کم دو اور لیتے وقت پورا لو !۔
سورۃ الشعراء [26]: 181 · ترجمہ: محمد جوناگڑھی (QuranEnc v1.1.3)
الشعراء · آیت 182
وَزِنُوا۟ بِٱلْقِسْطَاسِ ٱلْمُسْتَقِيمِ
اور سیدھی صحیح ترازو سے توﻻ کرو.[1]
مترجم کے حواشی
[1] اسی طرح تول میں ڈنڈی مت مارو، بلکہ پورا صحیح تول کردو !۔
سورۃ الشعراء [26]: 182 · ترجمہ: محمد جوناگڑھی (QuranEnc v1.1.3)
الشعراء · آیت 183
وَلَا تَبْخَسُوا۟ ٱلنَّاسَ أَشْيَآءَهُمْ وَلَا تَعْثَوْا۟ فِى ٱلْأَرْضِ مُفْسِدِينَ
لوگوں کو ان کی چیزیں کمی سے نہ دو[1] بے باکی کے ساتھ زمین میں فساد مچاتے نہ پھرو.[2]
مترجم کے حواشی
[1] یعنی لوگوں کو دیتے وقت ناپ یا تول میں کمی مت کرو۔ [2] یعنی اللہ کی نافرمانی مت کرو، اس سے زمین میں فساد پھیلتا ہے۔ بعض نے اس سے مراد وہ رہزنی لے لی ہے، جس کا ارتکاب بھی یہ قوم کرتی تھی۔ جیسا کہ دوسرے مقام پر ہے، «وَلا تَقْعُدُوا بِكُلِّ صِرَاطٍ تُوعِدُونَ» (الأعراف: 86) ”راستوں میں لوگوں کو ڈرانے کے لیے مت بیٹھو“۔ (ابن کثیر)۔
سورۃ الشعراء [26]: 183 · ترجمہ: محمد جوناگڑھی (QuranEnc v1.1.3)
الشعراء · آیت 184
وَٱتَّقُوا۟ ٱلَّذِى خَلَقَكُمْ وَٱلْجِبِلَّةَ ٱلْأَوَّلِينَ
اس اللہ کا خوف رکھو جس نے خود تمہیں اور اگلی مخلوق کو پیدا کیا ہے.[1]
مترجم کے حواشی
[1] جِبِلَّةٌ اور جِبِلٌّ، مخلوق کے معنی میں ہے، جس طرح دوسرے مقام پر شیطان کے بارے میں فرمایا «وَلَقَدْ أَضَلَّ مِنْكُمْ جِبِلا كَثِيرًا» (سورة يس: 62) ”اس نے تم میں سے بہت ساری مخلوق کو گمراہ کیا“ اس کا استعمال بڑی جماعت کے لیے ہوتا ہے۔ وَهُوَ الْجَمْعُ ذُو الْعَدَدِ الْكَثِيرِ مِنَ النَّاسِ (فتح القدير)۔
سورۃ الشعراء [26]: 184 · ترجمہ: محمد جوناگڑھی (QuranEnc v1.1.3)
الشعراء · آیت 185
قَالُوٓا۟ إِنَّمَآ أَنتَ مِنَ ٱلْمُسَحَّرِينَ
انہوں نے کہا تو تو ان میں سے ہے جن پر جادو کردیا جاتا ہے.
سورۃ الشعراء [26]: 185 · ترجمہ: محمد جوناگڑھی (QuranEnc v1.1.3)
الشعراء · آیت 186
وَمَآ أَنتَ إِلَّا بَشَرٌ مِّثْلُنَا وَإِن نَّظُنُّكَ لَمِنَ ٱلْكَٰذِبِينَ
اور تو تو ہم ہی جیسا ایک انسان ہے اور ہم تو تجھے جھوٹ بولنے والوں میں سے ہی سمجھتے ہیں.[1]
مترجم کے حواشی
[1] یعنی تو جو دعویٰ کرتا ہے کہ مجھے اللہ نے وحی و رسالت سے نوازا ہے، ہم تجھے اس دعوے میں جھوٹا سمجھتے ہیں، کیونکہ تو بھی ہم جیسا ہی انسان ہے۔ پھر تو اس شرف سے مشرف کیونکر ہوسکتا ہے؟
سورۃ الشعراء [26]: 186 · ترجمہ: محمد جوناگڑھی (QuranEnc v1.1.3)
الشعراء · آیت 187
فَأَسْقِطْ عَلَيْنَا كِسَفًا مِّنَ ٱلسَّمَآءِ إِن كُنتَ مِنَ ٱلصَّٰدِقِينَ
اگر تو سچے لوگوں میں سے ہے تو ہم پر آسمان کے ٹکڑے گرادے.[1]
مترجم کے حواشی
[1] یہ حضرت شعیب (عليه السلام) کی تہدید کے جواب میں انہوں نے کہا کہ اگر تو واقعی سچا ہے تو جاہم تجھے نہیں مانتے، ہم پر آسمان کا ٹکڑا گراکر دکھا!۔
سورۃ الشعراء [26]: 187 · ترجمہ: محمد جوناگڑھی (QuranEnc v1.1.3)
الشعراء · آیت 188
قَالَ رَبِّىٓ أَعْلَمُ بِمَا تَعْمَلُونَ
کہاکہ میرا رب خوب جاننے واﻻ ہے جو کچھ تم کر رہے ہو.[1]
مترجم کے حواشی
[1] یعنی تم جو کفروشرک کر رہے ہو، سب اللہ کے علم میں ہے اور وہی اس کی جزا تمہیں دے گا، اگر چاہے گا تو دنیا میں بھی دے دے گا، یہ عذاب اور سزا اس کے اختیار میں ہے۔
سورۃ الشعراء [26]: 188 · ترجمہ: محمد جوناگڑھی (QuranEnc v1.1.3)
الشعراء · آیت 189
فَكَذَّبُوهُ فَأَخَذَهُمْ عَذَابُ يَوْمِ ٱلظُّلَّةِ إِنَّهُۥ كَانَ عَذَابَ يَوْمٍ عَظِيمٍ
چونکہ انہوں نے اسے جھٹلایا تو انہیں سائبان والے دن کے عذاب نے پکڑ لیا[1] ۔ وه بڑے بھاری دن کا عذاب تھا.
مترجم کے حواشی
[1] انہوں نے بھی کفار مکہ کی طرح آسمانی عذاب مانگا تھا، اللہ نے اس کے مطابق ان پر عذاب نازل فرمادیا اور وہ اس طرح کہ بعض روایات کے مطابق سات دن تک ان پر سخت گرمی اور دھوپ مسلط کردی، اس کے بعد بادلوں کا ایک سایہ آیا اور یہ سب گرمی اور دھوپ کی شدت سے بچنے کے لیے اس سائے تلے جمع ہوگئے اور کچھ سکھ کا سانس لیا۔ لیکن چند لمحے بعد ہی آسمان سے آگ کے شعلے برسنے شروع ہوگئے، زمین زلزلے سے لرز اٹھی اور ایک سخت چنگھاڑ نے انہیں ہمیشہ کے لیے موت کی نیند سلادیا۔ یوں تین قسم کا عذاب ان پر آیا اور یہ اس دن آیا جس دن ان پر بادل سایہ فگن ہوا، اس لیے فرمایا کہ سائے والے دن کے عذاب نے انہیں پکڑ لیا۔ امام ابن کثیر فرماتے ہیں کہ اللہ تعالیٰ نے تین مقامات پر قوم شعیب (عليه السلام) کی ہلاکت کا ذکر کیا ہے اور تینوں جگہ موقع کی مناسبت سے الگ الگ عذاب کا ذکر کیا ہے۔ سورۂ اعراف ، 88 میں زلزلہ کا ذکر ہے، سورۂ ہود، 94 میں صيحة(چیخ) کا اور یہاں شعراء میں آسمان سے ٹکڑے گرانے کا۔ یعنی تین قسم کا عذاب اس قوم پر آیا۔
سورۃ الشعراء [26]: 189 · ترجمہ: محمد جوناگڑھی (QuranEnc v1.1.3)
الشعراء · آیت 190
إِنَّ فِى ذَٰلِكَ لَـَٔايَةً وَمَا كَانَ أَكْثَرُهُم مُّؤْمِنِينَ
یقیناً اس میں بڑی نشانی ہے اور ان میں کےاکثر مسلمان نہ تھے.
سورۃ الشعراء [26]: 190 · ترجمہ: محمد جوناگڑھی (QuranEnc v1.1.3)
الشعراء · آیت 191
وَإِنَّ رَبَّكَ لَهُوَ ٱلْعَزِيزُ ٱلرَّحِيمُ
اور یقیناً تیرا پروردگار البتہ وہی ہے غلبے واﻻ مہربانی واﻻ.
سورۃ الشعراء [26]: 191 · ترجمہ: محمد جوناگڑھی (QuranEnc v1.1.3)
الشعراء · آیت 192
وَإِنَّهُۥ لَتَنزِيلُ رَبِّ ٱلْعَٰلَمِينَ
اور بیشک و شبہ یہ (قرآن) رب العالمین کا نازل فرمایا ہوا ہے.
سورۃ الشعراء [26]: 192 · ترجمہ: محمد جوناگڑھی (QuranEnc v1.1.3)
الشعراء · آیت 193
نَزَلَ بِهِ ٱلرُّوحُ ٱلْأَمِينُ
اسے امانت دار فرشتہ لے کر آیا ہے.[1]
مترجم کے حواشی
[1] کفار مکہ نے قرآن کےوحی الٰہی اور منزل من اللہ ہونے کا انکار کیا اور اسی بنا پر رسالت محمدیہ اور دعوت محمدیہ کا انکار کیا۔ اللہ تعالیٰ نے انبیا علیہم السلام کے واقعات بیان کرکے یہ واضح کیاکہ یہ قرآن یقیناً وحی الٰہی ہے اور محمد (صلى الله عليه وسلم) اللہ کے سچے رسول ہیں۔ کیونکہ اگر ایسا نہ ہوتا تو یہ پیغمبر جو پڑھ سکتا نہ لکھ سکتا ہے۔ گزشتہ انبیا اور قوموں کے واقعات کس طرح بیان کرسکتا تھا؟ اس لیے یہ قرآن یقیناً اللہ رب العالمین ہی کی طرف سے نازل کردہ ہے جسے ایک امانت دار فرشتہ یعنی جبرائیل (عليه السلام) لے کر آئے۔
سورۃ الشعراء [26]: 193 · ترجمہ: محمد جوناگڑھی (QuranEnc v1.1.3)
الشعراء · آیت 194
عَلَىٰ قَلْبِكَ لِتَكُونَ مِنَ ٱلْمُنذِرِينَ
آپ کے دل پر اترا ہے[1] کہ آپ آگاه کر دینے والوں میں سے ہو جائیں.[2]
مترجم کے حواشی
[1] دل کا بطور خاص اس لیے ذکر فرمایا کہ حواس باطنہ میں دل ہی سب سے زیادہ ادراک او رحفظ کی قوت رکھتا ہے۔ [2] یہ نزول قرآن کی علت ہے۔
سورۃ الشعراء [26]: 194 · ترجمہ: محمد جوناگڑھی (QuranEnc v1.1.3)
الشعراء · آیت 195
بِلِسَانٍ عَرَبِىٍّ مُّبِينٍ
صاف عربی زبان میں ہے.
سورۃ الشعراء [26]: 195 · ترجمہ: محمد جوناگڑھی (QuranEnc v1.1.3)
الشعراء · آیت 196
وَإِنَّهُۥ لَفِى زُبُرِ ٱلْأَوَّلِينَ
اگلے نبیوں کی کتابوں میں بھی اس قرآن کا تذکره ہے.[1]
مترجم کے حواشی
[1] یعنی جس طرح پیغمبرآخرالزماں (صلى الله عليه وسلم) کے ظہور و بعثت کا اور آپ (صلى الله عليه وسلم) کی صفات جمیلہ کا تذکرہ پچھلی کتابوں میں ہے، اسی طرح اس قرآن کے نزول کی خوشخبری بھی صحف سابقہ میں دی گئی تھی۔ ایک دوسرے معنی یہ کیے گئے ہیں کہ یہ قرآن مجید، بہ اعتبار ان احکام کے، جن پر تمام شریعتوں کا اتفاق رہا ہے، پچھلی کتابوں میں بھی موجود رہا ہے۔
سورۃ الشعراء [26]: 196 · ترجمہ: محمد جوناگڑھی (QuranEnc v1.1.3)
الشعراء · آیت 197
أَوَلَمْ يَكُن لَّهُمْ ءَايَةً أَن يَعْلَمَهُۥ عُلَمَٰٓؤُا۟ بَنِىٓ إِسْرَٰٓءِيلَ
کیا انہیں یہ نشانی کافی نہیں کہ حقانیت قرآن کو تو بنی اسرائیل کے علماء بھی جانتے ہیں.[1]
مترجم کے حواشی
[1] کیونکہ ان کتابوں میں آپ (صلى الله عليه وسلم) کا اور قرآن کا ذکر موجود ہے۔ یہ کفار مکہ، مذہبی معاملات میں یہود کی طرف رجوع کرتے تھے، اس اعتبار سے فرمایاکہ کیاان کا یہ جاننا اوربتلانا اس بات کی دلیل نہیں کہ محمد (صلى الله عليه وسلم) ،اللہ کے سچے رسول اور یہ قرآن اللہ کی طرف سے نازل کردہ ہے۔ پھر یہ یہود کی اس بات کو مانتے ہوئے پیغمبر پر ایمان کیوں نہیں لاتے؟۔
سورۃ الشعراء [26]: 197 · ترجمہ: محمد جوناگڑھی (QuranEnc v1.1.3)
الشعراء · آیت 198
وَلَوْ نَزَّلْنَٰهُ عَلَىٰ بَعْضِ ٱلْأَعْجَمِينَ
اور اگر ہم اسے کسی عجمی شخص پر نازل فرماتے.
سورۃ الشعراء [26]: 198 · ترجمہ: محمد جوناگڑھی (QuranEnc v1.1.3)
الشعراء · آیت 199
فَقَرَأَهُۥ عَلَيْهِم مَّا كَانُوا۟ بِهِۦ مُؤْمِنِينَ
پس وه ان کے سامنے اس کی تلاوت کرتا تو یہ اسے باور کرنے والے نہ ہوتے.[1]
مترجم کے حواشی
[1] یعنی کسی عجمی زبان میں نازل کرتے تو یہ کہتے کہ یہ تو ہماری سمجھ میں ہی نہیں آتا۔ جیسے حٰم السجدۃ۔ 44 میں ہے۔
سورۃ الشعراء [26]: 199 · ترجمہ: محمد جوناگڑھی (QuranEnc v1.1.3)
الشعراء · آیت 200
كَذَٰلِكَ سَلَكْنَٰهُ فِى قُلُوبِ ٱلْمُجْرِمِينَ
اسی طرح ہم نے گناہگاروں کے دلوں میں اس انکار کو داخل کر دیا ہے.[1]
مترجم کے حواشی
[1] یعنی سَلَكْنَاهُ میں ضمیر کا مرجع کفروتکذیب اور جحود و عناد ہے۔
سورۃ الشعراء [26]: 200 · ترجمہ: محمد جوناگڑھی (QuranEnc v1.1.3)
الشعراء · آیت 201
لَا يُؤْمِنُونَ بِهِۦ حَتَّىٰ يَرَوُا۟ ٱلْعَذَابَ ٱلْأَلِيمَ
وه جب تک دردناک عذابوں کو ملاحظہ نہ کرلیں ایمان نہ ﻻئیں گے.
سورۃ الشعراء [26]: 201 · ترجمہ: محمد جوناگڑھی (QuranEnc v1.1.3)
الشعراء · آیت 202
فَيَأْتِيَهُم بَغْتَةً وَهُمْ لَا يَشْعُرُونَ
پس وه عذاب ان کو ناگہاں آجائے گا انہیں اس کا شعور بھی نہ ہو گا.
سورۃ الشعراء [26]: 202 · ترجمہ: محمد جوناگڑھی (QuranEnc v1.1.3)
الشعراء · آیت 203
فَيَقُولُوا۟ هَلْ نَحْنُ مُنظَرُونَ
اس وقت کہیں گے کہ کیا ہمیں کچھ مہلت دی جائے گی؟[1]
مترجم کے حواشی
[1] لیکن مشاہدۂ عذاب کے بعد مہلت نہیں دی جاتی، نہ اس وقت کی توبہ ہی مقبول ہے، «فَلَمْ يَكُ يَنْفَعُهُمْ إِيمَانُهُمْ لَمَّا رَأَوْا بَأْسَنَا» (المؤمن: 85)۔
سورۃ الشعراء [26]: 203 · ترجمہ: محمد جوناگڑھی (QuranEnc v1.1.3)
الشعراء · آیت 204
أَفَبِعَذَابِنَا يَسْتَعْجِلُونَ
پس کیا یہ ہمارے عذاب کی جلدی مچا رہے ہیں؟[1]
مترجم کے حواشی
[1] یہ اشارہ ہے ان کے مطالبے کی طرف جو اپنے پیغمبر سے کرتے رہے ہیں کہ اگر تو سچا ہےتو عذاب لے آ۔
سورۃ الشعراء [26]: 204 · ترجمہ: محمد جوناگڑھی (QuranEnc v1.1.3)
الشعراء · آیت 205
أَفَرَءَيْتَ إِن مَّتَّعْنَٰهُمْ سِنِينَ
اچھا یہ بھی بتاؤ کہ اگر ہم نے انہیں کئی سال بھی فائده اٹھانے دیا.
سورۃ الشعراء [26]: 205 · ترجمہ: محمد جوناگڑھی (QuranEnc v1.1.3)
الشعراء · آیت 206
ثُمَّ جَآءَهُم مَّا كَانُوا۟ يُوعَدُونَ
پھر انہیں وه عذاب آ لگا جن سے یہ دھمکائے جاتے تھے.
سورۃ الشعراء [26]: 206 · ترجمہ: محمد جوناگڑھی (QuranEnc v1.1.3)
الشعراء · آیت 207
مَآ أَغْنَىٰ عَنْهُم مَّا كَانُوا۟ يُمَتَّعُونَ
تو جو کچھ بھی یہ برتتے رہے اس میں سے کچھ بھی فائده نہ پہنچا سکے گا.[1]
مترجم کے حواشی
[1] یعنی اگر ہم انہیں مہلت دے دیں اور پھر انہیں اپنے عذاب کی گرفت میں لیں، تو کیا دنیا کا مال و متاع ان کے کچھ کام آئے گا؟ یعنی انہیں عذاب سے بچاسکے گا؟ نہیں، یقیناً نہیں۔ «وَمَا هُوَ بِمُزَحْزِحِهِ مِنَ الْعَذَابِ أَنْ يُعَمَّرَ» (البقرة: 96) «وَمَا يُغْنِي عَنْهُ مَالُهُ إِذَا تَرَدَّى» (الليل: 11)۔
سورۃ الشعراء [26]: 207 · ترجمہ: محمد جوناگڑھی (QuranEnc v1.1.3)
الشعراء · آیت 208
وَمَآ أَهْلَكْنَا مِن قَرْيَةٍ إِلَّا لَهَا مُنذِرُونَ
ہم نے کسی بستی کو ہلاک نہیں کیا ہے مگر اسی حال میں کہ اس کے لیے ڈرانے والے تھے.
سورۃ الشعراء [26]: 208 · ترجمہ: محمد جوناگڑھی (QuranEnc v1.1.3)
الشعراء · آیت 209
ذِكْرَىٰ وَمَا كُنَّا ظَٰلِمِينَ
نصیحت کے طور پر اور ہم ﻇلم کرنے والے نہیں ہیں.[1]
مترجم کے حواشی
[1] یعنی ارسال رسل اور انذار کے بغیر اگر ہم کسی بستی کو ہلاک کردیتے تو یہ ظلم ہوتا، ہم نے ایسا ظلم نہیں کیا بلکہ عدل کے تقاضوں کے مطابق ہم نے پہلے ہر بستی میں رسول بھیجے، جنہوں نے اہل قریہ کو عذاب الٰہی سے ڈرایا اور اس کےبعد جب انہوں نے پیغمبر کی بات نہیں مانی، تو ہم نے انہیں ہلاک کیا۔ مضمون بنی اسرائیل: 15 اور قصص: 59 وغیرہ بھی بیان کیاگیا ہے۔
سورۃ الشعراء [26]: 209 · ترجمہ: محمد جوناگڑھی (QuranEnc v1.1.3)
الشعراء · آیت 210
وَمَا تَنَزَّلَتْ بِهِ ٱلشَّيَٰطِينُ
اس قرآن کو شیطان نہیں ﻻئے.
سورۃ الشعراء [26]: 210 · ترجمہ: محمد جوناگڑھی (QuranEnc v1.1.3)
الشعراء · آیت 211
وَمَا يَنۢبَغِى لَهُمْ وَمَا يَسْتَطِيعُونَ
نہ وه اس کے قابل ہیں، نہ انہیں اس کی طاقت ہے.
سورۃ الشعراء [26]: 211 · ترجمہ: محمد جوناگڑھی (QuranEnc v1.1.3)
الشعراء · آیت 212
إِنَّهُمْ عَنِ ٱلسَّمْعِ لَمَعْزُولُونَ
بلکہ وه تو سننے سے بھی محروم کردیے گئے ہیں.[1]
مترجم کے حواشی
[1] ان آیات میں قرآن کی، شیطانی دخل اندازیوں سے،محفوظیت کا بیان ہے۔ ایک تو اس لیے کہ شیاطین کا قرآن لیکر نازل ہونا، ان کے لائق نہیں ہے۔ کیونکہ ان کا مقصد شروفساد اور منکرات کی اشاعت ہے، جب کہ قرآن کا مقصد نیکی کا حکم اور فروغ اور منکرات کا سدباب ہے۔ گویا دونوں ایک دوسرے کی ضد اور باہم منافی ہیں۔ دوسرے، یہ کہ شیاطین اس کی طاقت بھی نہیں رکھتے، تیسرے، نزول قرآن کے وقت شیاطین اس کے سننے سے دور اور محروم رکھے گئے، آسمانوں پر ستاروں کو چوکیدار بنادیاگیا تھا اور جو بھی شیطان اوپر جاتا یہ ستارے اس پر برق خاطف بن کر گرتے اور بھسم کر دیتے۔ اس طرح اللہ تعالیٰ نے قرآن کو شیاطین سے بچانے کا خصوصی اہتمام فرمایا۔
سورۃ الشعراء [26]: 212 · ترجمہ: محمد جوناگڑھی (QuranEnc v1.1.3)
الشعراء · آیت 213
فَلَا تَدْعُ مَعَ ٱللَّهِ إِلَٰهًا ءَاخَرَ فَتَكُونَ مِنَ ٱلْمُعَذَّبِينَ
پس تو اللہ کے ساتھ کسی اور معبود کو نہ پکار کہ تو بھی سزا پانے والوں میں سے ہوجائے.
سورۃ الشعراء [26]: 213 · ترجمہ: محمد جوناگڑھی (QuranEnc v1.1.3)
الشعراء · آیت 214
وَأَنذِرْ عَشِيرَتَكَ ٱلْأَقْرَبِينَ
اپنے قریبی رشتہ والوں کو ڈرا دے.[1]
مترجم کے حواشی
[1] پیغمبر کی دعوت صرف رشتے داروں کے لیے نہیں، بلکہ پوری قوم کے لیے ہوتی ہے اور نبی (صلى الله عليه وسلم) تو پوری نسل انسانی کے لیے ہادی اور رہبر بن کر آئے تھے۔ قریبی رشتے داروں کو دعوت ایمان، دعوت عام کے منافی نہیں، بلکہ اسی کا ایک حصہ یا اس کا ایک ترجیحی پہلو ہے۔ جس طرح حضرت ابراہیم (عليه السلام) نے بھی سب سے پہلے اپنے باپ آزر کو توحید کی دعوت دی تھی۔ اس حکم کےبعد نبی (صلى الله عليه وسلم) صفاپہاڑی پر چڑھ گئے اور يَا صَبَاحَاهُ کہہ کر آواز دی۔ یہ کلمہ اس وقت بولا جاتا ہے جب دشمن اچانک حملہ کردے، اس کے ذریعے سے قوم کو خبردار کیا جاتا ہے۔ یہ کلمہ سن کر لوگ جمع ہوگئے، آپ نے قریش کے مختلف قبیلوں کے نام لے لے کر فرمایا، بتلاؤ اگر میں تمہیں یہ کہوں کہ اس پہاڑ کی پشت پر دشمن کا لشکر موجود ہے جو تم پر حملہ آور ہواچاہتا ہے، تو کیا تم مانو گے؟ سب نےکہا ہاں، یقیناً ہم تصدیق کریں گے۔ آپ (صلى الله عليه وسلم) نے فرمایا کہ مجھے اللہ نے نذیربنا کربھیجا ہے، میں تمہیں ایک سخت عذاب سے ڈراتا ہوں، اس پر ابو لہب نے کہا تَبًّا لَكَ أَمَا دَعَوْتَنَا إِلا لِهَذَا ”تیرے لیے ہلاکت ہو، کیا تو نے ہمیں اسی لیے بلایا تھا؟“ اس کے جواب میں سورۂ تبت نازل ہوئی (صحيح بخاري، تفسير سورة المسد) آپ (صلى الله عليه وسلم) نے اپنی بیٹی فاطمہ (رضی الله عنها) اور اپنی پھوپھی حضرت صفیہ (رضی الله عنها) کو بھی فرمایا، تم اللہ کے ہاں بچاؤ کا بندوبست کر لو، میں وہاں تمہارے کام نہیں آسکوں گا (صحيح مسلم كتاب الإيمان، باب وأنذر عشيرتك الأقربين)۔
سورۃ الشعراء [26]: 214 · ترجمہ: محمد جوناگڑھی (QuranEnc v1.1.3)
الشعراء · آیت 215
وَٱخْفِضْ جَنَاحَكَ لِمَنِ ٱتَّبَعَكَ مِنَ ٱلْمُؤْمِنِينَ
اس کے ساتھ فروتنی سے پیش آ، جو بھی ایمان ﻻنے واﻻ ہو کر تیری تابعداری کرے.
سورۃ الشعراء [26]: 215 · ترجمہ: محمد جوناگڑھی (QuranEnc v1.1.3)
الشعراء · آیت 216
فَإِنْ عَصَوْكَ فَقُلْ إِنِّى بَرِىٓءٌ مِّمَّا تَعْمَلُونَ
اگر یہ لوگ تیری نافرمانی کریں تو تو اعلان کردے کہ میں ان کاموں سے بیزار ہوں جو تم کر رہے ہو.
سورۃ الشعراء [26]: 216 · ترجمہ: محمد جوناگڑھی (QuranEnc v1.1.3)
الشعراء · آیت 217
وَتَوَكَّلْ عَلَى ٱلْعَزِيزِ ٱلرَّحِيمِ
اپنا پورا بھروسہ غالب مہربان اللہ پر رکھ.
سورۃ الشعراء [26]: 217 · ترجمہ: محمد جوناگڑھی (QuranEnc v1.1.3)
الشعراء · آیت 218
ٱلَّذِى يَرَىٰكَ حِينَ تَقُومُ
جو تجھے دیکھتا رہتا ہے جبکہ تو کھڑا ہوتا ہے.
سورۃ الشعراء [26]: 218 · ترجمہ: محمد جوناگڑھی (QuranEnc v1.1.3)
الشعراء · آیت 219
وَتَقَلُّبَكَ فِى ٱلسَّٰجِدِينَ
اور سجده کرنے والوں کے درمیان تیرا گھومنا پھرنا بھی.[1]
مترجم کے حواشی
[1] یعنی جب تو تنہا ہوتا ہے، تب بھی اللہ دیکھتا ہے اور جب لوگوں میں ہوتا ہے تب بھی۔
سورۃ الشعراء [26]: 219 · ترجمہ: محمد جوناگڑھی (QuranEnc v1.1.3)
الشعراء · آیت 220
إِنَّهُۥ هُوَ ٱلسَّمِيعُ ٱلْعَلِيمُ
وه بڑا ہی سننے واﻻ اور خوب ہی جاننے واﻻ ہے.
سورۃ الشعراء [26]: 220 · ترجمہ: محمد جوناگڑھی (QuranEnc v1.1.3)
الشعراء · آیت 221
هَلْ أُنَبِّئُكُمْ عَلَىٰ مَن تَنَزَّلُ ٱلشَّيَٰطِينُ
کیا میں تمہیں بتاؤں کہ شیطان کس پر اترتے ہیں.
سورۃ الشعراء [26]: 221 · ترجمہ: محمد جوناگڑھی (QuranEnc v1.1.3)
الشعراء · آیت 222
تَنَزَّلُ عَلَىٰ كُلِّ أَفَّاكٍ أَثِيمٍ
وه ہر ایک جھوٹے گنہگار پر اترتے ہیں.[1]
مترجم کے حواشی
[1] یعنی اس قرآن کے نزول میں شیطان کا کوئی دخل نہیں ہے، کیونکہ شیطان تو جھوٹوں اور گناہ گاروں (یعنی کاﮨنوں،نجومیوں وغیرہ) پر اترتے ہیں نہ کہ انبیا و صالحین پر۔
سورۃ الشعراء [26]: 222 · ترجمہ: محمد جوناگڑھی (QuranEnc v1.1.3)
الشعراء · آیت 223
يُلْقُونَ ٱلسَّمْعَ وَأَكْثَرُهُمْ كَٰذِبُونَ
(اچٹتی) ہوئی سنی سنائی پہنچا دیتے ہیں اور ان میں سے اکثر جھوٹے ہیں.[1]
مترجم کے حواشی
[1] یعنی ایک آدھ بات، جو کسی طرح وہ سننے میں کامیاب ہو جاتے ہیں، ان کاہنوں کو آکر بتلادیتے ہیں، جن کے ساتھ وہ جھوٹی باتیں اور ملالیتے ہیں (جیسا کہ صحیح حدیث میں ہے۔) ملاحظہ ہو (صحيح بخاري، كتاب التوحيد ، باب قراءة الفاجر والمنافق وبدء الخلق ، باب صفة إبليس وجنوده، صحيح مسلم، كتاب السلام باب تحريم الكهانة وإتيان الكهان)، «يُلْقُونَ السَّمْعَ» شیاطین آسمان سے سنی ہوئی بعض باتیں کاﮨنوں کو پہنچا دیتے ہیں، اس صورت میں سمع کے معنی مسموع کے ہوں گے۔ لیکن اگر اس کا مطلب حاسۂ سماعت (کان) ہے، تو مطلب ہوگا کہ شیاطین آسمانوں پر جاکر کان لگاکر چوری چھپے بعض باتیں سن آتےہیں اور پھر انہیں کاہنوں تک پہنچادیتے ہیں۔
سورۃ الشعراء [26]: 223 · ترجمہ: محمد جوناگڑھی (QuranEnc v1.1.3)
الشعراء · آیت 224
وَٱلشُّعَرَآءُ يَتَّبِعُهُمُ ٱلْغَاوُۥنَ
شاعروں کی پیروی وه کرتے ہیں جو بہکے ہوئے ہوں.
سورۃ الشعراء [26]: 224 · ترجمہ: محمد جوناگڑھی (QuranEnc v1.1.3)
الشعراء · آیت 225
أَلَمْ تَرَ أَنَّهُمْ فِى كُلِّ وَادٍ يَهِيمُونَ
کیا آپ نے نہیں دیکھا کہ شاعر ایک ایک بیابان میں سر ٹکراتے پھرتے ہیں.
سورۃ الشعراء [26]: 225 · ترجمہ: محمد جوناگڑھی (QuranEnc v1.1.3)
الشعراء · آیت 226
وَأَنَّهُمْ يَقُولُونَ مَا لَا يَفْعَلُونَ
اور وه کہتے ہیں جو کرتے نہیں.[1]
مترجم کے حواشی
[1] شاعروں کی اکثریت چونکہ ایسی ہوتی ہے کہ وہ مدح و ذم میں، اصول و ضابطے کے بجائے، ذاتی پسند و ناپسند کےمطابق اظہار رائے کرتے ہیں۔ علاوہ ازیں اس میں غلو اور مبالغہ آرائی سے کام لیتے ہیں اور شاعرانہ تخیلات میں کبھی ادھر اور کبھی ادھر بھٹکتے ہیں۔ اس لیے فرمایا کہ ان کے پیچھے لگنے والے بھی گمراہ ہیں۔ اسی قسم کے اشعار کے لیے حدیث میں بھی فرمایا گیا ہے کہ ”پیٹ کو لہو پیپ سے بھر جانا، جو اسے خراب کردے، شعر سے بھرجانے سے بہتر ہے“۔ (ترمذی، ابواب الآداب و مسلم وغیرہ) یہاں اس کے بیان کا مطلب یہ ہے کہ ہمارا پیغمبر کاﮨﻦ ہے نہ شاعر۔ اس لیے کہ یہ دونوں ہی جھوٹے ہیں۔ چنانچہ دوسرےمقامات پر بھی آپ (صلى الله عليه وسلم) کے شاعر ہونے کی نفی کی گئی ہے۔ مثلاً سورۂ یٰسین:69 ،سورۃ الحاقہ: 40 - 43۔
سورۃ الشعراء [26]: 226 · ترجمہ: محمد جوناگڑھی (QuranEnc v1.1.3)
الشعراء · آیت 227
إِلَّا ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ وَذَكَرُوا۟ ٱللَّهَ كَثِيرًا وَٱنتَصَرُوا۟ مِنۢ بَعْدِ مَا ظُلِمُوا۟ وَسَيَعْلَمُ ٱلَّذِينَ ظَلَمُوٓا۟ أَىَّ مُنقَلَبٍ يَنقَلِبُونَ
سوائے ان کے جو ایمان ﻻئے[1] اور نیک عمل کیے اور بکثرت اللہ تعالیٰ کا ذکر کیا اور اپنی مظلومی کے بعد انتقام لیا[2]، جنہوں نے ﻇلم کیا ہے وه بھی عنقریب جان لیں گے کہ کس کروٹ الٹتے ہیں.[3]
مترجم کے حواشی
[1] اس سے ان شاعروں کو مستثنیٰ فرما دیا گیا، جن کی شاعری صداقت اور حقائق پر مبنی ہے اور استثنا ایسے الفاظ سے فرمایا جن سے واضح ہو جاتا ہے کہ مومن، عمل صالح پر کاربند اور کثرت سے اللہ کا ذکر کرنے والا شاعر غلط شاعری، جس میں جھوٹ، غلو اور افراط و تفریط ہو، کر ہی نہیں سکتا۔ یہ ان ہی لوگوں کا کام ہے جو مومنانہ صفات سےعاری ہوں۔ [2] یعنی ایسے مومن شاعر، ان کافر شعراء کا جواب دیتے ہیں، جس میں انہوں نے مسلمانوں کی ہجو (برائی) کی ہو۔ جس طرح حضرت حسان بن ثابت (رضي الله عنه) کافروں کی ہجویہ شاعری کا جواب دیا کرتے تھے اور خود نبی (صلى الله عليه وسلم) ان کو فرماتے کہ ”ان (کافروں) کی ہجو بیان کرو، جبرائیل (عليه السلام) بھی تمہارے ساتھ ہیں“۔ (صحيح بخاري، كتاب بدء الخلق، باب ذكر الملائكة، مسلم، فضائل حسان بن ثابت) اس سے معلوم ہوا کہ ایسی شاعری جائز ہے جس میں کذب و مبالغہ نہ ہو اور جس کے ذریعے سے مشرکین و کفار اور مبتدعین و اہل باطل کو جواب دیاجائے اور مسلک حق اور توحید و سنت کا اثبات کیاجائے۔ [3] یعنی أَيَّ مَرْجَع يَرْجِعُونَ یعنی کون سی جگہ وہ لوٹتے ہیں؟ اور وہ جہنم ہے۔ اس میں ظالموں کے لیے سخت وعید ہے۔ جس طرح حدیث میں بھی فرمایا گیا ہے ”تم ظلم سے بچو! اس لیے کہ ظلم قیامت والے دن اندھیروں کا باعث ہوگا“۔ (صحيح مسلم، كتاب البر، باب تحريم الظلم)۔
سورۃ الشعراء [26]: 227 · ترجمہ: محمد جوناگڑھی (QuranEnc v1.1.3)
اکثر پوچھے جانے والے سوالات
سورۃ الشعراء میں کتنی آیات ہیں؟
227 آیات۔ الشعراء قرآن کی 26ویں سورۃ ہے اور مکی ہے۔
سورۃ الشعراء کس پارے میں ہے؟
پارہ 19۔ اس کی پہلی آیت مصحفِ مدینہ کے صفحہ 367 پر ہے۔
الشعراء کے نام کا کیا مطلب ہے؟
الشعراء کا مطلب “شعراٗ” ہے۔
عربی متن اور ترجمہ کہاں سے لیا گیا ہے؟
عربی متن تنزیل (رسمِ عثمانی، ورژن 1.1) سے اور ترجمہ ترجمہ: محمد جوناگڑھی (QuranEnc v1.1.3) سے۔ دونوں بغیر کسی تبدیلی کے دکھائے گئے ہیں۔
متن کے مآخذ
-
عربی متن · Tanzil Project (tanzil.net)، رسمِ عثمانی ورژن 1.1، CC BY 3.0، بغیر تبدیلی کے نقل
-
ترجمہ · Urdu Translation - Muhammad Junagarhi · QuranEnc.com v1.1.3
-
پارے اور صفحات · Tanzil Quran Metadata 1.0 (مصحفِ مدینہ، 604 صفحات)، CC BY 3.0